Wednesday, June 26, 2019

News7

Prameya News7, News7 Odia, Odisha Latest News, Odisha Current Headlines, Odisha News Online

ପାଟକୁରା ବିଧାନସଭା ଆସନ ହାତେଇ ଜିଲ୍ଲାର ସବୁ ଆସନ ପୋଛି ନେବାକୁ ଚାହୁଁଛି ବିଜେଡି, ସମ୍ମାନ ରକ୍ଷା ପାଇଁ ଅଣ୍ଟା ଭିଡି଼ଛି ବିଜେପି

କେନ୍ଦ୍ରାପଡା (ମାତୃଦତ୍ତ ମହାନ୍ତି, ପ୍ଲାବନ ସ୍ବାଇଁ) ୧୧|୬: ଖୁବ୍ ଶୀଘ୍ର ଘୋଷଣା ହୋଇପାରେ ପାଟକୁରା ବିଧାନସଭା ନିର୍ବ।ଚନ ତାରିଖ ।୩ ପ୍ରମୁଖ ଦଳ ଏଥିପାଇଁ ଜୋରସୋର ପ୍ରସ୍ତୁତି ଆରମ୍ଭ କରିଦେଲେଣି । ପାଟକୁରା ହାତେଇ ବିଜେଡି ଜିଲ୍ଲାର ସବୁ ଆସନ ପୋଛି ନେବାକୁ ଚେଷ୍ଟା କରିଥିବା ବେଳେ, ବିଜେପି ସମ୍ମାନ ରକ୍ଷା କରିବା ପାଇଁ ଅଣ୍ଟାଭିଡି଼ଛି । ସବୁ ପାର୍ଟିର  ହେଭିୱେଟମାନେ ଏବେ ପାଟକୁରାରେ ଡେରା ପକାଇଛନ୍ତି ।

ଫୋକସରେ ପାଟକୁରା । ଯେ କୌଣସି ସମୟରେ ଘୋଷଣା ହୋଇପାରେ ନିର୍ବାଚନ ତାରିଖ । ଭାଗ୍ୟ ପରୀକ୍ଷାର ଦିନ ପାଖେଇ ଆସୁଥିବାରୁ ପ୍ରାର୍ଥୀଙ୍କ ମଧ୍ୟରେ ଯେତିକି ଉତ୍କଣ୍ଠା ସେତିକି ବ୍ୟସ୍ତତା । ବିଜେଡିରୁ ସାବିତ୍ରୀ ଅଗ୍ରୱାଲ ମଇଦାନରେ ଥିବା ବେଳେ ବିଜେପି ପ୍ରାର୍ଥୀ ହୋଇଛନ୍ତି ବିଜୟ ମହାପାତ୍ର । ଆଉ କଂଗ୍ରେସ କ୍ୟାଣ୍ଡିଡେଟ୍ ଭାବେ ଯୁଦ୍ଧକ୍ଷେତ୍ରକୁ ଓହ୍ଲାଇଛନ୍ତି ଜୟନ୍ତ ମହାପାତ୍ର । ବିଜେଡି ହେଭିୱେଟ୍ ଅରୁଣ ସାହୁ, ଅତନୁ ସବ୍ୟସାଚୀ ନାୟକ, ସୁବାସ ସିଂହ, ରଣେନ୍ଦ୍ର ପ୍ରତାପ ସ୍ବାଇଁ, ସଂଜୟ ଦାସବର୍ମ।,  ପ୍ରଫୁଲ ମଲ୍ଲିକ ଏବେ ଡେରା ପକେଇଛନ୍ତି କେନ୍ଦ୍ରାପଡ଼ାରେ ।

ସେହିପରି ବିଜେପିର ଆଜି କେନ୍ଦ୍ରାପଡାରେ ଏକ ଗୁରୁତ୍ବପୂର୍ଣ୍ଣ ବୈଠକ ଅନୁଷ୍ଠିତ ହୋଇଯାଇଛି । ବୈଠକରେ ବରିଷ୍ଠ ବିଜେପି ନେତା ମନମୋହନ ସାମଲ, ଭୃଗୁ ବକ୍ସିପାତ୍ର, ରମାରଂଜନ ବଳିଆର ସିଂହ,ଶାରଦା ଶତପଥୀ, ଗୌତମ ରାୟ, ବିଭୁ ପ୍ରସାଦ ତରାଇ, ପ୍ରଭାତି ପରିଡା ପ୍ରମୁଖ ଉପସ୍ଥତି ରହି ରଣନୀତି ପ୍ରସ୍ତୁତ କରିଛନ୍ତି ।  ଉଭୟ ଦଳର ନିଜ ପ୍ରାର୍ଥୀଙ୍କ ବିଜୟ ନେଇ ଆଶାବଦୀ ।

ସେପଟେ ବିଜେଡି-ବିଜେପି ଲଢ଼େଇ ମଧ୍ୟରେ କଂଗ୍ରେସ ବାଜିମାରିନେବ ବୋଲି ଆଶା ବାନ୍ଧିଛି ।   ପ୍ରଦେଶ କଂଗ୍ରେସ କମିଟିର ଏକ ଗୁରୁତ୍ବପୂର୍ଣ୍ଣ ବୈଠକ ସୋମବାର ଦିନ ରାଜଧାନୀରେ ଅନୁଷ୍ଠିତ ହୋଇଯାଇଛି  ୨୦୧୪ ସାଧାରଣ ନିର୍ବ।ଚନରେ ବିଜେଡି ପ୍ରାର୍ଥୀ ବେଦ ପ୍ରକାଶ ଅଗ୍ରୱାଲ ୮୯ ହଜାର ୮୫୩ ଖଣ୍ଡ ପାଇଥିଲେ ।  ସେ ନିକଟତମ ପ୍ରତିଦ୍ବନ୍ଦୀ କଂଗ୍ରେସ ପ୍ରାର୍ଥୀଙ୍କ ଜୟନ୍ତ ମହାନ୍ତିଙ୍କୁ ୪୭  ହଜାର ୭୧୫ ଖଣ୍ଡ ଭୋଟ ବ୍ୟବଧାନରେ ପରାଜିତ କରିଥିଲେ । କଂଗ୍ରେସ୍ ପ୍ରାର୍ଥୀ ଜୟନ୍ତ  ମହାନ୍ତି ୪୨ ହଜାର ୧୩୮ ଓ ବିଜେପି ପ୍ରାର୍ଥୀ ମାନସ ମହାନ୍ତି ୨୧ ହଜାର ୫୬୨ ଖଣ୍ଡ ଭୋଟ ପାଇଥିଲେ । ଗତ ପାଟକୁରା ବିଧାନସଭା ନିର୍ବ।ଚନରେ ବିଜେଡିର ଭୋଟ ପରିମାଣ ଶତକଡା ୫୬. ୪୨ ପ୍ରତିଶତ ରହିଥିବା ବଳେ କଂଗ୍ରେସ୍ କୁ ୨୬.୪୬ ପ୍ରତିଶତ ଓ ବିଜେପିକୁ ୧୩.୫୬  ପ୍ରତିଶତ ଭୋଟ ମିଳିଥିଲା ।  

ନିର୍ବାଚନ ଫଳ ଆସିବା ପରେ ହିଁ ଜଣାପଡ଼ିବ ପାଟକୁରା କାହା ଖାତାକୁ ଯାଉଛି ।

101 Views

   ସମ୍ବନ୍ଧିତ ଖବର