Prameya News7

Prameya News7, News7 Odia, Odisha Latest News, Odisha Current Headlines, Odisha News Online

AICC ଅଧ୍ୟକ୍ଷ ମନୋନୟନ ଲାଗି ଉଚିତ ପ୍ରକ୍ରିୟା ପର୍ଯ୍ୟନ୍ତ କାର୍ଯ୍ୟକାରୀ ଅଧ୍ୟକ୍ଷ ରହିବେ ସୋନିଆ: କଂଗ୍ରେସ

9/08/2020 at 9:25 PM

ନୂଆଦିଲ୍ଲୀ ୯।୮: ଆଖିଳ ଭାରତୀୟ କଂଗ୍ରେସ କମିଟି (ଏଆଇସିସି)ର ଅଧ୍ୟକ୍ଷ ମନୋନୟନ ଲାଗି ଉଚିତ ପ୍ରକ୍ରିୟା ପର୍ଯ୍ୟନ୍ତ ସୋନିଆ ଗାନ୍ଧି ପାର୍ଟିର ଅନ୍ତରୀଣ କାର୍ଯ୍ୟାକାରୀ ଅଧ୍ୟକ୍ଷ ରହିବେ। ରବିବାର କଂଗ୍ରେସ ଏହା ସ୍ପଷ୍ଟ କରିଦେଇଛି। ଦଳର ଜାତୀୟ ସଭାପତି ଚୟନ ନେଇ ବିଭିନ୍ନ ନେତା ବିଭିନ୍ନ ସମୟରେ ପ୍ରଶ୍ନ ଉଠାଉଛନ୍ତି। ଏଥିରେ ରବିବାର ଶଶି ଥରୁରଙ୍କ ବୟାନ ପରେ ଦଳ ପକ୍ଷରୁ ଅଭିଷେକ ମନୁ ସିଂଘବୀ ଏହା କହିଛନ୍ତି। 

କଂଗ୍ରେସର ସ୍ଥାୟୀ ସଭାପତି ନଥିବା ଯୋଗୁ ଦଳ ଛିନଛତ୍ର ହୋଇଯାଇଥିବା ଥରୁର ଉଲ୍ଲେଖ କରିବା ସହ ତୁରନ୍ତ ଦଳ ଲାଗି ସଭାପତି ମନୋନୟନ ଜରୁରି ବୋଲି କହିଛନ୍ତି। ସୋନିଆ ଗତବର୍ଷ ଦଳର ଅନ୍ତରୀଣ ଅଧ୍ୟକ୍ଷ ପଦ ସମ୍ଭାଳିଥିଲେ। ତାହା ଅଗଷ୍ଟ ୧୦ ତାରିଖରେ ସମାପ୍ତ ହେବାକୁ ଯାଉଛି। ତେବେ ଏହାର ଅର୍ଥ ନୁହେଁ ସେହିଦିନ ପଦବୀ ରିକ୍ତ ହୋଇଯିବ ବୋଲି କଂଗ୍ରେସ କହିଛି।

ଏନେଇ ଅଭିଷେକ ମନପ ସିଂଘବୀ ସାମ୍ବାଦିକଙ୍କ ସହ ଅନଲାଇନରେ ଆଲୋଚନା ବେଳେ ସୋନିଆ ଏବେ ଦଳର କାର୍ଯ୍ୟକାରୀ ଅଧ୍ୟକ୍ଷା ଅଛନ୍ତି ଓ ଦଳ ନିୟମିତ ଅଧ୍ୟକ୍ଷ ମନୋନୟନ ଲାଗି ଉଚିତ ପଦକ୍ଷେପ ଗ୍ରହଣ କରିବ। କଂଗ୍ରେସ କାର୍ଯ୍ୟକାରଣୀ (ସିଡବ୍ଲୁସି) ଏ ଦିଗରେ ନିଶ୍ଚିତ କୌଣସି ପଦକ୍ଷେପ ନେବେ ଓ ଯାହାର ପରିଣାମ ଖୁବ୍ ଶୀଘ୍ର ଦେଶ ସାମ୍ନାକୁ ଆସିବ ବୋଲି ସିଂଘବୀ କହିଛନ୍ତି।   

   Related Posts