ଭଦ୍ରକ ୯।୭: କରୋନା ମହାମାରୀ ସଂକ୍ରମଣକୁ ଦେଖି ରାଜ୍ୟରେ ଆଂଶିକ ଲକଡାଉନ୍ ଜାରି ରହିଛି । କୋଭିଡ୍ ନିୟମ ମାନିବାକୁ ବାରମ୍ବାର ସରକାରଙ୍କ ପକ୍ଷରୁ ପରାମର୍ଶ ଦିଆଯାଉଛି । ମାତ୍ର କିଛି ଅମାନିଆ ଏହାକୁ ଉଲଂଘନ କରୁଥିବା ଦେଖିବାକୁ ମିଳୁଛି । ପ୍ରଶାସନ ପକ୍ଷରୁ ସେମାନଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ନିଆଯାଉଛି ।

ଭଦ୍ରକ ଜିଲ୍ଲା ତିହିଡିରେ କୋଭିଡ୍ ନିୟମ ଉଲଂଘନ ଅଭିଯୋଗରେ ଜରିମନା ଆଦାୟ କରାଯାଇଛି । ବିବାହ ଘରର ଚତୁର୍ଥୀ ଭୋଜି ବେଳେ କୋଭିଡ୍ ନିୟମ ଉଲଂଘନ କରାଯାଇଥିବା ଦେଖିବାକୁ ମିଳିଥିଲା । ଫଳରେ ତିହିଡି ତହସିଲଦାର ରମେଶ ଚନ୍ଦ୍ର ପଣ୍ଡା ପହଞ୍ଚି ୩୦ ହଜାର ଟଙ୍କା ଜରିମନା ଆଦାୟ କରିଛନ୍ତି । ଏହାସହ ୪ ଜଣଙ୍କ ନାଁରେ ଥାନାରେ ମାମଲା ରୁଜୁ କରାଯାଇଛି । ଏହାପରେ ତିହିଡି ପୋଲିସ ତଦନ୍ତ ଆରମ୍ଭ କରିଛି । ଚତୁର୍ଥୀ ଭୋଜି ଚାଲିଥିବା ବେଳେ ବହୁ ସଂଖ୍ୟାରେ ଅତିଥି ଉପସ୍ଥିତ ଥିଲେ। ଖବର ପାଇ ସେଠାରେ ତହସିଲଦାର ପହଞ୍ଚିଥିଲେ । ଅଧାରୁ ଭୋଜି ବନ୍ଦ କରି ଜରିମନା ଆଦାୟ କରିଥିଲେ ।

wp:html

Marriage reception at Dolasahi seized and four persons arrested for violating covid 19 guidelines .. A fine of 30 ,000 imposed on the host ... pic.twitter.com/doojG01CNH

— TAHASILDAR TIHIDI (@tdr_tihidi) July 9, 2021

/wp:html