Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁରୀ ସ୍ବର୍ଗ ଦ୍ବାରରୁ ହଟିଲା କଟକଣା, ସଂକ୍ରମଣ କମୁଥିବାରୁ ଜିଲ୍ଲା ପ୍ରଶାସନର ନିଷ୍ପତ୍ତି
  • ||
  • ‘କୁଲଦୀପ ଯାଦବଙ୍କ ପାଇଁ ଚ୍ୟାଲେଞ୍ଜିଂ ହେବ ଓ୍ବେଷ୍ଟଇଣ୍ଡିଜ ସିରିଜ୍, ଟିମ୍‌ ଇଣ୍ଡିଆକୁ ଭରସା ରଖିବାକୁ ହେବ’: ହରଭଜନ ସିଂହ
  • ||
  • ବିଧାନସଭା ନିର୍ବାଚନ ଏବଂ ବଜେଟ୍‌ ଅଧିବେଶନ ପୂର୍ବରୁ କଂଗ୍ରେସ ଡାକିଲା ଗୁରୁତ୍ବପୂର୍ଣ୍ଣ ବୈଠକ, ପ୍ରସ୍ତୁତ ହେବ ରଣନୀତି
  • ||
  • ରାଜ୍ୟରେ ସୁସ୍ଥହେଲେ ଆଉ ୧୧,୧୫୭ଜଣ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୬୫୩ଜଣ ଡିସଚାର୍ଜ
  • ||
  • ବୈଦେଶିକ ବ୍ୟାପାର ମନ୍ତ୍ରୀ ଏସ.ଜୟଶଙ୍କରଙ୍କୁ କରୋନା, ନିଜକୁ କଲେ ଆଇସୋଲେଟ୍
  • ||
  • ମହାକାଶରେ ନିୟନ୍ତ୍ରଣ ହରାଇଛି ସ୍ପେସଏକ୍ସର ଫାଲକନ-୯, ବିପଦରେ ଭାରତର ଚନ୍ଦ୍ରଯାନ
  • ||
  • ବିଜେପିରେ ସାମିଲ ହେଲେ ଉତ୍ତରାଖଣ୍ଡର ପୂର୍ବତନ କଂଗ୍ରେସ ଅଧ୍ୟକ୍ଷ କିଶୋର ଉପାଧ୍ୟାୟ
  • ||
  • ରାଜ୍ୟରେ ଆଉ ୮ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୫୦କୁ ବୃଦ୍ଧି
  • ||
  • ରାଜ୍ୟରେ କମିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୯୦୧ କୋଭିଡ୍ ପଜିଟିଭ୍, ୧୨୩୧୧୬୯ରେ ପହଞ୍ଚିଲା ସଂଖ୍ୟା
  • ||
  • ଜିଲ୍ଲା ପରିଷଦ ନିର୍ବାଚନ ଲଢୁଛନ୍ତି ଡାକ୍ତରାଣୀ, ଚର୍ଚ୍ଚାରେ ବିଜେପି ପ୍ରାର୍ଥୀ ମୋନାଲିସା
  • ||

ବରଗଡ ଦେବ୍ରୀଗଡ ଅଭୟାରଣ୍ୟରେ ମହାବଳ ଶିକାର : ବନ ଅଧିକାରୀଙ୍କ କାର୍ଯ୍ୟ ଦକ୍ଷତା ଉପରେ ଉଠିଛି ପ୍ରଶ୍ନ

28/10/2018 at 6:14 PM

ବରଗଡ଼ ୨୮/୧୦ : ବରଗଡ ଦେବ୍ରୀଗଡ ଅଭୟାରଣ୍ୟରେ ମହାବଳ ଶିକାର ଅଭୟାରଣ୍ୟରୁ ବାଘର ଗଳିତ ମୃତଦେହ ମିଳିବା ପରେ ଏନେଇ ନାନା ସନ୍ଦେହ ଉପୁଜିଛି ସେପଟେ ବନ ବିଭାଗ ପାଖରେ ଏନେଇ କୌଣସି ଖବର ନାହିଁ ବରଂ ପ୍ରାଣୀ ବିଶେଷଜ୍ଞଙ୍କ ଏକ ଟିମ୍ଯାଇ ସେଠାରୁ ଗଳିତ ଶବ ଉଦ୍ଧାର କରିବା ପରେ ଏନେଇ ବନ ବିଭାଗ ତତ୍ପର ହୋଇଛି

