Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୀଳଗିରି : ଛିଣ୍ଡି ପଡିଲା ୧୧କେଭି ବିଦ୍ୟୁତ୍ ତାର, ଅଳ୍ପକେ ବର୍ତିଲେ ଗ୍ରାମବାସୀ
  • ||
  • ଭୁବନେଶ୍ବର : ମାର୍ଚ୍ଚ ପହିଲାରୁ ବରିଷ୍ଠ ନାଗରିକଙ୍କୁ ଟିକା, ୧୨ଟି ସରକାରୀ ଓ ୧୦ଟି ଘରୋଇ ହସ୍ପିଟାଲରେ ଟିକାଦାନ
  • ||
  • ଋଷିକୁଲ୍ୟା ନଦୀପଠାରୁ ଆନ୍ଧ୍ରକୁ ବାଲି ଚାଲାଣ ଘଟଣା : ୭ଟି ବାଲି ବୋଝେଇ ଟ୍ରକ୍ ଜବତ କଲା ପୋଲିସ
  • ||
  • ୫ରାଜ୍ୟ ଫେରନ୍ତାଙ୍କ ପାଇଁ ସ୍ବତନ୍ତ୍ର କଟକଣା : ରହିବେ ୭ଦିନ ହୋମ୍ ଆଇସୋଲେସନ୍‌ରେ
  • ||
  • ଅଳ୍ପକେ ବର୍ତ୍ତିଲେ ବିଏସଏଫ ଯବାନ, କମ୍ବିଂ ବେଳେ ବିପୁଳ ପରିମାଣର ବିସ୍ପୋରକ ଜବତ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୮୬ କୋଭିଡ୍ ପଜିଟିଭ୍, ୩୩୭୧୦୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଖୋର୍ଦ୍ଧା : ସାରୁଆରେ ଭୟାବହ ଅଗ୍ନିକାଣ୍ଡ, ଜଳିଗଲା ଲକ୍ଷାଧିକ ଟଙ୍କାର ସମ୍ପତ୍ତି
  • ||
  • ବାରିପଦା : କୋଭିଡ ନିୟମକୁ ବେଖାତିର, ୫ଟି ଦୋକାନ ସିଲ୍‌
  • ||

ଜନ୍ମାଷ୍ଟମୀ ଉପବାସ କରିଛନ୍ତି କି : ତେବେ ଜାଣନ୍ତୁ କିଛି କଥା

2/09/2018 at 2:41 PM

ଭୁବନେଶ୍ବର ୨|୯: ଅଧିକାଂଶ ଲୋକ ପବିତ୍ର ଜନ୍ମାଷ୍ଟମୀରେ ଉପବାସ କରି ଭଗବାନ କୃଷ୍ଣଙ୍କ ଜନ୍ମଦିନକୁ ପାଳନ କରିଥାନ୍ତି । ଉପବାସ କରିବା ଏବଂ ଭାଙ୍ଗିବା ସମ୍ବନ୍ଧରେ କିଛି ତଥ୍ୟ ଏଠାରେ ଦିଆଯାଇଛି ଯାହା ଉପରେ ଧ୍ୟାନ ଦେବା ଜରୁରୀ ।
ଉପବାସର ପ୍ରକାର :
ସାଧାରଣତଃ ଉପବାସ ୩ ପ୍ରକାରର କରାଯାଇଥାଏ ।
ନିରାହାର (ଭୋଜନ ନକରି ରହିବା)
ଫଳାହାର (କେବଳ ଫଳ ଖାଇ ରହିବା)
ଦୁଗ୍ଧାହାର (କେବଳ ଦୁଗ୍ଧ ପିଇ ରହିବା)
ଧାର୍ମିକ ପର୍ଯ୍ୟବେକ୍ଷକମାନଙ୍କ ଦ୍ବାରା ଏହି ଉପବାସ ଭିନ୍ନ ଭିନ୍ନ ଭାବେ କରାଯାଇଥାଏ ।
ନିରାହାର ଉପବାସ ସବୁଠୁ ଉତ୍ତମ ଅଟେ । ଏହା ଦୁଇ ପ୍ରକାରରେ କରାଯାଇଥାଏ । ସଜଳ (ପାଣି ପିଇକରି ରହିବା) , ନିର୍ଜଳା ( ପାଣି ନପିଇକରି ରହିବା) । ନିର୍ଜଳା ଉପବାସରେ ପାଣି ନପିଇକରି ରହୁଥିବାବେଳେ ସଜଳ ଉପବାସରେ ଲେମ୍ବୁପାଣି, ଉଷୁମ ପାଣି ପିଇପାରିବେ । ମାତ୍ର ସଜଳ ଉପବାସରେ ଚା’ ଏବଂ କଫି ପିଇପାରିବେ ନାହିଁ ।
ଫଳାହାର ଉପବାସରେ କେବଳ ଫଳ ଏବଂ ଫଳ ରସ ଭୋଜନ ଭାବେ ଗ୍ରହଣ କରାଯାଏ । ଏହି ପ୍ରକାର ଉପବାସରେ ସେଓ, ଅଙ୍ଗୁର ଏବଂ ଅମୃତଭଣ୍ଡା ସବୁଠୁ ଭଲ ଖାଦ୍ୟ ଅଟେ ।
ଦୁଗ୍ଧାହାର ଉପବାସରେ ଦିନରେ ୪ରୁ ୫ଥର ୨୫୦-୫୦୦ ମିଲିଲିଟର ଗାଈ ଦୁଗ୍ଧ ପିଇପାରିବେ । ଗାଈ ଦୁଗ୍ଧ ସବୁଠୁ ଭଲ ଖାଦ୍ୟ ଅଟେ । ଏହା ଶରୀରରୁ ମଜଭୁତ କରିବାରେ ଫଳପ୍ରଦ ହୋଇଥାଏ । ଦୁଗ୍ଧାହାର ଉପବାସରେ ଚା’ କିମ୍ବା କଫି ପିଇବା ଅନୁଚିତ୍ ।


