ରାୟଗଡା, ୧୯ ।୦୯: ରାୟଗଡା ଜିଲ୍ଲା ମୁନିଗୁଡା ବ୍ଲକ ଅମ୍ବାଦଳା ଗ୍ରାମରେ ବଜ୍ରପାତରେ ୨ଜଣ ପ୍ରାଣ ହରାଇଛନ୍ତି । ଏହାସହ ଆଉ ଜଣେ ଗୁରୁତର ହୋଇଛନ୍ତି । ଗୁରୁତରଙ୍କୁ ମେଡିକାଲରେ ଭର୍ତ୍ତି କରାଯାଇଛି ।
ସୂଚନାନୁଯାୟୀ, ଅମ୍ବାଦଳା ଗ୍ରାମର ନରେଶ ସୁନା ଓ ଅର୍ଜଲାଲ ପଲକିଆ ନଦୀକୁ ଯାଇଥିଲେ । ଏହାସହ ତ୍ରିପତି ନିଆଲ ନାମକ ଜଣେ ବ୍ୟକ୍ତି ଗାଈ ଚରାଉଥିଲେ । ସେହି ସମୟରେ ବର୍ଷା ହେବା ସହ ବଜ୍ରପାତ ହୋଇଥିଲା । ଫଳରେ ନରେଶ ଓ ଅର୍ଜଲାଲ ଏକ ଗଛ ତଳେ ଆଶ୍ରୟ ନେଇଥିଲେ । ସେଠାରେ ବଜ୍ରପାତ ହୋଇଥିଲା । ଘଟଣାସ୍ଥଳରେ ହିଁ ଉଭୟ ଟଳିପଡିଥିଲେ ।
ତେବେ ତ୍ରିପତିଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଛି ।
