Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତୀୟ ବାୟୁସେନାର ବଢିବ ଶକ୍ତି, ଚାନ୍ଦୀପୁର ଘାଟିରୁ ‘ବ୍ରହ୍ମୋସ’ର ସଫଳ ପରୀକ୍ଷଣ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୬କୁ ବୃଦ୍ଧି
  • ||
  • ଭୁବନେଶ୍ବର : ୪ ଦିନିଆ ରିମାଣ୍ଡରେ ଯିବେ ୨ କଣ୍ଟ୍ରାକ୍ଟ କିଲର, ଏସଡିଜେଏମ୍ କୋର୍ଟ ଦେଲେ ଅନୁମତି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୧୯୫ ମୃତ
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୫୫ କରୋନା ସଂକ୍ରମିତ, ୧୦୫୦୭୬୦ରେ ପହଞ୍ଚିଲା ସଂଖ୍ୟା
  • ||
  • ସୁନ୍ଦରଗଡ : ସ୍ୱାମୀ ସାଜିଲା ସୈତାନ୍, କୁରାଢି ଚୋଟରେ ନେଇଗଲା ସ୍ତ୍ରୀର ଜୀବନ
  • ||
  • ୬ ଦିନିଆ ରିମାଣ୍ଡରେ ଆସିବ ଠକ ପ୍ରଜ୍ଞା, ଅନୁମତି ଦେଲେ ଭୁବନେଶ୍ୱର ଏସ୍‌ଡିଜେଏମ୍‌ କୋର୍ଟ
  • ||
  • ଘୋଷଣା ହେଲା ଜ୍ଞାନପୀଠ ପୁରସ୍କାର : ୨୦୨୧ ପାଇଁ ନୀଳମଣି ଫୁକନ, ୨୦୨୨ ପାଇଁ କୌଙ୍କଣୀ ସାହିତ୍ୟିକ ଦାମୋଦେର ମୌଜଙ୍କୁ ସମ୍ମାନ
  • ||

ବାରବାଟୀରେ ଇଣ୍ଡିଆ-ଓ୍ବେଷ୍ଟଇଣ୍ଡିଜ୍ ମ୍ୟାଚ୍ ପାଇଁ ଆସନ୍ତା ୧୯ରୁ କାଉଣ୍ଟରରେ ଟିକେଟ୍ ବିକ୍ରି

9/12/2019 at 3:14 PM

କଟକ ୯।୧୨: ବାରବାଟୀରେ ଇଣ୍ଡିଆ-ଓ୍ବେଷ୍ଟଇଣ୍ଡିଜ୍ ମ୍ୟାଚ୍ ପାଇଁ ଏଥର ଟିକେଟ୍ କାଉଣ୍ଟରରେ ବିକ୍ରି ହେବ ମାତ୍ର ୧୦ ହଜାର ୫୦ ଖଣ୍ତ ଟିକେଟ । କିନ୍ତୁ ସେଥିଲାଗି ଟିକେଟ କାଉଣ୍ଟରର ସଂଖ୍ୟା ବୃଦ୍ଧି କରିବା ଲାଗି ନିଷ୍ପତ୍ତି କରିଛି ଓସିଏ । ୧୯ ତାରିଖରୁ ଆରମ୍ଭ ହେବ ଟିକେଟ ବିକ୍ରି । ପ୍ରତ୍ୟେକ ବ୍ୟକ୍ତିଙ୍କୁ ମିଳିବ ୨ଟି ଟିକେଟ୍‌ । ଟିକେଟ ପାଇଁ କାଉଣ୍ଟରରେ ଯେକୌଣସି ପରିଚୟ ପତ୍ର ଦେଖାଇବାକୁ ପଡିବ, କିମ୍ବା ଟେଲିଫୋନ୍‌ ନମ୍ବର ଦେବାଲାଗି ଓସିଏ ଅନୁରୋଧ କରିଛି । ହେଲେ କାହିଁକି କାଉଣ୍ଟର ଟିକେଟ ଏତେ ପରିମାଣରେ କାଟ୍ କରାଗଲା, ତା ଉପରେ ଓସିଏ କର୍ତ୍ତୃପକ୍ଷଙ୍କ ପାଖରେ ସନ୍ତୋଷଜନକ ଉତ୍ତର ନାହିଁ ।

