Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଏସଏଫର ବଡ କାର୍ଯ୍ୟାନୁଷ୍ଠାନ, ବାଂଲାଦେଶ ସୀମାରେ ୮୨ ନକଲି ଡ୍ରାଇଭିଂ ଲାଇସେନ୍ସ ଜବତ
  • ||
  • ୟୁପି ସମର: ଅଖିଳେଶଙ୍କ ପାଇଁ ପ୍ରଚାର କରିବେ ମମତା, ଫେବୃଆରୀ ୮ରେ ଲକ୍ଷ୍ନୌରେ ଭର୍ଚୁଆଲ ରାଲି
  • ||
  • ଆସନ୍ତାକାଲି ପ୍ରଥମ ଦିନିକିଆ: କିଏ କରିବ ଓପନିଂ ? ଖୁଲାସା କଲେ ରାହୁଲ, ୫ ବର୍ଷ ପରେ ଦିନିକିଆକୁ ପ୍ରତ୍ୟାବର୍ତ୍ତନ କରିବେ ଏହି ଖେଳାଳି
  • ||
  • କାରିଗରଙ୍କଠୁ ଲାଞ୍ଚ ନେବା ମହଙ୍ଗା ପଡିଲା, ଭିଜିଲାନ୍ସ ଦ୍ଵାରା ବନ୍ଧା ହେଲେ ହସ୍ତଶିଳ୍ପ ନିଗମର ସହ-ନିର୍ଦ୍ଦେଶକ ଓ କ୍ରାପ୍ଟମ୍ୟାନ୍
  • ||
  • କଲେଜ୍ରେ ନିର୍ବାଚନୀ ସଭା ନେଇ କଠୋର ହେଲେ ଏସଇସି: ଏସଡିପିଓ ଏବଂ ପ୍ରିନ୍ସିପାଲଙ୍କୁ ନିଲମ୍ବନ କରିବାକୁ ଦେଲେ ନିର୍ଦ୍ଦେଶ
  • ||
  • IPL 2022: କେଏଲ ରାହୁଲଙ୍କ ସହ ଏହି ଦୁଇ ଖେଳାଳିଙ୍କୁ ନିଜ ଦଳରେ ସାମିଲ୍ କଲା ଲକ୍ଷ୍ନୌ ଫ୍ରାଞ୍ଚାଇଜି
  • ||
  • ମଙ୍ଗଳବାର ପୃଥିବୀର ନିକଟତର ହେବ ବିରାଟ ଗ୍ରହାଣୁ : ମାଡ ହେଲେ ଘଟାଇବ ବିନାଶ !
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୩୮ ହଜାରରୁ ଅଧିକ କରୋନା ପଜିଟିଭ୍, ୩୧୦ ମୃତ
  • ||
  • ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୮କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୦୮୬ କୋଭିଡ୍ ପଜିଟିଭ୍, ୧୧୫୫୪୮୭ରେ ପହଞ୍ଚିଲା ସଂଖ୍ୟା
  • ||

ଫାଶୀ ପାଖେଇଲା : ପରିବାର ସହ ଶେଷ ଦେଖା ଲାଗି ଦୋଷୀଙ୍କୁ କହିଲେ ତିହାର ଜେଲ୍ କର୍ତ୍ତୃପକ୍ଷ, ମାର୍ଚ୍ଚ ୧ ସୁଦ୍ଧା ଜହ୍ଲାଦଙ୍କୁ ପଠାଇବାକୁ ନିର୍ଦ୍ଦେଶ

22/02/2020 at 1:39 PM

ନୂଆଦିଲ୍ଲୀ ୨୨| ୦୨- ନିର୍ଭୟା ଦୋଷୀଙ୍କ ଫାଶୀ କାର୍ଯ୍ୟକାରି କରିବାରେ ଆଉ ପାଦେ ଆଗେଇଛନ୍ତି ତିହାର ଜେଲ୍ କର୍ତ୍ତୃପକ୍ଷ । ଡିସେମ୍ବର ୨୦୧୨  ନିର୍ଭୟା ଗଣଦୁଷ୍କର୍ମ ଏବଂ ହତ୍ୟା ମାମଲାର ୪ ଦୋଷୀଙ୍କ ମୃତ୍ୟୁଦଣ୍ଡ ଖୁବ୍‌ ଶିଘ୍ର କାର୍ଯ୍ୟକାରୀ ହେବାର ସମ୍ଭାବନା ଏବେ ବଢିଯାଇଛି । ଏହି ମାମାଲାର ୪ ଦୋଷୀଙ୍କୁ ସେମାନଙ୍କ ପରିବାର ସହ ଶେଷ ସାକ୍ଷାତ ଲାଗି ଲିଖିତ ଭାବେ ଜଣାଇଛନ୍ତି ତିହାର ଜେଲ୍‌ କର୍ତ୍ତୃପକ୍ଷ । ମାର୍ଚ୍ଚ ୩ ତାରିଖ ସକାଳ ୬ ଟା ବେଳେ ଏହି ୪ ଦୋଷୀଙ୍କ ଫାଶୀ ଲାଗି ଡେଥ୍‌ ୱାରେଣ୍ଟ ଜାରି ହୋଇଥିବା ବେଳେ,ଏବେ ତିହାର କର୍ତ୍ତୃପକ୍ଷ ଦେଷୀଙ୍କୁ ସେମାନଙ୍କ ପରିବାର ସହ ଶେଷ ସାକ୍ଷାତ ଲାଗି ଜଣାଇଦେଇଛନ୍ତି ।

