Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକଣା କଡାକଡି କଲା ହଙ୍ଗକଙ୍ଗ, ବାହାର ଦେଶର ନାଗରିକଙ୍କ ପ୍ରବେଶ ଉପରେ ରୋକ୍
  • ||
  • ଟଳିଗଲା ମୃତ୍ୟୁ, ଅଳ୍ପକେ ମରଣ ମୁହଁରୁ ବର୍ତ୍ତିଲେ କଲେଜ ଛାତ୍ରୀ ଓ ସ୍କୁଟି ଚାଳକ : ସିସିଟିଭିରେ ଛାତିଥରା ଦୃଶ୍ୟ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୧୧କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୨୮ କରୋନା ସଂକ୍ରମିତ, ୧୦୪୯୧୦୮ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୬ ହଜାରରୁ ଅଧିକ କରୋନା ପଜିଟିଭ୍, ୧୯୦ ମୃତ
  • ||
  • ହଠାତ ହେଲା ବରଫ ଝଡ, ପବ୍‌ରେ ଫସିଗଲେ ୬୧ ଗ୍ରାହକ : ୩ ଦିନ ପରେ ଉଦ୍ଧାର
  • ||
  • ମା’ ସୁରେଶ୍ୱରୀ ମନ୍ଦିରରୁ ଚୋରି, ନେଇଗଲେ ଦେବୀଙ୍କ ରୁପା ମୁକୁଟ
  • ||
  • ବୁଧବାରଠୁ କମ୍ପିବ ବିଧାନସଭା, ଅଧିବେଶନ ପୂର୍ବରୁ ରଣନୀତି ପ୍ରସ୍ତୁତ କରିବେ ଶାସକ ଓ ବିରୋଧି
  • ||
  • ଆସୁଛି ବାତ୍ୟା ‘ଜଓ୍ୱାଦ’, ୪ ତାରିଖରେ କରିବ ଲ୍ୟାଣ୍ଡଫଲ
  • ||
  • ଜଗତସିଂହପୁରରେ ‘ସାଗର କବଚ ଓଡି-୨୧’, ସମରାଭ୍ୟାସରେ ସାମିଲ ଭାରତୀୟ ତଟରକ୍ଷୀ ବାହିନୀ ଓ ମେରାଇନ୍ ପୋଲିସ
  • ||

କରୋନା ପୀଡିତାଙ୍କୁ ଦୁଷ୍କର୍ମ : ତିହାର ଜେଲରେ ହେଲା ଅଭିଯୁକ୍ତର କରୋନା ଟେଷ୍ଟ

11/05/2020 at 3:13 PM

ନୂଆଦିଲ୍ଲୀ ୧୧/୦୫ : ତିହାର ଜେଲରେ ଜଣେ ଦୁଷ୍କର୍ମ ଅଭିଯୁକ୍ତକୁ ଆଇସୋଲେଟ କରାଯାଇଛି | ଅଭିଯୁକ୍ତର କରୋନା ପରୀକ୍ଷା ମଧ୍ୟ କରାଯାଇଛି | ଅଭିଯୁକ୍ତ ଯେଉଁ ମହିଳାଙ୍କୁ ଦୁଷ୍କର୍ମ କରିଥିଲା ସେହି ମହିଳା କରୋନାରେ ଆକ୍ରାନ୍ତ ଥିବା ଜେଲ ଅଧିକାରୀ ସୂଚନା ଦେଇଛନ୍ତି | ଏହି ଖବର ପ୍ରସାର ହେବାପରେ ଜେଲ ପ୍ରଶାସନରେ ହଇଚଇ ସୃଷ୍ଟି ହୋଇଥିଲା | ଅଭିଯୁକ୍ତ ଯେଉଁ ସେଲରେ ରହୁଥିଲା ଟ ସହ ଅନ୍ୟ ଦୁଇ ଜଣ ମଧ୍ୟ ବନ୍ଦୀ ଥିଲେ | ସେମାନଙ୍କୁ ଅଲଗା କରାଯାଇଛି | ମାମଲା ଜେଲ-୨ ବୋଲି ଜଣାପଡିଛି |

