ଖୋର୍ଦ୍ଧା ୧|୬: ବଧୂ ହତ୍ୟା ମାମଲାରେ ୩ଜଣଙ୍କୁ ଆଜୀବନ କାରାଦଣ୍ଡ ଶୁଣାଇଛନ୍ତି ଖୋର୍ଦ୍ଧା ଜିଲ୍ଲା ଅତିରିକ୍ତ ଦୌରାଜଜ୍ କୋର୍ଟ । ମୃତ ମହିଳାଙ୍କ ସ୍ବାମୀ, ଶାଶୁ ଓ ନଣନ୍ଦଙ୍କୁ ଆଜୀବନ କାରାଦଣ୍ଡ ସହ ୫ହଜାର ଟଙ୍କା ଲେଖାଏଁ ଜୋରିମାନା ଦଣ୍ଡାଦେଶ କୋର୍ଟ ଶୁଣାଇଛନ୍ତି ।
ସୂଚନା ଅନୁସାରେ ଗତ ୨୦୧୪ ମସିହା ମେ ମାସ ୭ ତାରିଖରେ ଖୋର୍ଦ୍ଧା ଜିଲ୍ଲା ଜଙ୍କିଆ ଥାନା ମାନପୁର ଗ୍ରାମର ବଧୂ ବିଳାସିନୀ ନିଶାଙ୍କୁ ହତ୍ୟା କରାଯାଇଥିବା ଅଭିଯୋଗ ହୋଇଥିଲା । ଅଭିଯୋଗର ଶୁଣାଣି କରି ଖୋର୍ଦ୍ଧା ଜିଲ୍ଲା ଅତିରିକ୍ତ ଦୌରାଜଜ୍ ରାୟ ପ୍ରକାଶ କରିଛନ୍ତି । ମୃତ ବିଳାସିନୀ ନିଶାଙ୍କ ସ୍ବାମୀ ବାଉରିବନ୍ଧୁ ନିଶାଙ୍କ, ଶାଶୁ କମଳା ରାଉତରାୟ, ନଣନ୍ଦ ପାର୍ବତୀ ରାଉତରାୟଙ୍କୁ ଆଜୀବନ କାରାଦଣ୍ଡ ଶୁଣାଇବା ସହ ୫ହଜାର ଟଙ୍କାର ଜୋରିମାନା ଦଣ୍ଡାଦେଶ ଦେଇଛନ୍ତି।
