ନୂଆପଡ଼ା ୦୭।୦୩: ପୁଣି ବାଘ ଆତଙ୍କ । ନୂଆପଡା ଜିଲ୍ଲା ହଳଦି ଗାଁରେ ପୁଣି ଥରେ ବାଘ ଆତଙ୍କ ଦେଖିବାକୁ ମିଳିଛି । ଗାଁରେ ବାଘ ବସିଥିବା ଫଟୋ ଭାଇରାଲ ହୋଇଛି। ଯାହାକୁ ନେଇ ଭୟରେ ଜୀବନ ବିତାଉଛନ୍ତି ଗ୍ରାମବାସୀ ।
ଖବର ଅନୁଯାୟୀ, ହଳଦୀ ଗାଁର ଜଣେ ଯୁବକ ହଳଦି ଗାଁ ସାରଦା ମନ୍ଦିର ପଥର ଚଟାଣରେ ବାଘ ବସିଥିବାର ଫଟୋ ଉତ୍ତୋଳନ କରିଥିବା କୁହାଯାଉଛି । ଏହି ଫଟୋ ଭାଇରାଲ ହେବା ପରେ ଆତଙ୍କିତ ହୋଇ ପଡିଛନ୍ତି ହଳଦି ଗାଁ ବାସିନ୍ଦା । ଗାଁ ରେ ବନ ବିଭାଗ ଛାନଭିନ ଜାରି ରଖିଛି । ଆଗରୁ ମଧ୍ୟ ଏହି ଅଞ୍ଚଳରେ ବାଘ ଦେଖା ଦେଇଥିଲା । ଗୋଟିଏ ଶିଶୁକୁ ଟାଣି ନେଇଥିଲା ବାଘ । ବନବିଭାଗର ପ୍ରୟାସ ଫଳରେ ବନବିଭାଗ ଦୁଇଟି ବାଘ ଧରିଥିଲା । ଏବେ ପୁଣି ଥରେ ବାଘ ଦେଖାଯିବା ନେଇ ଖବର ପ୍ରଚାର ହେବା ପରେ ସ୍ଥାନୀୟ ଲୋକେ ଡରି ଯାଇଛନ୍ତି ।