Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୃଷକଙ୍କ ପରି ଆମକୁ ମଧ୍ୟ ଦେବାକୁ ପଡିବ ବଳିଦାନ, ତେବେ ଯାଇ ଜାମ୍ମୁ-କାଶ୍ମୀରରେ ଲାଗୁ ହେବ ୩୭୦: ଫାରୁକ ଅବଦୁଲ୍ଲା
  • ||
  • ମଙ୍ଗଳବାର କଥା ହେବେ ପୁଟିନ୍ ଓ ବାଇଡେନ୍, ୟୁକ୍ରେନ ହେବ ମୁଖ୍ୟ ପ୍ରସଙ୍ଗ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୨କୁ ବୃଦ୍ଧି
  • ||
  • ମାଆର ସାହସ ଆଗରେ ହାରିଲା ବାଘ, ନିଜ ପୁଅକୁ ମୃତ୍ୟୁ ମୁଖରୁ ଛଡାଇ ଆଣିଲେ ମହିଳା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୭୯୬ ମୃତ
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୮୯ କରୋନା ସଂକ୍ରମିତ, ୧୦୫୦୨୪୯ରେ ପହଞ୍ଚିଲା ସଂଖ୍ୟା
  • ||
  • ୟୁକ୍ରେନ ଉପରେ ଆକ୍ରମଣ କରିବ ଋଷ ! ପୁଟିନଙ୍କ ଦେଢ ଲକ୍ଷରୁ ଅଧିକ ସୈନ୍ୟ ଅଛନ୍ତି ପ୍ରସ୍ତୁତ
  • ||
  • ଜାନୁଆରୀ-ଫେବୃଆରୀ ମଧ୍ୟରେ ଭାରତରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ବାହକ : ଦାବି କଲେ ବିଶେଷଜ୍ଞ
  • ||
  • ଚାଲିଥିଲା ଧାନ ଚୋରା ଚାଲାଣ, ୨୨୦ ବସ୍ତା ଜବତ କଲା ଯୋଗାଣ ବିଭାଗ
  • ||
  • ଜଓ୍ୱାଦ ଦୁର୍ବଳ, ଟଳିଲା ବଡ ବିପଦ : ପୁରୀଠୁ ୨୭୦ କିମି ଦୂରରେ କେନ୍ଦ୍ରୀଭୂତ
  • ||

ନ୍ୟୁୟର୍କ ଚିଡିଆଖାନାରେ ବାଘୁଣୀକୁ କରୋନା, ଶିଶୁଙ୍କୁ ଭୟଙ୍କର ଭାଇରସ୍ ଡେଇଁବା ପରେ ଚିଡିଆଖାନା ସଜାଗ,ନନ୍ଦନକାନନରେ ବଢିଲା ସତର୍କତା

6/04/2020 at 8:29 PM

ଭୁବନେଶ୍ବର 06।04: କରୋନା ସଂକ୍ରମଣର ଶିକାର ହୋଇଛି ବାଘ । ମଣିଷ ପରେ ପ୍ରଥମ ଥର ପାଇଁ ଏକ ପଶୁ ଶରୀରରେ କରୋନା ଭାଇରସ ଚିହ୍ନଟ ହୋଇଛି । ନ୍ୟୁୟର୍କ ସ୍ଥିତ ବ୍ରୋନକ୍ସ ଚିଡିଆଖାନରେ ଏକ ବାଘୁଣୀ କରୋନା ଭାଇରସ ସଂକ୍ରମଣର ଶିକାର ହୋଇଥିବା ଆମେରିକାର ଜାତୀୟ ପଶୁସେବା ପରୀକ୍ଷାଗାର ତରଫରୁ ସ୍ପଷ୍ଟ କରାଯାଇଛି । ଏହି ଘଟଣା ଜଣାପଡ଼ିବା ପରେ ଆମ ଦେଶରେ ଜାତୀୟ ଚିଡ଼ିଆଖାନା କର୍ତ୍ତୃପକ୍ଷ ଏକ ନିର୍ଦ୍ଦେଶନାମା ଜାରିକରିଛନ୍ତି । ସେପଟେ ଭୁବନେଶ୍ବର ନନ୍ଦନକାନନରେ ସତର୍କତା ବଢ଼ାଇଦିଆଯାଇଛି ।

