Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପିପିଲି ଉପନିର୍ବାଚନ : ପ୍ରକାଶ ପାଇଲା ସାନି ବିଜ୍ଞପ୍ତି, ମେ ୧୩ରେ ମତଦାନ
  • ||
  • ମାଲକାନଗିରି : ରକ୍ତ ମୁଖା ଲାଲ୍‌ବାହିନୀ , ପୋଲିସ ଇନଫର୍ମର ସନ୍ଦେହରେ ୨ଛାତ୍ରଙ୍କୁ ଗଳାକାଟି ହତ୍ୟା
  • ||
  • କରୋନା ଭୟରେ କଠୋର ହେଲା ହଂକଂ: ଭାରତକୁ ବିମାନ ଚଳାଚଳ ବନ୍ଦ, ୩ ମେ ଯାଏଁ ଲାଗିଲା କଟକଣା
  • ||
  • କଳାହାଣ୍ଡି : ନଳକୂପ ଅଛି ହେଲେ ପାଣି ବାହାରୁନି, ପାନୀୟ ଜଳ ଯୋଗାଣ ଦାବିରେ ସରପଞ୍ଚ, ପଞ୍ଚାୟତ ଓ ବ୍ଲକ୍ ଯନ୍ତ୍ରୀଙ୍କୁ ଅଟକ ରଖିଲେ ଗ୍ରାମବାସୀ
  • ||
  • କଳାହାଣ୍ଡି : ଲଡୁଗାଁରେ ବଢିଲା ସଟ୍ ଡାଉନ୍ ଅବଧି, ଆଉ ୪ଦିନ ରହିବ ବଳବତ୍ତର
  • ||
  • ରାଜ୍ୟରେ ୪ହଜାର ଟପିଲା କରୋନା ସଂକ୍ରମଣ, ୨୪ ଘଣ୍ଟାରେ ୪୪୪୫ ପଜିଟିଭ୍ ଚିହ୍ନଟ
  • ||
  • କରୋନା ନେଲା ଜୀବନ: ପରଲୋକରେ ଜେଡିୟୁ ବିଧାୟକ ମେଓ୍ୱାଲାଲ ଚୌଧୁରୀ
  • ||
  • ଆଜିଠୁ ଶ୍ରୀମନ୍ଦିରରେ ନୂଆ SOP ଲାଗୁ, ରାଜ୍ୟ ବାହାରର ଦର୍ଶନାର୍ଥୀଙ୍କ ପାଇଁ କୋଭିଡ୍ ନେଗେଟିଭ ରିପୋର୍ଟ ବାଧ୍ୟତାମୂଳକ
  • ||
  • ଚଣ୍ଡିଖୋଲ : ଟ୍ରେନ୍ ଲାଇନ୍‌ରୁ ମିଳିଲା ମୃତଦେହ, ନିକଟରେ ପଡିଛି ଏକ ସାଇକେଲ
  • ||
  • ଭୁବନେଶ୍ୱର : ୫ ସହରରେ ପାରଦ ୪୦ ଡିଗ୍ରୀ ଟପିଲା, ଆଗକୁ ଆହୁରି ବଢିବ ତାତି
  • ||

ସାତକୋଶିଆରେ ଆତଙ୍କ ଖେଳାଉଛି ସୁନ୍ଦରୀ ; ବାଘୁଣୀ ସୁନ୍ଦରୀକୁ ଟ୍ରାଙ୍କୁଲାଇଜ୍ କରି ଏନ୍‌କ୍ଲୋଜରରେ ରଖାଯିବ

23/10/2018 at 9:20 AM

ଅନୁଗୋଳ ୨୩|୧୦: ସାତକୋଶିଆବାସୀଙ୍କ ନିଦ ହଜାଇ ଦେଇଛି ବାଘୁଣୀ ସୁନ୍ଦରୀ । ଏବେ ବାଘୁଣୀ କୁମୁରି ଗାଁ ପାଖରେ ଥିବା ସୂଚନା ମିଳିଛି ।