ତିହାର ଜେଲ ପ୍ରଶାସନଙ୍କ କହିବାନୁଯାୟୀ, ଜେଲକୁ ଆସିଥିବା ସମସ୍ତ ନୂଆ କଏଦୀଙ୍କୁ ୧୪ ଦିନ ପର୍ଯ୍ୟନ୍ତ କ୍ଵାରେଣ୍ଟାଇନରେ ରଖାଯାଉଛି | ସେଥିପାଇଁ ଚିନ୍ତା କରିବାର କିଛି ନାହିଁ ବୋଲି ଡିଜି କହିଛନ୍ତି | ଜେଲ ନମ୍ବର ୨ ରେ ବିହାରର ବାହୁବଳୀ ମାଫିଆ ଡନ ସାହାବୁଦ୍ଦିନ ଓ ଅଣ୍ଡରୱାର୍ଲଡ ଡନ ଛୋଟା ରାଜନ ମଧ୍ୟ ବନ୍ଦୀ ଅଛନ୍ତି | କିନ୍ତୁ ଜେଲରେ ଏମାନଙ୍କ ସେଲ ଅଲଗା ରହିଛି | ଏମାନେ କାହା ସମ୍ପର୍କରେ ଆସି ନାହାନ୍ତି | 

ତିହାର ଜେଲରେ ବନ୍ଦୀ ଥିବା ୫୪ ବିଦେଶୀ ମହିଳା କଏଦୀ ପେରୋଲ ସର୍ତ୍ତକୁ ସହଜ କରିବା ପାଇଁ ଦାବି କରିଛନ୍ତି | କରୋନା ଭାଇରସକୁ ଦୃଷ୍ଟିରେ ରଖି ଏହିଭଳି ଦାବି କରାଯାଇଛି | ଏ ସମ୍ବନ୍ଧରେ ୫୪ ମହିଳା କଏଦୀ ହାଇ ପାୱାର କମିଟି ଏଚପିସିକୁ ପତ୍ର ଲେଖିଛନ୍ତି | ସୁପ୍ରିମକୋର୍ଟଙ୍କ ନିର୍ଦେଶ ପରେ ଏହି କମିଟି ଗଠିତ ହୋଇଥିଲା | ପତ୍ରରେ କୁହାଯାଇଛି ଯେ, କୋଭିଡ-୧୯ ଆସିବା ପରେ ଭାରତୀୟ କଏଦୀଙ୍କ ପାଇଁ ପେରୋଲ ଏବଂ ଅନ୍ତରୀଣ ଜାମିନ ମାନଦଣ୍ଡ ସହଜ କରିଦିଆଯାଇଛି | କିନ୍ତୁ ବିଦେଶୀ ନାଗରିକଙ୍କ ପାଇଁ କରାଯାଇନାହିଁ | 

ବିଦେଶୀ ମହିଳା କଏଦୀ ଚିଠିରେ କହିଛନ୍ତି ଯେ, ଏହିଭଳି ଘଡ଼ିସନ୍ଧି ମୁହୂର୍ତ୍ତରେ ତାଙ୍କ ସହ ଭେଦଭାବ କରାଯିବ ଅନୁଚିତ  ପେରୋଲ, ଅନ୍ତରୀଣ ଜାମିନର ଲାଭ ତାଙ୍କୁ ମଧ୍ୟ ଦିଆଯାଇପାରିବ | ସେମାନେ ମଧ୍ୟ ମଣିଷ ଏବଂ ତାଙ୍କୁ ବି କୋଭିଡ-୧୯ ମହାମାରୀ ହେବାର ବିପଦ ରହିଛି | ଏହି ଆବେଦନ ପତ୍ର ଜଷ୍ଟିସ ହେମା କୋହଲିଙ୍କ ଅଧ୍ୟକ୍ଷତା ବିଶିଷ୍ଟ ହାଇ ପାୱାର କମିଟିକୁ ପଠାଇ ଦିଆଯାଇଛି |

ଦିଲ୍ଲୀ ସ୍ଥିତ ତିହାର ଜେଲରେ କଏଦୀ କୋଭିଡ-୧୯ କୁ ହରାଇବା ପାଇଁ ପୁରା ଯୋଗଦାନ ଦେଉଛନ୍ତି | ଦାୟିତ୍ୱରେ ଥିବା ପୋଲିସଙ୍କ ପାଇଁ କଏଦୀ ସାନିଟାଇଜର ମଧ୍ୟ ତିଆରି କରୁଛନ୍ତି | କଏଦୀ ବର୍ତ୍ତମାନ ସୁଦ୍ଧା ୨ ହଜାର ଲିଟରରୁ ଅଧିକ ସାନିଟାଇଜର ତିଆରି କରିସାରିଛନ୍ତି | ଦିଲ୍ଲୀ ପୋଲିସର ଜଣେ ଉଚ୍ଚ ପଦସ୍ଥ ଅଧିକାରୀ କହିଛନ୍ତି ଯେ, କରୋନା ବିରୋଧରେ ଫିଲ୍ଡରେ କାର୍ଯ୍ୟରତ କର୍ମଚାରୀଙ୍କ ପାଇଁ ଉଚ୍ଚମାନର ମାସ୍କ ଓ ସାନିଟାଇଜର ଆବଶ୍ୟକ |

   Related Posts