Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଦଳିଲେ ବିଏମ୍‌ସି କମିଶନର, ପ୍ରେମଚନ୍ଦ୍ର ଚୌଧରୀଙ୍କ ସ୍ଥାନରେ ସଞ୍ଜୟ ସିଂହଙ୍କୁ ଦାୟିତ୍ୱ
  • ||
  • ଡେଲାଙ୍ଗ : କଣାସ ଗାଁ ସମତେ ବଜାରକୁ ୭ଦିନ ଯାଏଁ କଣ୍ଟେନମେଣ୍ଟ ଜୋନ୍‌ ଘୋଷଣା, ସଂକ୍ରମଣ ବୃଦ୍ଧିକୁ ଦେଖି ନିଷ୍ପତ୍ତି
  • ||
  • କେନ୍ଦୁଝର ଜେଲ୍‌ରେ ପଶିଲା କରୋନା, ୯ କଏଦୀ କୋଭିଡ଼ ସଂକ୍ରମିତ
  • ||
  • ରକ୍ତମୁଖା ଲାଲ୍‌ବାହିନୀ, ଯବାନଙ୍କୁ ଘରୁ ଟେକି ନେଇ ଗଳାକାଟି କଲେ ହତ୍ୟା
  • ||
  • ରାଜ୍ୟରେ କରୋନା ନେଲା ଆଉ ୧୭ଜଣଙ୍କ ଜୀବନ, ୨୨୩୨ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ୧୦ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୦୯୮୨ ପଜିଟିଭ୍
  • ||

ରାଜଧାନୀରେ ପର୍ଯ୍ୟଟନସ୍ଥଳ ଓ ପ୍ରାଚୀନ କୀର୍ତ୍ତିରାଜିକୁ ସୁରକ୍ଷା ଦେବା ଆଳରେ ଚାଲିଛି ହରିଲୁଟ୍

14/11/2019 at 6:18 PM

ଭୁବନେଶ୍ୱର ୧୪।୧୧  ଜୈନ କୀର୍ତ୍ତିସ୍ଥଳୀ ଭୁବନେଶ୍ବର ଉଦୟଗିରି ପାହାଡ଼ରେ ଚାଲିଛି ଟିକଟ କଳାବଜାରୀ । ଟିକଟ ବାବଦକୁ ଟୁରିଷ୍ଟଙ୍କ ଠାରୁ ଯେଉଁ ଟଙ୍କା ନିଆଯାଉଛି, ତାହାକୁ ମଳିମିଶି ଲୁଟ୍ କରୁଛନ୍ତି ଟୁରିଷ୍ଟ ଗାଇଡ୍, ସିକ୍ୟୁରିଟି କର୍ମଚାରୀ ଓ ପ୍ରତ୍ନତତ୍ତ୍ବ ବିଭାଗ କର୍ମଚାରୀ । ଗୋଟିଏ ଟିକେଟକୁ ବାରମ୍ବାର ବିକ୍ରି କରି ଚାଲିଥିବା ଏହି କାରସାଦିକୁ ଧରିଛି ନ୍ୟୁଜ୍ ସେଭେନ୍ ।

ପର୍ଯ୍ୟଟନସ୍ଥଳ ଓ ପ୍ରାଚୀନ କୀର୍ତ୍ତିରାଜିକୁ ସୁରକ୍ଷା ଦେବା ଆଳରେ ଚାଲିଛି ହରିଲୁଟ୍ । ଟୁରିଷ୍ଟଙ୍କ ଟିକେଟ୍ ଟଙ୍କାକୁ ବାଣ୍ଟି ନେଉଛନ୍ତି  ଟୁରିଷ୍ଟ ଗାଇଡ୍, ସିକ୍ୟୁରିଟି କର୍ମଚାରୀ ଓ ପ୍ରତ୍ନତତ୍ତ୍ବ ବିଭାଗ କର୍ମଚାରୀ । ଜୈନ କୀର୍ତ୍ତିସ୍ଥଳୀ ଭୁବନେଶ୍ବର ଉଦୟଗିରି ରେ ଚାଲିଥିବା ଏମିତି ସାଂଘାତିକ କେଳେଙ୍କାରୀକୁ ଧରିଛି ନ୍ୟୁଜ୍ ସେଭେନ୍ । ଖଣ୍ଡଗିରିରେ ଲାଗୁଛି ଟୁରିଷ୍ଟ ବସ୍ । ଏକକାଳୀନ ୭୦ରୁ ୧୦୦ ପର୍ଯ୍ୟଟକଙ୍କ ପାଇଁ କାଉଣ୍ଟରରେ ଟିକେଟ୍ କଟାହେବା କଥା ।