କିପରି ଭାଙ୍ଗିବେ ଉପବାସ :
ଉପବାସ ଭାଙ୍ଗିବାର କିଛି ନିୟମ ମଧ୍ୟ ରହିଛି । ଲୋକମାନେ ଉପବାସ ତ ରଖିଦିଅନ୍ତି ହେଲେ ତାକୁ କେମିତି ଭାଙ୍ଗାଯାଏ ତାହା ସେମାନେ ଜାଣିନଥାନ୍ତି । ତେଣୁ ସେମାନେ ଉପବାସ ଦ୍ବାରା ହେଉଥିବା ଲାଭରୁ ବଞ୍ଚିତ ହୋଇଥାନ୍ତି । ଦେଖାଯାଏ ଯେ, ଯେତେବେଳେ ମନ୍ଦିରମାନଙ୍କରେ ଭଗବାନ କୃଷ୍ଣଙ୍କର ଜନ୍ମ ଉତ୍ସବ ଶେଷ ହୋଇଥାଏ ଲୋକମାନେ ଭାତ, ରୁଟି ଏବଂ ଅନ୍ୟ ଖାଦ୍ୟପଦାର୍ଥକୁ ମହାପ୍ରସାଦଭାବେ ଗ୍ରହଣ କରିଥାନ୍ତି । ଏପରି କରିବା ଦ୍ବାରା ଶରୀରକୁ କ୍ଷତି ପହଞ୍ଚିଥାଏ । ଉପବାସ ଭାଙ୍ଗିବାର ପ୍ରାୟ ୧୨ଘଣ୍ଟା ପରେ ହିଁ କୌଣସି ଶଷ୍ୟ ଜାତୀୟ ଖାଦ୍ୟ ଏବଂ ଦୁଗ୍ଧ ଜାତୀୟ ଖାଦ୍ୟ ଗ୍ରହଣ କରନ୍ତୁ ।
ଗର୍ଭବତୀ ମହିଳା ଏବଂ ଉଚ୍ଚ ରକ୍ତଚାପ, ଅଲସର, ମଧୁମେହ ଆଦି ଭଳି ରୋଗ ଥିବା ବ୍ୟକ୍ତିବିଶେଷ ଏପ୍ରକାର ଉପବାସରୁ ଦୂରେଇ ରୁହନ୍ତୁ । ଯଦି କରିବାକୁ ଚାହୁଁଛନ୍ତି ତେବେ ଡାକ୍ତରଙ୍କ ପରାମର୍ଶ ଅବଶ୍ୟ ନିଅନ୍ତୁ ।

   Related Posts