ଝାରସୁଗୁଡା ୨୯|୫: ଟ୍ରକ୍ ଧକ୍କାରେ ଗୋଟିଏ ପରିବାରର ବାପା, ମା ଓ ପୁଅର ମୃତ୍ୟୁ ହୋଇଛି । ଝାରସୁଗୁଡା ଜିଲ୍ଲା ପିପିଲିମାଲଠାରେ ମର୍ମନ୍ତୁଦ ଦୁର୍ଘଟଣା ହୋଇଛି । ମୃତକ ହେଲେ ବିଶିକେଶନ କାଲୋ, ସ୍ତ୍ରୀ ତପସ୍ବିନୀ କାଲୋ ଓ ପୁଅ ସତ୍ୟ ନାରାୟଣ କାଲୋ ।
{"id":117190}ସୂଚନାଯୋଗ୍ୟ ଯେ, କୁଡ଼ାଲୋଇ ଗାଁର ବିଶିକେଶନ କାଲୋ ନିଜ ପୁଅ ବାହାଘର ପାଇଁ ଜିନିଷ ପତ୍ର କିଣି ଘରକୁ ଫେରୁଥିବା ସମୟରେ ଛତିଶଗଡ଼ର ରାୟଗଡ ଆଡୁ ଦ୍ରୁତଗତିରେ ଆସୁଥିବା ଏକ କୋଇଲା ବୋଝେଇ ଟ୍ରକ୍ ବିଶିକେଶକନଙ୍କ ବାଇକ୍ କୁ ଧକ୍କା ଦେଇଥିଲା । ଫଳରେ କୁଡ଼ାଲୋଇ ଗାଁର ବିଶିକେଶନ କାଲୋ, ପତ୍ନୀ ତପସ୍ବିନୀ କାଲୋ ଓ ପୁଅ ସତ୍ୟନାରାୟଣ କାଲୋଙ୍କର ଘଟଣାସ୍ଥଳରେ ମୃତ୍ୟୁ ହୋଇଛି ।
{"id":117191}ଦୁର୍ଘଟଣା ପରେ ସ୍ଥାନୀୟ ଲୋକେ କ୍ଷତିପୂରଣ ଦାବିରେ ୪୯ନଂ ଜାତୀୟ ରାଜପଥକୁ ଅବରୋଧ କରିଛନ୍ତି । ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେଇଛି । ଘଟଣାସ୍ଥଳରେ ବେଲପାହାଡ଼ ପୋଲିସ ଓ ଲଖନପୁର ପୋଲିସ ରହି ଲୋକମାନଙ୍କୁ ବୁଝାସୁଝା କରୁଛନ୍ତି।