ସୁନ୍ଦରଗଡ, ୧୪|୦୬ :  ସୁନ୍ଦରଗଡ ଜିଲ୍ଲାର କୁଆଁରମୁଣ୍ଡା ଲୋଡସରା ଗ୍ରାମରେ ବଜ୍ରପାତ ଘଟି ୨ଜଣ ଶ୍ରମିକ ଜୀବନ ହାରିଛନ୍ତି । ସେମାନେ ପୋଲ କାମ କରୁଥିବା ବେଳେ ପ୍ରାଣ ହରାଇଛନ୍ତି ।

 ସୂଚନାନୁସାରେ, ରବିବାର କୁଆଁରମୁଣ୍ଡା ଲୋଡ଼ସରା ଗ୍ରାମରେ ପୋଲ ନିର୍ମାଣ କାର୍ଯ୍ୟ ଚାଲୁଥିଲା । କିଛି ଶ୍ରମିକ ପୋଲ ନିର୍ମାଣରେ ନିୟୋଜିତ ଥିଲେ । କାମ ଚାଲିଥିବା ବେଳେ ହଠାତ ବଜ୍ରାପାତ ହୋଇଥିଲା । ଏଥିରେ ୨ ଜଣ ଶ୍ରମିକ ପ୍ରାଣ ହରାଇଛନ୍ତି । ମୃତ ଶ୍ରମିକଙ୍କ ମଧ୍ୟରୁ ଜଣେ ବାହାର ରାଜ୍ୟର ହୋଇଥିବା ସୂଚନା ମିଳିଛି ।ମୃତ ଦୁଇ ଶ୍ରମିକ ହେଲେ ଭୀମ କେରକେଟା ଓ ବିନୀତ ଡୁଙ୍ଗଡୁଙ୍ଗ୍ ।  ବିନିତଙ୍କ ଘର ଝାଡଖଣ୍ଡ ହୋଇଥିବା ସୂଚନା ମିଳିଛି ।