Monday, July 15, 2019

News7

Prameya News7, News7 Odia, Odisha Latest News, Odisha Current Headlines, Odisha News Online

ମଙ୍ଗଳବାର ପର୍ଯ୍ୟନ୍ତ କର୍ଣ୍ଣାଟକ କଂଗ୍ରେସ-ଜେଡିଏସ୍ ମେଣ୍ଟ ସରକାରଙ୍କୁ ଆଶ୍ବସ୍ତି , ସୁପ୍ରିମ କୋର୍ଟ କଲେ ହସ୍ତକ୍ଷେପ

ନୂଆଦିଲ୍ଲୀ୧୨|୭: ଛଅ ଦିନ ହେଲା କର୍ଣ୍ଣାଟକ ରାଜନୀତିରେ ଘଡ଼ିକେ ଘୋଡ଼ା ଛୁଟୁଛି ।କର୍ଣ୍ଣାଟକରୁ ରାଜଧାନୀ ଦିଲ୍ଲୀ ଭାୟା ମୁମ୍ବାଇ । ପ୍ରତି ମୋମେଣ୍ଟରେ କର୍ଣ୍ଣାଟକ ରାଜନୀତିକୁ ନେଇ ଆସୁଥିବା ଅପ୍‌ ଡେଟରେ ବ୍ରେକ ଲଗାଇଛନ୍ତି ସବୋର୍ଚ୍ଚ ଅଦାଲତ । ଫୁଲ ପ୍ରେସରରେ କର୍ଣ୍ଣାଟକ ମୁଖ୍ୟମନ୍ତ୍ରୀ ଆଉ ବିଦ୍ରୋହୀ ବିଧାୟକ । ଏଣେ ମଙ୍ଗଳବାର ପର୍ଯ୍ୟନ୍ତ ସ୍ଥିତାବସ୍ଥା ଲଗାଇ କର୍ଣ୍ଣାଟକ ରାଜନୀତିରେ ବ୍ରେକ କଷିଛନ୍ତି ସୁପ୍ରିମକୋର୍ଟ…

ମଙ୍ଗଳବାର ପର୍ଯ୍ୟନ୍ତ କର୍ଣ୍ଣାଟକ କଂଗ୍ରେସ-ଜେଡିଏସ୍‌ ମେଣ୍ଟ ସରକାରଙ୍କୁ ଆଶ୍ବସ୍ତି । ସେପର୍ଯ୍ୟନ୍ତ ସ୍ଥିତାବସ୍ଥା ରହିବ। କୌଣସି ନିଷ୍ପତ୍ତି ନିଆଯିବନି।କର୍ଣ୍ଣାଟକ ରାଜନୀତି ନେଇ ଏମିତି କିଛି ନିଷ୍ପତ୍ତି ଶୁଣାଇଛନ୍ତି ସୁପ୍ରିମକୋର୍ଟ । ମଙ୍ଗଳବାର ବା ୧୬ ତାରିଖ ଦିନ ବିଦ୍ରୋହୀ ବିଧାୟକଙ୍କ ବାବଦରେ  କୋର୍ଟଙ୍କୁ ନିଷ୍ପତ୍ତି ଜଣାଇବେ ବାଚସ୍ପତି କେ.ଆର ରମେଶ କୁମାର । ଗତକାଲି କୋର୍ଟଙ୍କ ନିକଟରେ ବାଚସ୍ପତି ରମେଶ କୁମାର ୧୦ରୁ ୧୨ ଦିନ ସମୟ ମାଗିଥିଲେ । ଆଜି ଏହାକୁ  ଅନୁମୋଦନ କରି ୧୬ ତାରିଖ ଯାଏଁ ସମୟ ଦେଇଥିବା ବେଳେ ସେମଧ୍ୟରେ ବିଦ୍ରୋହୀ ବିଧାୟକଙ୍କୁ ଅଯୋଗ୍ୟ ଘୋଷଣା ଉପରେ ମଧ୍ୟ ବ୍ରେକ ଲଗାଇଛନ୍ତି । ତେବେ କୋର୍ଟଙ୍କ ନିଷ୍ପତ୍ତିକୁ ନେଇ ବାଚସ୍ପତିଙ୍କୁ ଟାର୍ଗେଟ କରିଛନ୍ତି ପ୍ରତିପକ୍ଷ ଓକିଲ ମୁକୁଲ ରୋହତଗୀ । ଧାଡ଼ିକିଆ ଇସ୍ତଫା ପଢ଼ିବାକୁ ବାଚସ୍ପତି ଦିନ ଗଡ଼ାଉଛନ୍ତି। ଏହା ଏକ ଚକ୍ରାନ୍ତ ବୋଲି ସେମାନେ ଦର୍ଶାଇଛନ୍ତି।

ଗୋଟିଏ ପଟେ କୋର୍ଟ ବାଚସ୍ପତିଙ୍କୁ ସମୟ ଦେଇଥିବା ବେଳେ ଅନ୍ୟପଟେ ବାଚସ୍ପତିଙ୍କୁ ସମୟ ମାଗିଛନ୍ତି ମୁଖ୍ୟମନ୍ତ୍ରୀ କୁମାର ସ୍ବାମୀ । ସଂଖ୍ୟା ଗରିଷ୍ଠତା ପ୍ରମାଣ ପାଇଁ ଦିନ ଧାର୍ଯ୍ୟ କରିବାକୁ ସମୟ ମାଗିଛନ୍ତି। ଭାବ ବିହ୍ବଳ ହୋଇ  କହିଛନ୍ତି “ବିଧାୟକମାନଙ୍କ ଇସ୍ତଫା ଜିଦ ଯୋଗୁଁ ରାଜ୍ୟ ସଂକଟଜନକ ପରିସ୍ଥିତିରେ ଫସିଯାଇଛି

ଘଡ଼ିସନ୍ଧି ମୂହୁର୍ତ୍ତରେ କର୍ଣ୍ଣାଟକ ରାଜନୀତି । ତେଣେ ତ୍ରିଶଙ୍କୁ ଅବସ୍ଥାରେ ଝୁଲିଛି କଂଗ୍ରେସ, ଜେଡିଏସ ଓ ବିଜେପିର ଭାଗ୍ୟ । କିଏ ସରକାରରେ ରହିବ ତାକୁ ନେଇ ଲାଗିଛି ଛକାପଞ୍ଝା। ତେଣୁ ନିଜ ନିଜ ବିଧାୟକଙ୍କୁ ଗୋଡ଼େ ଗୋଡ଼େ ଜଗିଛନ୍ତି ତିନି ରାଜନୈତିକ ଦଳ ।

120 Views

   ସମ୍ବନ୍ଧିତ ଖବର