ହେଲେ ସେମାନଙ୍କ ସାଥୀରେ ଆସିଥିବା ଟୁରିଷ୍ଟ ଗାଇଡ୍ ଏଏସଆଇ କର୍ମଚାରୀଙ୍କୁ କିଛି ଟଙ୍କା ଧରାଇଦେଇ ଯାତ୍ରୀମାନଙ୍କୁ ଗେଟ୍ ଏଣ୍ଟ୍ରି କରାଇ ଦେଉଛନ୍ତି । ଏଥିରେ ତାଙ୍କୁ ସହାୟତା କରୁଛନ୍ତି ନିୟୋଜିତ ହୋଇଥିବା ପ୍ରାଇଭେଟ୍ କମ୍ପାନୀର ସୁରକ୍ଷା କର୍ମଚାରୀ । ଟୁରିଷ୍ଟଙ୍କ ପାଇଁ କଟାଯାଇଥିବା ଟିକେଟ୍କୁ ନା’ ଚିରାଯାଉଛି, ନା’ ସେମାନଙ୍କୁ ଫେରସ୍ତ ହେଉଛି । ଅର୍ଥାତ୍ ଗୋଟିଏ ଥର କଟାଯାଇଥିବା ଟିକେଟ୍କୁ ବାରମ୍ବାର ବ୍ୟବହାର କରାଯାଇ ହଜାର ହଜାର ପର୍ଯ୍ୟଟକଙ୍କୁ ବୁଲାଇ ଆଣୁଛନ୍ତି ଟୁରିଷ୍ଟ ଗାଇଡ୍ । ଏହିଭଳି ଭାବେ ପ୍ରତିଦିନ  ଟୁରିଷ୍ଟ ଗାଇଡ୍, ପତ୍ନତତ୍ତ୍ବ ବିଭାଗ କର୍ମଚାରୀ ଏବଂ ସୁରକ୍ଷା କର୍ମଚାରୀଙ୍କ ମଧୂଚନ୍ଦ୍ରିକାରେ ଲୁଟ୍ ହେଉଛି ହଜାର ହଜାର ଟଙ୍କା ।

ପ୍ରତିଦିନ ୫୦ହଜାରରୁ ଅଧିକ ଟଙ୍କା ଲୁଟ୍ ହେଉଥିବା ଜଣାପଡ଼ିଛି ।ପ୍ରାଚୀନ କିର୍ତ୍ତିରାଜିର ସୁରକ୍ଷା ଓ ଉନ୍ନତି ପାଇଁ ପର୍ଯ୍ୟଟକଙ୍କ ଠାରୁ ଆଦାୟ ହେଉଥିବା ଟଙ୍କାକୁ କେମିତି କାରସାଦି କରାଯାଇ ଲୁଟ୍ କରାଯାଉଛି ଇଏ ହେଉଛି ତା’ର ଜ୍ବଳନ୍ତ ପ୍ରମାଣ ।

ଏହି କେଳେଙ୍କାରୀରେ ପ୍ରତ୍ନତତ୍ତ୍ବ ବିଭାଗର ବଡ଼ ଅଧିକାରୀ ମଧ୍ୟ ସାମିଲ୍ ଥିବା ସଂଦେହ କରାଯାଉଛି । ଏହାର ଏକ ବିଧିବଦ୍ଧ ତଦନ୍ତ କରାଯାଇ ଦୋଷୀ କର୍ମଚାରୀମାନଙ୍କୁ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ପାଇଁ ଦାବି ହୋଇଛି ।

   Related Posts