ମାଲକାନଗିରି ୬|୮: ମାଲକାନଗିରି ବୁଟିଗୁଡା ଗାଁରେ ଅଘଟଣ ଘଟିଛି । କାନ୍ଥ ଭୁଶୁଡ଼ି ଦୁଇ ଭାଇ ଓ ଭଉଣୀ ଗୁରୁତର ହୋଇଛନ୍ତି । ଆହତମାନଙ୍କୁ ଜିଲ୍ଲା ସଦର ଚିକିତ୍ସାଳୟରେ ଭର୍ତ୍ତି କରାଯାଇଛି । ଗୁରୁତର ଆହତମାନେ ହେଲେ ଅଟୋ ଚାଳକ ମନୋଜ ନାୟକଙ୍କ ୧୫ ବର୍ଷର ପୁଅ ଅନିରୁଦ୍ଧ, ୧୨ ବର୍ଷର ଝିଅ ଅନ୍ନପୂର୍ଣ୍ଣ ଓ ୯ ବର୍ଷର ପୁଅ କ୍ଷୀତିଶ ।
{"id":141481}ସୂଚନାଯୋଗ୍ୟ ଯେ, ଗତକାଲି ରାତିରେ ତିନି ପିଲା ମାଆଙ୍କ ସହ ଘରେ ଶୋଇଥିବା ବେଳେ ରାତି ୩ ଟାରେ ସେମାନଙ୍କ ଉପରେ କାନ୍ଥ ଭୁଶୁଡି ପଡିଥିଲା । ଚିତ୍କାର ଶୁଣି ସାହି ଲୋକେ ସେଠାରେ ପହଞ୍ଚି ଗୁରୁତରମାନଙ୍କୁ ଉଦ୍ଧାର କରି ଡାକ୍ତରଖାନା ପଠାଇଥିଲେ । ମାଲକାନଗିରି ଜିଲ୍ଲାରେ ବନ୍ୟା ପରେ ପରେ ମନୋଜଙ୍କ ଘର କାନ୍ଥ ଦୁର୍ବଳ ହୋଇପଡ଼ିଥିଲା । ଫଳରେ ତାହା ଭୁଶୁଡି ପଡିଥିବା କୁହାଯାଉଛି ।