ବାରବାଟୀରେ ଇଣ୍ତିଆ-ଓ୍ବେଷ୍ଟଇଣ୍ତିଜ ମ୍ୟାଚ୍ ଦେଖିବାର ଇଛା ରଖିଥିବା କ୍ରିକେଟ୍ ପ୍ରମୀଙ୍କୁ ଏଥର ହୁଏତ ନିରାଶ ହେବାକୁ ପଡିପାରେ । କାରଣ କାଉଣ୍ଟରରେ ଏଥର ବିକ୍ରି ହେବ, ମାତ୍ର ୧୦ ହଜାର ୫୦ ଖଣ୍ତ ଟିକେଟ୍ । ୧୯ ତାରିଖ ସକାଳୁ  ଆରମ୍ଭ ହେବ ଟିକେଟ ବିକ୍ରି । ପ୍ରଥମ ଦିନରେ ଟିକେଟ ବଳକା ରହିଲେ ପୁଣି ୨୦ ତାରିଖରେ ଟିକେଟ୍‌ ବିକ୍ରି କରାଯିବ । ପ୍ରତ୍ୟେକ ବ୍ୟକ୍ତିଙ୍କୁ ମିଳିବ ୨ଟି ଟିକେଟ୍ । ସେଥିପାଇଁ ଟିକେଟ୍ କାଉଣ୍ଟରରେ ଯେକୌଣସି ପରିଚୟ ପତ୍ର ଦେଖାଇବାକୁ ପଡିବ, କିମ୍ବା ଟେଲିଫୋନ୍‌ ନମ୍ବର ଦେବାଲାଗି ଓସିଏ ଅନୁରୋଧ କରିଛି । ତେବେ ଟିକେଟର ପରିମାଣ କମ୍ ହୋଇଥିଲେ ବି ଏଥର ଅଧିକ କାଉଣ୍ଟର ଖୋଲାଯିବ । କିନ୍ତୁ କାହିଁକି କାଉଣ୍ଟର ଟିକେଟର ସଂଖ୍ୟା ଏତେ ମାତ୍ରାରେ କମ୍‌ କରାଗଲା, ତା ଉପରେ ଓସିଏ କର୍ତ୍ତୃପକ୍ଷଙ୍କ ପାଖରେ ସନ୍ତୋଷଜନକ ଉତ୍ତର ନାହିଁ ।

ବାରବାଟୀ ଦିନିକିା ଲାଗି ଆଜି ୨ୟ ଥର ଲାଗି ଓସିଏ ସାଧାରଣ ପରିଷଦ ବୈଠକ ବସିଥିଲା । ମ୍ୟାଚର ସୁ-ଆୟୋଜନ ପାଇଁ ପ୍ରାୟ ୨୦ରୁ ଅଧିକ କମିଟି ଗଠନ କରାଯାଇଛି । ଏଥର ବାରବାଟୀରେ ମୋଟ୍ ୩୮ ହଜାର ୮୭୨ ଦର୍ଶକ ମ୍ୟାଚ୍ ଉପଭୋଗ କରିପାରିବେ ବୋଲି କୁହାଯାଇଛି । ତେବେ ଅନ୍‌ଲାଇନ୍‌ ଜରିଆରେ ମାତ୍ର ଗୋଟିଏ ଘଣ୍ଟାରେ ୮ ହଜାର ୧୫୦ ଖଣ୍ତ ଟିକେଟ୍‌ ବୁକ୍‌ ହୋଇସାରିଥିବାରୁ କାଉଣ୍ଟରରେ ଅଧିକ ଟିକେଟ୍‌ ବିକ୍ରି କରାଯାଉ ବୋଲି ଆଜିର ବୈଠକରେ ଅନେକ ସଦସ୍ୟ ଦାବି କରିଥିଲେ । କିନ୍ତୁ ସେହି ପ୍ରସ୍ତାବ ଗୃହିତ ହୋଇପାରିନାହିଁ । ଯେତେବେଳେ କି ଓସିଏ ଆଫିଲିଏଟେଡ୍‌ ୟୁନିଟମାନଙ୍କ ଲାଗି ୮ ହଜାର ୯୪୬ ଖଣ୍ତ ଟିକେଟ ସଂରକ୍ଷିତ ରଖାଯାଇଛି । ତେବେ ଦିନିକିଆ ଇଣ୍ଟରନ୍ୟାସନାଲ ପାଇଁ ସରକାରୀସ୍ତରରୁ ସମସ୍ତ ପ୍ରକାର ସହଯୋଗ ରହିବ ବୋଲି ଆଜିର ବୈଠକ ପରେ ସୂଚନା ଦେଇଛନ୍ତି ଅଭ୍ୟର୍ଥନା କମିଟିର ଅଧ୍ୟକ୍ଷ ।

୭ ନମ୍ବର ଗ୍ୟାଲେରୀ ଅସୁରକ୍ଷିତ ହୋଇପଡିବା କରାଣରୁ ତାକୁ ବନ୍ଦ ରଖାଯିବ, ତେଣୁ ମ୍ୟାଚ୍ ବେଳେ ପ୍ରାୟ ୫ ହଜାର ୨୮୨ ସିଟ୍‌ ଫାଙ୍କା ରହିବ । କିନ୍ତୁ ପୂର୍ବରୁ କମ୍ପ୍ଲିମେଣ୍ଟାରୀ ଆକାରରେ ବଣ୍ଟା ଯାଉଥିବା ପ୍ରାୟ ଅଢେଇ ହଜାର ଟିକେଟ ଏଥର ବି ବାଣ୍ଟିବାକୁ ଲକ୍ଷ୍ୟ ରଖିଛି ଓସିଏ । ତେଣୁ ଏପ୍ରଶ୍ନ ଉଠିବା ସ୍ବାଭାବିକ୍‌ ଯେ, ସାଧାରଣ ଲୋକଙ୍କ କୋଟାରୁ ଟିକେଟ କାଟି ଦେଇ ଆଉକିଛି ଲୋକଙ୍କୁ କମ୍ପ୍ଲିମେଣ୍ଟାରୀ ପାସ୍ ଦିଆଯିବା ପଛର ଉଦ୍ଦେଶ୍ୟ କଣ ହୋଇପାରେ ।

   Related Posts