ପାଟନା, ୨୦|୦୭:  ବିହାରରେ ଗୋଟିଏ ପଟେ କରୋନା ଭାଇରସର ଆତଙ୍କ ଜାରି ରହିଛି । ଏହା ମଧ୍ୟରେ ଆଉ ଏକ ଦୁଃଖଦ ଖବର ସାମ୍ନାକୁ ଆସିଛି । ରବିବାର ରାଜ୍ୟର ବିଭିନ୍ନ ସ୍ଥାନରେ ବଜ୍ରପାତ ଘଟି ୧୬ ଜଣ ପ୍ରାଣ ହରାଇଛନ୍ତି ।

ରାଜ୍ୟର ପୁର୍ଣ୍ଣିଆ ଜିଲ୍ଲାରେ ୩, ବେଗୁସରାୟରେ ୨, ପାଟନାରେ ୨, ସହରସାରେ ଜଣେ, ପୂର୍ବ ଚମ୍ପାରଣରେ ଜଣେ, ମଧେପୁରା ଓ ଦରଭଙ୍ଗାରେ ମଧ୍ୟ ଜଣେ ଲେଖାଏଁ ପ୍ରାଣ ହରାଇଛନ୍ତି ।

wp:html

16 people died in the state due to lightning strikes on 19th July: Bihar State Disaster Management Department https://t.co/fMztq8rzVK

— ANI (@ANI) July 20, 2020

/wp:html

ଗତ କିଛିଦିନ ଧରି ବିହାରରେ ଲଗାତାର ଭାବେ ବଜ୍ରପାତରେ ଅନେକ ଜୀବନ ଯାଉଛି । ଯାହାକୁ ନେଇ ବିହାରବାସୀ ଆତଙ୍କିତ ହୋଇ ରହୁଛନ୍ତି । ଏବେ ରାଜ୍ୟରେ ବନ୍ୟା ସ୍ଥିତି ମଧ୍ୟ ଜଟିଳ ରହିଛି । ଫଳରେ ଲୋକମାନେ ବନ୍ୟାରୁ ରକ୍ଷା ପାଇବା ପାଇଁ ଉଚ୍ଚ ସ୍ଥାନରେ ଆଶ୍ରୟ ନେଉଛନ୍ତି । ଏପରିକି ବଡ ଘରର ଛାତ ଉପରେ ମଧ୍ୟ ରହିଛନ୍ତି । ଫଳରେ ବଜ୍ରପାତର ଆଶଙ୍କା ବୃଦ୍ଧି ପାଉଛି ।

ମୁଖ୍ୟମନ୍ତ୍ରୀ ନୀତିଶ କୁମାର ମୃତକଙ୍କ ପରିବାର ପ୍ରତି ସମବେଦନା ଜଣାଇଛନ୍ତି । ଏହାସହ ଅନୁକମ୍ପା ରାଶି ବାବଦରେ ୪ ଲକ୍ଷ ଟଙ୍କା ପ୍ରଦାନ କରିବେ ନେଇ ଘୋଷଣା କରିଛନ୍ତି ।  ସେ କହିଛନ୍ତି ଯେ, ଏହି ବିପଦ ସମୟରେ ସରକାର ସମସ୍ତଙ୍କ ସହ ରହିଛନ୍ତି । ଜନତାଙ୍କୁ ସତର୍କ ରହିବା ସହ ସମସ୍ତ ପରାମର୍ଶ ମାନିବାକୁ ସେ ନିବେଦନ କରିଛନ୍ତି ।