Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଇପିଏଲ ନିଲାମୀ ତାଲିକାରୁ କ୍ରିସ୍ ଗେଲ୍‌ଙ୍କ ସମେତ ଏହି ଖେଳାଳି ବାହାର
  • ||
  • Syed Modi International: ଫାଇନାଲ୍‌ରେ ପହଞ୍ଚିଲେ ପିଭି ସିନ୍ଧୁ, ମାଲଭିକାଙ୍କ ସହ ଟାଇଟଲ୍‌ ମୁକାବିଲା
  • ||
  • IPLରେ ଜଲଓ୍ବା ଦେଖାଇବେ ଶ୍ରୀସନ୍ତ, ନିଲାମୀ ପାଇଁ ବେସ୍‌ ପ୍ରାଇସ୍ ରହିଛି ୫୦ ଲକ୍ଷ ଟଙ୍କା
  • ||
  • ଜାମ୍ମୁ କାଶ୍ମୀରରେ ଭାରତୀୟ ସେନା ପକ୍ଷରୁ ଏନକାଉଣ୍ଟର, ଜଣେ ଆତଙ୍କବାଦୀ ସଫା, ସର୍ଚ୍ଚ ଅପରେସନ ଜାରି
  • ||
  • ୟେମେନ ଗଣହତ୍ୟାକୁ ନିନ୍ଦା କଲା ଜାତିସଂଘ, ସାଉଦିର ବିମାନ ଆକ୍ରମଣରେ ନିହତ ହୋଇଥିଲେ ୭୦ ବିଦ୍ରୋହୀ
  • ||
  • ସୋର : ଟ୍ରକ୍ ସହ ଧକ୍କା ହୋଇ ନୟନଜୋରିକୁ ଓଲଟିଲା ବସ୍, ୫ ଜଣଙ୍କ ମୃତ୍ୟୁ, କିଛି ଲୋକ ଚାପି ହୋଇ ରହିଥିବା ସନ୍ଦେହ
  • ||
  • ଭଦ୍ରକରେ ବିଜେପିକୁ ଝଟ୍‌କା, ଦଳ ଛାଡିଲେ ଶତାଧିକ ବରିଷ୍ଠ ନେତା ଓ କର୍ମୀ
  • ||
  • ୨୦ ମହଲା କୋଠାରେ ଭୀଷଣ ଅଗ୍ନିକାଣ୍ଡ, ୧୫ ଆହତ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୩୭ ହଜାରରୁ ଅଧିକ କରୋନା ପଜିଟିଭ୍, ୪୮୮ ମୃତ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୧୪କୁ ବୃଦ୍ଧି
  • ||

ପୁଣି ଟ୍ରିପଲ୍ ତଲାକ୍ : ସ୍ବାମୀଙ୍କ ବିରୋଧରେ ଅଭିଯୋଗ ଆଣି ଥାନାର ଦ୍ବାରସ୍ତ ହେଲେ ମହିଳା

30/11/2019 at 1:01 PM

ସୁନ୍ଦରଗଡ ୩୦।୧୧: ପୁଣି ଜଣେ ମହିଳାଙ୍କୁ ତିନି ତଲାକ୍ । ସୁନ୍ଦରଗଡ ଜିଲ୍ଲା ତଲସରା ଥାନା ଅନ୍ତର୍ଗତ ବନଡେଗା ଗ୍ରାମରେ ତିନି ତଲାକ୍ ଦିଆଯାଇଥିବା  ଅଭିଯୋଗ ହୋଇଛି  । ତଲସରା ଥାନାରେ ପୀଡିତାଙ୍କ ଏତଲା ପରେ ମାମଲା ରୁଜୁ କରିଛି ପୋଲିସ ।