ସାତକୋଶିଆରେ ମହାବଳ ବଂଶ ବୃଦ୍ଧି ପାଇଁ ଚାଲିଛି ଯୋଜନା ।  ଆଉ ଏପଟେ ବରଗଡ ଦେବ୍ରୀଗଡ ଅଭୟାରଣ୍ୟରେ ମହାବଳର ଶିକାର । ଦେବ୍ରୀଗଡ ସଂରକ୍ଷିତ ଜଙ୍ଗଲରେ ଏକ ମହାବଳ ଶିକାର ନେଇ ଖବର ପାଇବା ପରେ ସେଠାରେ ପହଞ୍ଚିଥିଲା ଭୁବନେଶ୍ବରର ଏକ ପ୍ରାଣୀ ବିଶେଷଜ୍ଞଙ୍କ ଟିମ୍‌ । ଏହି ଟିମ୍‌ ଭଟଲି ବ୍ଲକର ଖଜୁରିଆ ଗାଁ ଦାମଦରପଡ଼ା ଜଙ୍ଗଲରେ ଏକ ଗାତରୁ ମହାବଳର ଗଳିତ ମୃତଦେହ, ହାଡ଼, କଙ୍କାଳ, ନଖ ଆଦି ଠାବ କରିଛି । ଏପରିକି ସେଠାରେ କେତେକ କାଠ ଖଣ୍ଡ ମିଳଛି । ଯାହା ଜଣା ପଡୁଛି ବାଘକୁ କୌଣସି ସ୍ଥାନରୁ ଏହି କାଠ ଖଣ୍ଡ ସାହାଯ୍ୟରେ ବୁହାଯାଇ ଅଣାଗଲା ପରେ ଏଠାରେ ପୋତି ଦିଆଯାଇଛି । ମୃତ ବାଘକୁ ୨ ସପ୍ତାହ ତଳେ ଏଠି ପୋତି ଦିଆଯାଇଥିବା ଅନୁମାନ କରାଯାଉଛି । ତେବେ ମହାବଳ ବାଘକୁ ମାରି ପୋତି ଦିଆଯାଇଛି କି ତାର ସ୍ବଭାବିକ ମୃତ୍ୟୁ ପରେ ପୋତାଯାଇଛି ତାହା ଜଣାପଡିନାହିଁ । ସ୍ଥାନୀୟ ଗ୍ରାମବାସୀ କହିଛନ୍ତି ବାଘ ମୃତ୍ୟୁ ନେଇ ତାଙ୍କ ପାଖରେ କୌଣସି ଖବର ନାହିଁ ।

ସେଠାକୁ ଯାଇଥିବା ପ୍ରାଣୀ ବିଶେଷଜ୍ଞ ଟିମ୍‌ ସ୍ଥାନୀୟ ବନ ବିଭାଗକୁ ବାଘ ମୃତ୍ୟୁ ନେଇ ପ୍ରଥମେ ଖବର ଦେଇଥିଲା । ହେଲେ ବନ ବିଭାଗ ଏନେଇ ତତ୍ପରତା ପ୍ରକାଶ କରିନଥିଲା । ଏପରିକି ସ୍ଥାନୀୟ ଡିଏଫ୍‌ଓଙ୍କ ପାଖରେ ବି ଏନେଇ କୌଣସି ଖବର ନଥିବା କୁହାଯାଉଛି । ଏହି ଟିମ୍‌ ଦିନ ୧୧ ଟାରୁ ୪ଟା ପର୍ଯ୍ୟନ୍ତ ଜଙ୍ଗଲରେ ଖୋଜାଖୋଜି କରିବା ପରେ ବାଘ ପୋତାଯାଇଥିବା ସ୍ଥାନ ଖୋଜି ପାଇବାରେ ସକ୍ଷମ ହୋଇଥିଲା ।  ବାଘ ମୃତ୍ୟୁ ନେଇ ବନ ବିଭାଗ ପାଖରେ ଖବର ନଥିବା ବେଳେ ଏବେ ମୃତଦେହ ମିଳିବା ପରେ ବନ ବିଭାଗ ତତ୍ପର ହୋଇଛି । ତେବେ ଏହା ମହାବଳ ବାଘର ମୃତଦେହ ନା ଅନ୍ୟ କେଉଁ ଜନ୍ତୁର । ତଦନ୍ତ ପରେ ଜଣାପଡିବ ବୋଲି ବନ ବିଭାଗ କହିଛି ।

ଏଠି ପ୍ରଶ୍ନ ଉଠୁଛି ଜଙ୍ଗଲ ବିଭାଗ ପାଖରେ ବାଘ ମୃତ୍ୟୁ ନେଇ ଖବର ନଥିବା ବେଳେ ଭୁବନେଶ୍ବରର ଏହି  ବନ୍ୟପ୍ରାଣୀ ବିଶେଷଜ୍ଞଙ୍କ ପାଖରେ ଖବର ପହଞ୍ଚିଲା କିଭଳି ? ଦେବ୍ରୀଗଡ ସଂରକ୍ଷିତ ଜଙ୍ଗଲର ଫରେଷ୍ଟର, ରେଞ୍ଜର, ବନ କର୍ମଚାରୀ ମାଳାମାଳ ଥିବା ବେଳେ କିଭଳି ଘଟଣା ସଂପର୍କରେ ଖବର ପାଇଲେ ନାହିଁ ? ନା ସବୁଜାଣି ଏମାନେ ଚୁପ୍ ବସିଥିଲେ । ଯଦି ସତରେ ସେଠାରେ ବାଘକୁ ହତ୍ୟା କରାଯାଇଥିବ ତେବେ ସ୍ଥାନୀୟ ବନ ଅଧିକାରୀ କାହିଁକି ଦାୟୀ ହେବେନି ।  ଏନେଇ ବିଧିବଦ୍ଧ ତଦନ୍ତ ହେବା ସହ ଦୋଷୀଙ୍କୁ ତୁରନ୍ତ ଧରାଯାଇ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି ହୋଇଛି 

   Related Posts