Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ବହୁ ଚର୍ଚ୍ଚିତ ଅଞ୍ଜନା ମିଶ୍ର ଗଣଦୁଷ୍କର୍ମ ମାମଲା, ବୁଧବାର ମୁଖ୍ଯ ଅଭିଯୁକ୍ତ ବିବନର ହେବ ଟିଆଇ ପରେଡ
  • ||
  • ଭୁବନେଶ୍ବର : ବହୁ ଚର୍ଚ୍ଚିତ ଅଞ୍ଜନା ମିଶ୍ର ଗଣଦୁଷ୍କର୍ମ ମାମଲା, ମୁଖ୍ଯ ଅଭିଯୁକ୍ତ ବିବନକୁ ୨ ଦିନିଆ ରିମାଣ୍ଡରେ ନେବ ସିବିଆଇ
  • ||
  • ଆଠଗଡ : ଟାୟାର ଫାଟି ଓଲଟିଲା ଟ୍ରକ୍, ଡ୍ରାଇଭର ଆହତ
  • ||
  • ବାଲେଶ୍ବର : ସୋସିଆଲ୍ ମିଡିଆରେ ସ୍ତ୍ରୀର ଉଲଗ୍ନ ଫଟୋ : ସ୍ବାମୀକୁ ଗିରଫ କରି ଦଫା ଲଗାଇଛି ପୋଲିସ, ଅଭିଯୁକ୍ତ କହୁଛି- ମୁଁ ଅପଲୋଡ୍ କରିନି
  • ||
  • ନୂଆପଡା : ୫ ଡକାୟତ ଗିରଫ, ଲୁଟ୍ ହୋଇଥିବା ଟଙ୍କା ସହ ଅଳଙ୍କାର ଜବତ
  • ||
  • ଭୁବନେଶ୍ବର : ୧୦ ବରିଷ୍ଠ ଅଧିକାରୀଙ୍କୁ ୧୦ ଜିଲ୍ଲା ଦାୟିତ୍ବ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୧୭ ଛୁଇଁଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ଆଉ ୭୪ କୋଭିଡ୍ ପଜିଟିଭ୍, ୩୩୭୩୫୧ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ବର : ଭିସୁଟ୍‌ ଛାତ୍ରଛାତ୍ରୀ କରୋନା ପଜିଟିଭ୍ ରିପୋର୍ଟ ଥିଲା ଭୁଲ୍, ଆଣ୍ଟିଜେନ୍ କିଟ୍ ଖରାପରୁ ୨୫ଜଣଙ୍କର ରିପୋର୍ଟ ଆସିଥିଲା ପଜିଟିଭ୍
  • ||
  • କୋରାପୁଟ : ଜବତ ହେଲା ୭ କୋଟି ୯୦ ଲକ୍ଷ ଟଙ୍କାର ଜାଲ ନୋଟ୍, ୩ ଅଟକ
  • ||

ଅବ୍‌ନୀକୁ ମାରିଲେ, ଏବେ ତାର ଦୁଇ ଛୁଆ ନୟାନ୍ତ କଲେଣି: ବାଘ ଛୁଆଙ୍କ ପାଇଁ କାହିଁକି ଏତେ ବିବ୍ରତ ବନ ବିଭାଗ ?

16/11/2018 at 6:44 PM

ମଣିଷଖିଆ ବାଘୁଣୀ ଅବ୍‌ନୀକୁ ସିନା ମାରିଦେଲେ, ଏବେ ତାର ଦୁଇ ଶାବକଙ୍କ ପାଇଁ ହନ୍ତସନ୍ତ ହେଲାଣି ମହାରାଷ୍ଟ୍ର ବନ ବିଭାଗ । ତେବେ ଏଠି ଭୟ ନୁହେଁ , ଦୁଇ ବାଘ ଶାବକଙ୍କ ଜୀବନ ପାଇଁ ଚିନ୍ତା । ନଭେମ୍ବର ୨ରେ ମାଆ ଅବ୍‌ନୀର ମୃତ୍ୟୁ ପରଠୁ ମାଆ ଛେଉଣ୍ଡ ଦୁଇ ଶାବକଙ୍କ ଜୀବନ ନେଇ ଆଶଙ୍କା ସୃଷ୍ଟି ହୋଇଛି । ଦୁଇ ଶାବକଙ୍କୁ ୧୦ ମାସ ଲେଖାଁଏ ବୟସ ହେବ । ସେମାନଙ୍କୁ ଠାବ କରି  ଉଦ୍ଧାର କରିବାକୁ ଉଦ୍ୟମ ଜାରି ରଖିଛି  ବନ ବିଭାଗ । ତେବେ ମା ବାଘୁଣୀ ଅବ୍‌ନୀ ମୃତ୍ୟୁର  ଦୁଇ ସପ୍ତାହ ପରେ ଦୁଇ ବାଘ ଛୁଆଙ୍କ ଫଟୋ କ୍ୟାମେରାରେ ଧରାପଡିବା ପରେ ବନବିଭାଗ କର୍ମଚାରୀଙ୍କ ମନରେ ଆଶା ସଞ୍ଚାର ହୋଇଛି । ଦୁଇ ବାଘ ଶାବକ ମଧ୍ୟରୁ ଗୋଟିଏ ଅଣ୍ଡିରା ଓ ଗୋଟିଏ ମାଇ ବାଘ । ସେମାନଙ୍କୁ ପ୍ରଥମେ ବୁଧବାର ସକାଳେ ବିହିରଗବ ଗାଁ ନିକଟରେ ଠାବ କରାଯାଇଥିଲା ।

