Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି : ଘର ବାହାରେ ଶୋଇଥିବା ବେଳେ ମାଡିଗଲା ଟ୍ରକ୍, ସ୍ତ୍ରୀ ମୃତ, ସ୍ବାମୀ ଗୁରୁତର
  • ||
  • ସାନଖେମୁଣ୍ଡି : କୋଭିଡ୍ କଟକଣା ଉଲଂଘନ କରି ଗାଁରେ ଚାଲିଥିଲା ବାହାଘର ଭୋଜିଭାତ, ବନ୍ଦ କଲା ପ୍ରଶାସନ
  • ||
  • ଚୋରି କରୁଥିଲା ବିଦ୍ୟୁତ ଖୁଣ୍ଟ, ଗାଁ ଲୋକଙ୍କ ହାତରେ ଧରାପଡିଲା ଚୋର
  • ||
  • ରାଜ୍ୟରେ କରୋନା ନେଲା ଆଉ ୨୧ଜଣଙ୍କ ଜୀବନ, ୨୧୬୧ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ୧୧ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୧,୮୦୭ ପଜିଟିଭ୍
  • ||
  • କମିଲା ତାତି : ଆଜି ଏହି ସବୁ ଜିଲ୍ଲାରେ ବଜ୍ରପାତ ସହ କୁଆପଥର ବର୍ଷା ସମ୍ଭାବନା
  • ||
  • ସଂକ୍ରମଣ ରୋକିବାକୁ ରାଜ୍ୟରେ ସାପ୍ତାହିକ ସଟ୍‌ଡାଉନ୍, ଜରୁରୀ ସେବାକୁ ଛାଡ଼ିଦେଲେ ସବୁ ବନ୍ଦ
  • ||

ବିଜେଡି ଟିକେଟ ପାଇଁ ଆରମ୍ଭ ହେଲାଣି କସରତ : ନବୀନ ନିବାସରେ ନେତାଙ୍କ ଭିଡ

23/02/2019 at 7:15 PM

ଭୁବନେଶ୍ବର୨୩|୨: ୨୦୧୯ ସାଧାରଣ ନିର୍ବାଚନ ପାଇଁ ଆଉ ରହିଲା ଦୁଇ ମାସ । ଟିକେଟ୍‌ ପାଇଁ  ବିଜେଡିରେ ଆରମ୍ଭ ହୋଇଗଲାଣି ଛକାପଞ୍ଝା । ବିଜେଡିରି ପୁରୁଣା ନେତା  ଓ ଅନ୍ୟ ଦଳରୁ ଡିଆଁ ମାରି ଆସିଥିବା ନେତାଙ୍କ ଭିତରେ ଆରମ୍ଭ ହୋଇ ଗଲାଣି ଟିକେଟ ପାଇଁ  ଲବି। ଆଜି ବ୍ରଜାରଜନଗରରୁ କିଛି ବିଜେଡି କର୍ମୀ  ଅନୁପ ସାଏଙ୍କ ବିରୋଧରେ ନବୀନ ନିବାସରେ ଫେରାଦ ହୋଇଥିବାବେଳେ ଚିଲିକାରୁ କିଛି ବି​‌ଜେପି କର୍ମୀଙ୍କୁ ଦଳରେ ମିଶାଇ ରଘୁ ସାହୁ ଦବଦବା ଦେଖାଇଛନ୍ତି ।

ବିଜେଡି ଟିକେଟ ପାଇଁ ଆରମ୍ଭ ହେଲାଣି କସରତ  । ସେଥିପାଇଁ ନବୀନ ନିବାସରେ ଲାଗିଲାଣି ନେତାଙ୍କ ଭିଡ। ଅନୁପ ସାଏଙ୍କ ବିରୋଧରେ ନିବୀନ ନିବାସ​‌ରେ ଫେରାଦ ହୋଇଛନ୍ତି ବ୍ରଜରାଜନଗରର କିଛି ବିଜେଡି କର୍ମୀ। ହାତରେ ୧୦ହଜାର ଲୋକଙ୍କ ସ୍ବାକ୍ଷରିତ ସ୍ମାରକ ପତ୍ର ଧରି ଅନୁପ ସାଏଙ୍କୁ ଟିକେଟ ନଦେବାକୁ ଦାବିକରିଛନ୍ତି । ଗତ ନିର୍ବାଚନରେ ବିଜେଡିରେ ଯୋଗଦେଇଥିବା ଅନୁପ ସାଏ  ଦଳ ବିରୋଧୀ କାର୍ଯ୍ୟ କରୁଛନ୍ତି । ଏପରିକି ପୁରୁଣା ବିଜେଡି ନେତାଙ୍କ ସହିତ ମିଶି କାମ କରୁନାହାନ୍ତି। ତେଣୁ ଏଥର ନିର୍ବାଚନରେ ଦଳର ପୁରୁଣା ନେତା, ଜିଲ୍ଲା ସଭାପତି କିଶୋର ମହାନ୍ତି , ବିଶ୍ବନାଥ ନାଏକ କିମ୍ବା ନନ୍ଦ କିଶୋର ଅଗ୍ରଓ୍ବାଲଙ୍କୁ ଟିକେଟ ଦେବାକୁ ଦାବି କରିଛନ୍ତି ।

ଚିଲିକା ନିର୍ବାଚନ ମଣଣ୍ଡଳୀରେ ବି  ଟିକେଟ ପାଇଁ ସମାନ ଅବସ୍ଥା । ବିଜେଡିର ମାନସ ମଙ୍ଗରାଜ ମିଶିବା ପ​‌ରେ ଟିକେଟ ପାଇଁ ଛକାପଞ୍ଚା ଆରମ୍ଭ ହୋଇଛି। ୨୦୧୪ରେ ଏଠାରୁ ରଘୁ ସାହୁ ହାରି ଯାଇଥିବାବେଳେ କଂଗ୍ରେସ ଛାଡି ବିଜେଡିରେ ମିଶିଛନ୍ତି ମାନସ ମଙ୍ଗରାଜ। ତେଣୁ ମାନସ ବି ଟିକେଟ ଲବିରେ ଅଛନ୍ତି। ଚିଲିକାରେ ନିଜ ଦବଦବା ବଢ଼ାଇବା​କୁ‌ ପୂର୍ବତନ ବିଧାୟକ ରଘୁ ମହାନ୍ତି ଆଜି କିଛି ବିଜେପି କର୍ମୀଙ୍କୁ ଦଳରେ ମିଶାଇଛନ୍ତି ।

କଂଗ୍ରେସ ଓ ବି​‌ଜେପିର ବଡ ବଡ ମୁଣ୍ଡ ଦଳ ଛାଡି ବିଜେଡିରେ ମିଶିଛନ୍ତି । ବିଜେଡି ଟିକେଟରେ ବିଧାନସଭାକୁ ଲମ୍ଫ ମାରିବାକୁ ଜଗିବସିଛନ୍ତି। ତେଣୁ ବିଜେଡିର ପୁରୁଣା ଏବଂ ଏହି ଦଳ ଡିଆଁ ନେତାଙ୍କ ଭିତରେ ଟିକେଟ୍‌ ହାତେଇବାକୁ ଆରମ୍ଭ ହୋଇଗଲାଣି ଛକାପଞ୍ଝା । ଯାହା ଆଗକୁ ଉଗ୍ର ରୂପ ନେବାର ସମ୍ଭାବନା ଅଛି ।

   Related Posts