 ଏହା ସହ ତିହାର କର୍ତ୍ତୃପକ୍ଷ  ଉତ୍ତରପ୍ରଦେଶ ଜେଲ୍‌ ପ୍ରଶାସନକୁ ଚିଠିଲେଖି  ଜହ୍ଲାଦ ( ଯେ ୪ ନିର୍ଭୟା ଦୋଷୀଙ୍କୁ ଫାଶୀ ଚଢାଇବେ ) ଙ୍କୁ  ଆସନ୍ତା ୩ ତାରିଖର ଦୁଇ ଦିନ ପୂର୍ବରୁ ପଠାଇବାକୁ କହିଛନ୍ତି । ଫାଶୀ ପ୍ରସ୍ତୁତି ଏବଂ ବ୍ୟବସ୍ଥାର ତଦାରଖ ତଥା ତାହାର ସୂଚାର ସଂପାଦନ ଲାଗି ଆବଶ୍ୟକ ପଦକ୍ଷେପ ଏବଂ ବ୍ୟବସ୍ଥା କରିବାକୁ ତିହାର କର୍ତ୍ତୃପକ୍ଷ ଏହି ପଦକ୍ଷେପ ନେଇଥିବା ଜଣାଯାଇଛି । ଏହି ନିର୍ଦ୍ଦେଶ ଅନୁସାରେ , ଜହ୍ଲାଦଙ୍କୁ ମାର୍ଚ୍ଚ ୧ ସୁଦ୍ଧା ତିହାର ଜେଲ୍‌ରେ ପହଞ୍ଚିବାକୁ ହେବ ।

ଦିଲ୍ଲୀର ଏକ ଅଦାଲତ  ଫେବୃଆରୀ ୧୭ ତାରିଖରେ ୪ ନିର୍ଭୟା ଦୋଷୀଙ୍କ ଉଦ୍ଦେଶ୍ୟରେ ସାନି ଡେଥ ୱାରେଣ୍ଟ ଜାରି କରିଥିଲେ । ତାହା ଥିଲା ତୃତୀୟ ଡେଥ୍ ୱାରେଣ୍ଟ । ସେହି ଅନୁସାରେ ମାର୍ଚ୍ଚ ୩ ତାରିଖ ସକାଲ ୬ ଟାରେ ବିନୟ ଶର୍ମା, ମୁକେଶ ସିଂ, ପୱନ ଗୁପ୍ତା ଏବଂ ଅକ୍ଷୟ ଠାକୁରକୁ ଫାଶୀ ଦେବାକୁ ନିର୍ଦ୍ଦେଶ ରହିଛି । ଏହା ପୂର୍ବରୁ ୨୦୧୩ରେ ଦିଲ୍ଲୀର ଏକ ଅଦାଲତ  ୨୩ ବର୍ଷୀୟ ପାରାମେଡିକାଲ ଛାତ୍ରୀଙ୍କୁ ଡିସେମ୍ବର ୧୬, ୨୦୧୨ରେ ଏକ ଚଳନ୍ତା ବସ୍‌ରେ ଗଣ ଦୁଷ୍କର୍ମ ଓ ହତ୍ୟା  ମାମଲାରେ ଏହି ୪ ଜଣଙ୍କୁ  ଦୋଷୀ ସାବ୍ୟସ୍ତ କରିବା ସହ ମୃତ୍ୟୁ ଦଣ୍ଡ ନିର୍ଦ୍ଦେଶ ଦେଇଥିଲେ । ତେବେ ଢିସେମ୍ବର ୩  ତାରିଖକୁ ଡେଥ୍‌ ୱାରେଣ୍ଟ ଜାରି ପୂର୍ବରୁ ଏହି ୪ ଦୋଷୀଙ୍କ ମୃତ୍ୟୁ ଦଣ୍ଡ ୨ ଥର ସ୍ଥଗିତ ରହିସାରିଛି ।