ରେକର୍ଡ କରାଯାଇଥିବା ଅବ୍‌ନୀ ଗର୍ଜନ ଦ୍ୱାରା ବାଘ ଶାବକ ଦୁହିଁଙ୍କୁ ଟ୍ରାକ୍ କରାଯାଇଥିଲା । ଗତ ପ୍ରାୟ ବର୍ଷକ ତଳେ ବନ ବିଭାଗ ଅବ୍‌ନୀର ଗର୍ଜନ ରେକର୍ଡ କରିଥିଲେ । ପରୀକ୍ଷା  ମୂଳକ ବ୍ୟବହାର କରି, ବାଘ ସାବକଙ୍କୁ ଠାବ କରାଯାଇଥିଲା । ତେବେ ଆଶ୍ଚର୍ଯ୍ୟର କଥାଟି ହେଲା ବିହିଗାଓଁ ଡ୍ୟାମ୍‌ ନିକଟରେ ଠାବ ହେବାର ଦିନକପରେ ଅଞ୍ଜି ଡ୍ୟାମ୍‌ ନିକଟରେ ଦୁଇ ବାଘ ଛୁଆଙ୍କୁ ଠାବ କରିଥିଲା କ୍ୟାମେରା । ଦୁଇ ବାଘ ଛୁଆ ଗୋଟିଏ ରାତିରେ ସାଢେ ସାତ କିଲୋମିଟର ଯିବା ବି ଆଶ୍ଚର୍ଯ୍ୟ କରିଛି ବନବିଭାଗ କର୍ମଚାରୀଙ୍କୁ । ସେ ଯାହା ହେଉ ପରସ୍ପର ସହ ଖେଳୁଥିବା ଓ ସାଙ୍ଗ ହୋଇ ବୁଲୁଥିବା ଦୁଇ ବାଘ ଛୁଆଙ୍କ ସ୍ୱାସ୍ଥ୍ୟ ଭଲ ଥାବା ଆଶ୍ୱସ୍ତି ଦେଇଛି । ତଥାପି ମାଆ ବାଘୁଣୀ ବିନା ଏହି ଦୁଇ ଛୁଆ ବେଶି ଦିନ ବଞ୍ଚିବା କଷ୍ଟକର ହୋଇଥିବାରୁ ସେମାନଙ୍କୁ ତୁରନ୍ତ ଧରି ବାକୁ ବନବିଭାଗ ଉଦ୍ୟମ ଜାରି ରଖିଛି ।

ବାଘ ଛୁଆ ଦୁହିଁଙ୍କୁ ଧରାଯିବା ପରେ ସେମାନଙ୍କୁ ପ୍ରଥମେ ମହାରାଷ୍ଟ୍ରର ପେଞ୍ଚ ଟାଇଗର ରିଜର୍ଭରେ ଛଡାଯିବ । ସେଠାରେ ଶିକାର ତାଲିମ ପରେ ସେମାନଙ୍କୁ ଜଙ୍ଗଲରେ ଛଡାଯିବ ବୋଲି କହିଛନ୍ତି ପ୍ରିନ୍ସପାଲ ଚିଫ କଞ୍ଜରଭେଟର ଅଫ ଫରେଷ୍ଟ ଏ.କେ.ମିଶ୍ର । ଜବତମାଲର ମଣିଷ ଖିଆ ବାଘୁଣୀ ଅବ୍‌ନୀ ୧୩ ଜଣ ମଣିଷଙ୍କୁ ମାରିବା ପରେ ତାକୁ ଗୁଳି କରିବାକୁ ନିଷ୍ପତ୍ତି ହୋଇଥିଲା । ଏଥିଲାଗି ସାର୍ପ ସୁଟର ନବାବ ଶଫଥା ଅଲ୍ଲି ଖାନ୍‌କୁ ଦାୟୀତ୍ୱ ଦିଆ ଯାଇଥିଲା । ତେବେ ଅବ୍‌ନୀର ମୃତ୍ୟୁ ପରେ ପୋଷ୍ଟ ମର୍ଟ ରିପୋର୍ଟ ତଥ୍ୟ ଓ କିଛି କଥାକୁ ନେଇ ବିବାଦ ଆରମ୍ଭ ହୋଇଛି । ସରକରାଙ୍କ ଦ୍ୱାରା ନିଯୁକ୍ତ ତଦନ୍ତକାରୀ ଟିମ୍‌କୁ ନଭେମ୍ବର ୨୬ ସୁଦ୍ଧା ତଦନ୍ତ ରିପୋର୍ଟ ଲାଗି ନିର୍ଦ୍ଦେଶ ଦିଆଯାଇଛି ।

   Related Posts