ରାଉରକେଲା ୨୧।୧୦: ରାଉରକେଲାରୁ ୩ ଯୁବତୀଙ୍କ ସହ ୬ ନାବାଳିକା ଉଦ୍ଧାର । ବୁଧବାର ରାତି ପ୍ରାୟ ୮ଟା ୩୦ମିନିଟ୍ ରେ ରାଉରକେଲା ବସଷ୍ଟାଣ୍ଡରୁ ଉଦ୍ଧାର କରିଛି ପୋଲିସ । ରାଉରକେଲା ପ୍ଲାଣ୍ଟ ସାଇଟ୍ ଥାନା ପୋଲିସ ବସଷ୍ଟାଣ୍ଡରୁ ଏମାନଙ୍କୁ ଉଦ୍ଧାର କରିଛି । ଏମାନଙ୍କୁ ଅଧିକ ରୋଜଗାରର ପ୍ରଲୋଭନ ଦେଖାଇ ଆନ୍ଧ୍ର ପ୍ରଦେଶର ବିଜୟଓ୍ବାଡାର ଏକ ଚିଙ୍ଗୁଡି ଫ୍ୟାକ୍ଟ୍ରିକକୁ ନିଆଯାଉଥିଲା ।
ଉଦ୍ଧାର ୩ ଯୁବତୀଙ୍କ ସହ ୬ ନାବାଳିକା ବଣେଇ ଏବଂ କୋଇଡା ଅଞ୍ଚଳର ବୋଲି ଜଣାପଡିଛି । ଏମାନଙ୍କୁ ନେଉଥିବା ଦୁଇ ଦଲାଲଙ୍କୁ ପୋଲିସ ଅଟକ ରଖିଥିବା ବେଳେ ଉଦ୍ଧାର ଯୁବତୀଙ୍କ ସହ ନାବାଳିକାଙ୍କୁ ପୋଲିସ ହେପାଜତରେ ରଖାଯାଇଛି ।