 ଦୋଷୀଙ୍କୁ ସେମାନଙ୍କ ପରିବାର ସହ ଶେଷ ସାକ୍ଷାତ ଲାଗି ତିହାର ଜେଲ୍ କର୍ତ୍ତୃପକ୍ଷ ପୃଥକ ପୃଥକ ଭାବେ ଜଣାଇଛନ୍ତି । ତେବେ ଫେବୃଆରୀ ୧ ତାରିଖ ଡେଥ୍ ୱାରେଣ୍ଟ ପୂର୍ବରୁ ମୁକେଶ ଏବଂ ପୱନ ସେମାନଙ୍କ ପରିବାର ସହ ଶେଷ ସାକ୍ଷାତ କରିସାରିଥିବା କହିଛନ୍ତି ଜେଲ୍‌ କର୍ତ୍ତୃପକ୍ଷ । ବର୍ତ୍ତମାନ ଅକ୍ଷୟ ଏବଂ ବିନୟକୁ ସେମାନଙ୍କ ପରିବାର ସହ ଶେଷ ସାକ୍ଷାତ କରିବାକୁ ଜଣାଇଦିଆଯାଇଛି । ସାଧାରଣତଃ ଦୋଷୀ ମାନେ ଏକ ଝରକାର ଭିତରପଟେ ଥାଇ ସେମାନଙ୍କ ପରିବାର ଲୋକଙ୍କୁ ଭେଟିଥାନ୍ତି, କଥା ହୋଇଥାନ୍ତି । କିନ୍ତୁ ଶେଷ ସାକ୍ଷାତ ବା ଶେଷ ଦେଖାରେ ସେମାନେ ପରସ୍ପର ସହ ମୁହାଁ ମୁହିଁ ସାକ୍ଷାତର ସୁଯୋଗ ପାଇଥାନ୍ତି ।

 ଏହା ମଧ୍ୟରେ ଦୋଷୀ ବିନୟ ଶର୍ମା ତାର ମାନସୀକ ସ୍ଥିତି ଠିକ୍‌ ନଥିବ ଦର୍ଶାଇ ଇନଷ୍ଟିଚ୍ୟୁଟ୍‌ ଅଫ୍‌ ହ୍ୟୁମାନ ବିହେଭିୟର ଆଣ୍ଡ ଆଲାଏଡ୍‌  ସାଇନ୍ସେସ୍‌‌ରେ ଚିକିତ୍ସା ଲାଗି କୋର୍ଟଙ୍କୁ ଆବେଦନ କରିଛି । ତାର ଓକିଲ ଏ.ପି. ସିଂହ ମଧ୍ୟ ମହକିଲ ବିନୟ ସିଜୋଫୋନିଆ ରୋଗରେ ପୀଡିତ ଓ ସେ ତାର ପରିବାର ଲୋକଙ୍କୁ ଚିହ୍ନିପାରିନଥିବା  କହୁଛନ୍ତି । କିନ୍ତୁ ଜେଲ୍‌ କର୍ତ୍ତୃପକ୍ଷ ବିନୟ ଠାରେ ସେଭଳି କିଛି ଲକ୍ଷଣ ଦେଖୁନଥିବା ପ୍ରକାଶ କରିସାରିଛନ୍ତି । ପୂର୍ବରୁ ବିନୟ ଶର୍ମା କାନ୍ଥରେ ମୁଣ୍ଡ ପିଟିବା ଏବଂ ସାମାନ୍ୟ ଆହତ ହେବା ଘଟଣା  ନେଇ କୋର୍ଟ ଅବଗତ ଅଛନ୍ତି ।

 ସୂଚନାଯୋଗ୍ୟ ଯେ, ୨୦୧୨ ଡିସେମ୍ବରରେ ଘଟିଥିବା ଗଣ ଦୁଷ୍କର୍ମ ଏବଂ ହତ୍ୟା ମାମଲାରେ ମୋଟ ୬ ଜଣ ସଂପୃକ୍ତ ଥିଲେ । ସେମାନଙ୍କ ମଧ୍ୟରୁ ମୁଖ୍ୟ ଅଭିଯୁକ୍ତ ରାମ ସିଂ ବିଚାର ପ୍ରକ୍ରିୟା ଜାରି ଥିବା ବେଳେ ତିହାର ଜେଲ୍‌ରେ ଆତ୍ମହତ୍ୟା କରିଥିଲା । ଅନ୍ୟ ଜଣେ ନାବାଳକ ଦୋଷୀ ସ୍ବଧାର ଗୃହରେ ୩ ବର୍ଷ ରହିସାରିଛି । ଅନ୍ୟ ୪ ଦୋଷୀଙ୍କୁ ୩ ତାରିଖରେ ଫାଶୀ ଲାଗି ଡେଥ୍‌ ୱାରେଣ୍ଟ ଜାରି ହୋଇଛି ।

   Related Posts