ସୂଚନାଯୋଗ୍ୟ ଯେ, ସୁନ୍ଦରଗଡ଼ ଜିଲ୍ଲା  ଲୁଲକିଡିହି ଗାଁ ଏଜ୍ରାମୁଲ ହକଙ୍କ ଝିଅ ଅରବିୟାଙ୍କର ଗତ ୨୦୧୧ ମସିହାରେ ବନଡେଗା ଗ୍ରାମର ଅବୁ ସହମାଙ୍କ ସହ ବିବାହ ହୋଇଥିଲା । ବିବାହର ଏକ ବର୍ଷ ପରେ ଉଭୟ ସ୍ବାମୀ  ଓ ସ୍ତ୍ରୀଙ୍କ ମଧ୍ୟରେ ଝଗଡା ଆରମ୍ଭ ହୋଇଥିଲା । ଏପରିକି ଅବୁ ଆଉ ଦୁଇ ଲକ୍ଷ ଟଙ୍କା ଅଧିକ ଯୌତୁକ ଦାବି କରିବା ସହ ମାର୍‌ପିଟ୍‌ କରିବା ସହ ମାନସିକ ଓ ଶାରିରୀକ ନିର୍ଯାତନା ଦେଇ ଆସୁଥିବା ବୋଲି ଅଭିଯୋଗ ହୋଇଛି । ଆଉ ଏବେ ପୁଣି ଅବୁ ତିନି ତଲାକ୍ ଦେଇଥିବା ନେଇ କହିଛନ୍ତି ପୀଡିତା ଅରବିୟା ।  ତିନି ତଲାକ୍ ପରେ ଅରବିୟା ନିଜ ମା’ଙ୍କ ଘରେ ବର୍ତ୍ତମାନ ରହୁଛନ୍ତି । ତାଙ୍କୁ ଉପଯୁକ୍ତ ନ୍ୟାୟ ମିଳୁ ବୋଲି ଦାବି କରିଛନ୍ତି ।  

ତିନି ତଲାକ୍ ହେବା ପରେ ମଧ୍ୟ ଝିଅ ଘର କିପରି ବୁଝାମଣା ହୋଇପାରିବ ସନେଇ ରାଉରକେଲାରେ ଥିବା ଇମାରତ ସରିଆକୁ ଯାଇଥିଲେ । ସେଠାକାର ନିଷ୍ପତି ଅନୁଯାୟୀ ଦୁହେଁ ପୁଣି ଏକାଠି ରହିବାକୁ ହେଲେ ଅରବିୟା ମୋବାଇଲ ବ୍ୟବହାର ବନ୍ଦ କରିବାକୁ ସ୍ବାମୀ ଅବୁ କହିଥିଲେ । ସେଥିରେ ରାଜି ହୋଇଥିଲେ ବି  ଅରବିୟା ପୁଣି କିଛି ଦିନ ପରେ ଆରମ୍ଭ ହେଲା ପୁରୁଣା ନିର୍ଯାତନା । ସମସ୍ତ ଘଟଣା ବିଷୟରେ ଝିଅ ଘର ପଚାରିବାକୁ ଯିବା ସମୟରେ ତିନି ତଲାକ୍ ଦିଆଯାଇଥିବା ପୀଡିତା ଅରବିୟାଙ୍କ ଭାଇ କହିଛନ୍ତି । ସେପଟେ ପରିବାର ଲୋକ କହିଛନ୍ତି ଯେ, ଆମ ବଞ୍ଚିଥିବା ପର୍ଯ୍ୟନ୍ତ ଝିଅକୁ ଦେଖାଶୁଣା କରିବା ସହ ତାକୁ ଉପଯୁକ୍ତ ନ୍ୟାୟ ମିଳୁ ବୋଲି ଦାବି କରିଛନ୍ତି ଅରବିୟାଙ୍କ ବାପା । ତିନି ତଲାକ୍ ଦେଇଥିବା ଅବୁଙ୍କ କୌଣସି ପ୍ରତିକ୍ରିୟା ମିଳିପାରିନାହିଁ ।  କେନ୍ଦ୍ର ସରକାର ତିନି ତଲାକ୍ ବିରୋଧରେ ଆଇନ ଆଣିବା ପରେ ସୁନ୍ଦରଗଡରେ ଏହା ପ୍ରଥମ ଘଟଣା ।

   Related Posts