ନିଆଳି, ୨୫|୦୫: ଅଜଣା ଗାଡ଼ି ଧକ୍କାରେ ଏକ ହେଟାବାଘର ମୃତ୍ୟୁ ଘଟିଛି । ଫୁଲନଖରା ନିଆଳି ୬୦ ନମ୍ବର ରାଜ୍ୟ ରାଜପଥର ବ୍ରାହ୍ମଣଝରିଲୋଠାରେ ଏହି ଘଟଣା ଦେଖିବାକୁ ମିଳିଛି ।
କଟକ ଜିଲ୍ଲା ଫୁଲନଖରା-ନିଆଳି ୬୦ ନମ୍ବର ରାଜ୍ୟ ରାଜପଥରେ ଗୋଟିଏ ହେଟାବାଘ ରାସ୍ତା ପାର କରୁଥିଲା । ରାସ୍ତା ପାର ହେତ୍ତଥିବା ବେଳେ ଏକ ମାଲବାହୀ ଟ୍ରକ ତାକୁ ଧକ୍କା ଦେଇ ଦ୍ରୁତ ଗତିରେ ପଳାଇଥିବା ଆଶଙ୍କା କରାଯାଉଛି । ଫଳରେ ଘଟଣାସ୍ଥଳରେ ବାଘଟିର ମୃତ୍ୟୁ ହୋଇଥିଲା ।
ଖବର ପାଇ ବନବିଭାଗ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ବାଘର ମୃତ ଦେହ ଜବତ କରି ପୋଷ୍ଟମର୍ଟମ୍ କରିଥିବା ଜଣାପଡ଼ିଛି। ଏହି ଘଟଣା ବନ୍ୟପ୍ରାଣୀପ୍ରେମୀଙ୍କୁ ବ୍ୟଥିତ କରିଛି ।