ରବିବାର ଅନୁଗୋଳ ଜିଲ୍ଲା ଟାଇଁସି ଗାଁରେ ଦ୍ବିତୀୟ ମଣିଷ ଶିକାର କରିବା ପରେ ସୁନ୍ଦରୀକୁ ନେଇ ଲୋକଙ୍କ ମଧ୍ୟରେ ଆକ୍ରୋଶ ବଢିବାରେ ଲାଗିଛି । ଆଇନକୁ ହାତକୁ ନେବାକୁ ଲୋକେ ପଛଘୁଞ୍ଚା ଦେଉନାହାନ୍ତି । ପୋଲିସ ସହ ମୁହାଁମୁହିଁ ହୋଇଛନ୍ତି, ପୋଡାଜଳା ବି କରିଛନ୍ତି । ଏହାକୁ ନେଇ ଗତ ୩୬ ଘଣ୍ଟା ହେଲା ବନ ବିଭାଗର ନିଦ ହଜିଗଲାଣି । ସୁନ୍ଦରୀ ପାଇଁ କଣ ପଦକ୍ଷେପ ନିଆଯିବ ତାହାକୁ ନେଇ ଗତକାଲି ଦିନତମାମ ଘନ ଘନ ବୈଠକ ମଧ୍ୟ ବସିଛି ।

ସୁନ୍ଦରୀକୁ ତୁରନ୍ତ ଟ୍ରାଙ୍କୁଲାଇଜ୍ କରି ଅନ୍ୟତ୍ର ସ୍ଥାନାନ୍ତର କରିବାକୁ ଜଙ୍ଗଲ ଓ ପରିବେଶ ବିଭାଗକୁ ଚିଠି ଲେଖିଛନ୍ତି ଅନୁଗୁଳ ଜିଲ୍ଲାପାଳ । ସୁନ୍ଦରୀକୁ ଏବେ କାବୁ କରିବାକୁ ନିଷ୍ପତ୍ତି ନେଇଛି ବନ ବିଭାଗ । ସୁନ୍ଦରୀକୁ ଟ୍ରାଙ୍କୁଲାଇଜ୍ କରାଯାଇ ପୁଣିଥରେ ଏନକ୍ଲୋଜରରେ ରଖିବାକୁ ଯୋଜନା ହୋଇଛି । ଏଥିପାଇଁ ଅନୁଗୁଳରେ ପହଞ୍ଚିଛନ୍ତି ୪ ଜଣିଆ ବିଶେଷଜ୍ଞ ଟିମ୍ । ଏଥିରେ ଓୟୁଏଟି ଓ ନନ୍ଦନକାନନର ବିଶେଷଜ୍ଞ ବି ରହିଛନ୍ତି । ଟ୍ରାଙ୍କୁଲାଇଜ୍ କରିବା ପାଇଁ ଦୁଇଟି ଟିମ୍ ଏବେ ସାତକୋଶିଆରେ ପହଞ୍ଚି ସାରିଛନ୍ତି । ସୁନ୍ଦରୀକୁ ଟ୍ରାଙ୍କୁଲାଇଜ୍ କରାଯାଇ ରାଇଗଡ ଏନକ୍ଲୋଜରକୁ ଆଣି ରଖାଯିବ । ସେଠାରେ ତାହାର ଗତିବିଧି ଉପରେ ଅନୁଧ୍ୟାନ ହେବ । ଜାତୀୟ ବ୍ୟାଘ୍ର ସଂରକ୍ଷଣ ପ୍ରକଳ୍ପ ଓ ଜାତୀୟ ବନ୍ୟପ୍ରାଣୀ ସଂସ୍ଥାନ ସହ ପରାମର୍ଶ ପରେ ଚୂଡ଼ାନ୍ତ ନିଷ୍ପତ୍ତି ନିଆଯିବ ବୋଲି ପିସିସିଏଫ୍ କହିଛନ୍ତି । ତେବେ ସୁନ୍ଦରୀକୁ ନରଖାଦକ ଘୋଷଣା କରାଯିବ ନାହିଁ । ପିସିସିଏଫଙ୍କ ଏଭଳି ମତ ପରେ ସୁନ୍ଦରୀର ବାସସ୍ଥାନ କେଉଁଠି ହେବ ତାହାକୁ ନେଇ ଏବେ ଦ୍ବନ୍ଦ୍ବ ସୃଷ୍ଟି ହୋଇଛି । ସେପଟେ ସାତକୋଶିଆରେ ସୁନ୍ଦରୀ ଗତିବିଧି ଉପରେ ନଜର ରଖିଥିବା ୪ ବନ କର୍ମଚାରୀଙ୍କ ପତ୍ତା ନମିଳିବା ବନ ବିଭାଗର ମୁଣ୍ଡବ୍ୟଥା ବଢାଇ ଦେଇଛି ।

   Related Posts