ମଣିଷ ପରେ ପ୍ରଥମ ପଶୁ ଭାବେ ଏକ ବାଘୁଣୀ ହୋଇଛି କରୋନା ଭାଇରସ୍ ସଂକ୍ରମଣର ଶିକାର। ଆମେରିକାର ନ୍ୟୁୟର୍କ ସ୍ଥିତ ବ୍ରୋନସ୍କ ଚିଡ଼ିଆଖାନାରେ ୪ ବର୍ଷର ମାଲାୟନ ବାଘୁଣୀ ନାଡ଼ିଆ ଶରୀରରେ କୋଭିଡ଼-୧୯ ଭୁତାଣୁ ଚିହ୍ନଟ ହୋଇଛି । ଚିଡିଆଖାନାର ଜଣେ କର୍ମଚାରୀଙ୍କ ଠାରୁ ବାଘୁଣୀ ସଂକ୍ରମିତ ହୋଇଛି । ସଂପୃକ୍ତ ବ୍ୟକ୍ତି ଜଣକ ଏହି ବାଘୁଣୀର ଯତ୍ନ ନେଉଥିଲେ । ବାଘୁଣୀ ନାଡ଼ିଆ ସହ ଚିଡ଼ିଆଖାନାର ଅନ୍ୟ ୫ଟି ବାଘ ଓ ସିଂହ ଶରୀରରେ ମଧ୍ୟ କରୋନା ଭଳି ଲକ୍ଷଣ ଦେଖାଦେଇଥିବାରୁ ସେମାନଙ୍କର ନମୁନା ପରୀକ୍ଷା କରାଯାଉଥିବା United States Department of Agriculture (USDA) ପକ୍ଷରୁ କୁହାଯାଇଛି।

ଆମେରିକାରରେ କରୋନା ଭାଇରସ ସ୍ଥିତି ଅନିୟନ୍ତ୍ରିତ ହେବା ପରେ ବୋନକ୍ସ ଚିଡିଆଖାନାକୁ ମାର୍ଚ୍ଚ ୧୬ଠାରୁ ବନ୍ଦ ରଖାଯାଇଛି । ସେପଟେ ଏହି ଘଟଣା ନଜରକୁ ଆସିବା ପରେ ଆମ ଦେଶର ସମସ୍ତ ଚିଡ଼ିଆଖାନା ପାଇଁ ହାଇ ଆଲର୍ଟ ଜାରି କରିବା ସହ ନିର୍ଦ୍ଦେଶନାମା ଜାରି କରିଛନ୍ତି କେନ୍ଦ୍ରୀୟ ଚିଡ଼ିଆଖାନା କର୍ତ୍ତୃପକ୍ଷ । ଚିଡ଼ିଆଖାନାରେ ଅସ୍ବାଭାବିକ ଆଚରଣ ଦେଖାଉଥିବା ଜୀବଜନ୍ତୁଙ୍କ ଉପରେ ତୀକ୍ଷ୍ଣ ନଜର ରଖିବାକୁ ନିର୍ଦ୍ଦେଶ ଦିଯାଇଛି । ଅସୁସ୍ଥ ସନ୍ଦେହ ହେଲେ ତୁରନ୍ତ ଜୀବଜନ୍ତୁଙ୍କର ନମୁନା ସଂଗ୍ରହ କରି କୋଭିଡ୍-୧୯ ପରୀକ୍ଷା ପାଇଁ ଭୋପାଲ, ହରିୟାଣାର ହିସାର ଏବଂ ଉତ୍ତରପ୍ରଦେଶର ବରେଲି ସ୍ଥିତ ପ୍ରାଣୀ ସ୍ବାସ୍ଥ୍ୟ ପ୍ରତିଷ୍ଠାନକୁ ପଠାଇବାକୁ ଚିଡ଼ିଆଖାନାମାନଙ୍କୁ ନିର୍ଦ୍ଦେଶ ଦିଆଯାଇଛି ।

ସୁରକ୍ଷା ପୋଷାକ ନ ପିନ୍ଧି କୌଣସି କର୍ମଚାରୀ ଖୁଆଡ଼ ଭିତରକୁ ପ୍ରବେଶ କରିବାକୁ ବାରଣ କରାଯାଇଛି। ଅସୁସ୍ଥ ଜୀବଜନ୍ତୁଙ୍କୁ କ୍ବାରାଣ୍ଟାଇନରେ ରଖିବା ସହ ଖାଇବାକୁ ଦେବା ସମୟରେ ସେମାନଙ୍କ ସହ ଯଥା ସମ୍ଭବ କମ୍ ସଂସ୍ପର୍ଶରେ ଆସିବାକୁ ପରାମର୍ଶ ଦିଆଯାଇଛି । କେନ୍ଦ୍ରୀୟ ଚିଡ଼ିଆଖାନା କର୍ତ୍ତୃପକ୍ଷଙ୍କ ନିର୍ଦ୍ଦେଶ ପରେ ନନ୍ଦନକାନନରେ ସତର୍କତା ବଢ଼ାଇ ଦିଆଯାଇଛି ।

ଦେଶରେ ଏବେ ପ୍ରାୟ ୧୬୦ଟି ଚିଡ଼ିଆଖାନାରେ ୫୬ରୁ ଅଧିକ ଜୀବଜନ୍ତୁ ରହୁଛନ୍ତି । ଦେଶରେ ଲକଡାଉନ ଯୋଗୁଁ ସମସ୍ତ ଚିଡ଼ିଆଖାନା ବନ୍ଦ ରହିଛି ।

   Related Posts