Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୩୯ କୋଭିଡ୍ ପଜିଟିଭ୍
  • ||
  • ବିଜେପି ନେତା ଫଡନାଭୀସଙ୍କ ଶରଣରେ କଂଗ୍ରେସ ନେତା, କହିଲେ- ‘ଆମ ପ୍ରାର୍ଥୀଙ୍କୁ ଜିତିବାରେ ସାହାଯ୍ୟ କର’
  • ||
  • ଆସୁଛି ବଡ ବର୍ଷା : ସନ୍ଧ୍ୟାରେ ଲଘୁଚାପରେ ପରିଣତ ହେବ ଘୂର୍ଣ୍ଣିବଳୟ
  • ||
  • ଉପରମୁଣ୍ଡରେ ବର୍ଷା, ବଢୁଛି ହୀରାକୁଦର ଜଳସ୍ତର
  • ||
  • ମହାନଦୀରେ ଭାସିଗଲେ ହାତୀପଲ : ମୁଣ୍ଡଳି ବ୍ରିଜରେ ଲାଖି ରହିଛି ହାତୀ ଛୁଆ
  • ||

ରାଜଧାନୀ ଭୁବନେଶ୍ବରରେ ବାଘ ଆତଙ୍କ : ଧରିବା ପାଇଁ ଗଠନ ହେଲା ୨୦ ଜଣିଆ ଟିମ

18/02/2019 at 8:31 PM

ଭୁବନେଶ୍ୱର ୧୮/୨ : ଭୁବନେଶ୍ବରର ବିମାନବନ୍ଦର ଅଂଚଳରେ ଏକ ବାଘ ବୁଲୁଥିବା ସିସିଟିଭି ଫୁଟେଜରୁ ଜଣାପଡିବା ପରେ ରାଜଧାନୀରେ ଆତଙ୍କ ଖେଳିଯାଇଛି । ବନବିଭାଗ ତତ୍ପର ହୋଇ ଉଠିଥିବାବେଳେ ବାଘର କୌଣସି ପତ୍ତା ମିଳୁନାହିଁ। ତେବେ ବାଘକୁ ଠାବ କିରବା ପାଇଁ ୨୦ ଜଣିଆ ଟିମ ଗଠନ ହୋଇଥିବା ସିଟି ଡିଏଫଓ କହିଛନ୍ତି । ବାଘକୁ ଟ୍ରାଙ୍କୁଲାଇଜ କରିବା ପାଇଁ ନନ୍ଦନକାନନରୁ ମଧ୍ୟ ଏକ ଦଳ ଆସିଥିବା ସୂଚନା ମିଳିଛି ।

ଗତକାଲି ରାତି ପ୍ରାୟ ୧୧. ୧୭ ମନିଟରେ କଲରାପତରିଆ ବାଘଟି ବିମାନବନ୍ଦରର ପାଚେରୀ ଡେଇଁ ଏକ ଆପର୍ଟମେଣ୍ଟ କଂପ୍ଲେକ୍ସ ଭିତରକୁ ପ୍ରବେଶ କରୁଥିବା ସିସିଟିଭିରେ କଏଦ ହୋଇଛି । ସେଠାରେ ଥିବା ଏକ ଘରୋଇ ସଂସ୍ଥାର ଜଣେ କର୍ମଚାରୀ ଫୋନ ଯୋଗେ କଥାବର୍ତ୍ତା କରି ସେଇ ରାସ୍ତାରେ ଆଗକୁ ବଢିଯିବାର ଗୋଟିଏ ମିନିଟ୍‌ ପରେ ବାଘଟି ସେଠାରେ ପହଂଚି ଟିକେ ସମୟ ବସି ରହିଥିଲା । ପୁଣି ଲମ୍ଫ ମାରି ତାଜା ଉପରକୁ ଉଠି ଚାଲିଯାଇଥିଲା ।

ବାଙ୍କନିଧି ସେନାପତି ନାମକ ଏହି ବ୍ୟକ୍ତି ଦୂରରେ ଠିଆ ହୋଇ ବାଘକୁ ଲକ୍ଷ୍ୟ କରୁଥିଲେ । ବାଘ ଚାଲିଯିବାପରେ ସେ ଦୌଡି ଦୌଡି ନିଜ କର୍ଯ୍ୟାଳୟକୁ ପହଂଚି ସେଠାରେ ଥିବା କର୍ମଚାରୀଙ୍କୁ ଜଣାଇଥିଲେ । ତେବେ ତାଙ୍କ କଥାକୁ କେହି ବିଶ୍ବାସ କରିନଥିଲେ । ରାତିରେ ହିଁ ସେ ଫୋନ କରି ତାଙ୍କ ଉପରିସ୍ଥ ଅଧିକାରୀଙ୍କୁ ଜଣାଇଥିଲେ । ତେବେ ଉପରିସ୍ଥ ଅଧିକାରୀ ସତର୍କ ରହିବାକୁ ପରାମର୍ଶ ଦେବା ସହ ଦିନ ବେଳା ଯାଇ ଦେଖିବେ ବୋଲି କହିଥିଲେ । ଆଜି କାର୍ଯ୍ୟାଳୟର ସିସିଟିଭି ଫୁଟେଜ ଯାଂଚ କଲାବେଳେ ବାଘକୁ ସମସ୍ତେ ଦେଖିଥିଲେ ଓ ବନ ବିଭାଗକୁ ଖବର ଦେଇଥିଲେ । 

ସିସିଟିଭି ଫୁଟେଜକୁ ଆଧାର କରି ବନ ବିଭାଗ ଅନୁସଂଧାନ ଜାରୀ ରଖିଛି । ନିକଟରେ ଚନ୍ଦକା ଜଂଗଲ ରହିଛି । କିନ୍ତୁ ଚନ୍ଦକା ଜଂଗଲରେ ବାଘ ନାହାଁନ୍ତି । ତେଣୁ ଏହି ବାଘଟି କେଉଁଠୁ ଆସିଲା ତାକୁ ନେଇ ଦ୍ବନ୍ଦ୍ବ ସୃଷ୍ଟି ହୋଇଛି ।  ନନ୍ଦନକାନନର କୌଣସି ଖୁଆଡରୁ ବାଘ ଖସଯାଇଥାଇପାରେ ବୋଲି ଆଲୋଚନା ହେଉଛି । କିନ୍ତୁ ଏ ସମ୍ପର୍କରେ ନନଦନକାନନ ସୂତ୍ରରୁ କୌଣସି ସୂଚନା ମିଳି ନାହିଁ ।

   Related Posts