Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବୌଦ୍ଧ : ହାଇଓ୍ୱାକୁ ପଛ ପଟୁ ପିଟିଲା ଯାତ୍ରୀବାହୀ ବସ୍, ଅଳ୍ପକେ ବର୍ତ୍ତିଲେ ୪୦ ଯାତ୍ରୀ
  • ||
  • ଫେବୃଆରୀ ପାଇଁ କୋଭିଡ୍ ଗାଇଡ୍ଲାଇନ୍: ଏବେ ସିନେମା ହଲ୍ରେ ବସି ପାରିବେ ୫୦%ରୁ ଅଧିକ ଦର୍ଶକ, ସଭିଙ୍କ ପାଇଁ ଖୋଲିଲା ସ୍ଵିମିଂ ପୁଲ୍
  • ||
  • ଜାମିନ ସତ୍ତ୍ଵେ ଜେଲ୍‌ରେ ରହିବେ ପାଠକ ବାପ-ପୁଅ
  • ||
  • ପାଠକ ବାପ-ପୁଅଙ୍କୁ ମିଳିଲା ଜାମିନ‌
  • ||
  • ବିସିସିଆଇର ଘୋଷଣା-ଫେବୃଆରୀ ୧୮ରେ ଚେନ୍ନାଇରେ ହେବ ଆଇପିଏଲ ୨୦୨୧ ପାଇଁ ଖେଳାଳିଙ୍କ ନିଲାମୀ
  • ||
  • ଭୁବନେଶ୍ବର : ‘ପରୀକ୍ଷା ଦର୍ପଣ’ ପୁସ୍ତକ ଉନ୍ମୋଚିତ, ମାଟ୍ରିକ୍ ପରୀକ୍ଷାର୍ଥୀ ହେବେ ଉପକୃତ
  • ||
  • ଜି.ଉଦୟଗିରି : ବାଇକ୍-ଅଟୋ ମୁହାଁମୁହିଁ ଧକ୍କା : ଜଣେ ମୃତ, ତିନି ଗୁରୁତର
  • ||

ଲକ୍ ଡାଉନ୍‌ରେ ଲଟେରୀ ଖୋଲିଦେଲା ୩ ଭାରତୀୟ ଡ୍ରାଇଭରଙ୍କ ଭାଗ୍ୟ : ଅଭାବ ଯୋଗୁଁ ବିକିବାକୁ ଯାଉଥିଲେ ଗାଡି, ଜିତିଲେ ୪୧ କୋଟି ଟଙ୍କା

5/04/2020 at 11:19 AM

ଦୁବାଇ ୫।୪: ଦୁବାଇରେ ୩ ଭାରତୀୟ ଡ୍ରାଇଭର ରାତାରାତି କୋଟିପତି ହୋଇଯାଇଛନ୍ତି। ଏହି ୩ ଜଣ କେରଳର ବାସିନ୍ଦା । ଶୁକ୍ରବାର ସେମାନେ ମେଗା ଜ୍ୟାକପଟ୍ ଲଟେରୀ ଜରିଆରେ ପ୍ରାୟ ୪୧ କୋଟି ଟଙ୍କା ଜିତିଛନ୍ତି । ଖଲିଜ ଟାଇମ୍ସ ରିପୋର୍ଟ ଅନୁଯାୟୀ, ଲଟେରୀଟି ଜିଜେଶ କୋରୋଥନଙ୍କ ନାମରେ ଥିଲା । ସେ ସାଙ୍ଗମାନଙ୍କ ସହ ଶାହଜହାନ କୁଟିକଟିଲ ଏବଂ ଶନୋଜ ବାଲକ୍ରିଷ୍ଣନଙ୍କ ସହ ମିଶି ଏହି ଟିକେଟ କିଣିଥିଲେ । ତେଣୁ ବର୍ତ୍ତମାନ ତିନି ଜଣ ପୁରସ୍କାର ଟଙ୍କା ନିଜ ମଧ୍ୟରେ ବାଣ୍ଟିବାକୁ ନିଷ୍ପତ୍ତି ନେଇଛନ୍ତି ।

ଜିଜେଶ କହିଛନ୍ତି, “ଆମେ ତିନି ଜଣ ଏକାଠି କିଛି ଦିନ ପୂର୍ବରୁ ଲିମୋଜିନ୍ (ବିଳାସପୂର୍ଣ୍ଣ କାର୍) ଚଳାଇବା କାମ ଆରମ୍ଭ କରିଥିଲୁ । ଲିମୋଜିନ୍ କିଣିବା ପାଇଁ ଋଣ ନେଇଥିଲୁ । କିନ୍ତୁ କରୋନା ଭାଇରସ୍ କାରଣରୁ ପର୍ଯ୍ୟଟନ କ୍ଷେତ୍ର ସମ୍ପୂର୍ଣ୍ଣ ଭୁଶୁଡି ପଡିଛି । ଆମର କାମ ମଧ୍ୟ ବନ୍ଦ ହୋଇଯାଇଛି । ତେଣୁ ଆମେ କେରଳକୁ ଫେରିବା ପାଇଁ ପ୍ରସ୍ତୁତ ଥିଲୁ । କାରର EMI ଦେବାକୁ ଟଙ୍କା ନଥିଲା । ତେଣୁ ବିକ୍ରୟ କରି ଋଣ ପରିଶୋଧ କରିବାକୁ ନିଷ୍ପତ୍ତି ନେଇଥିଲୁ । କିନ୍ତୁ ଗ୍ରାହକଙ୍କ ସହିତ ସାକ୍ଷାତ ପୂର୍ବରୁ ହଠାତ୍ ଆମର ଭାଗ୍ୟ ବଦଳିଗଲା । ବର୍ତ୍ତମାନ ଆମେ ସହଜରେ EMI ପୂରଣ କରି ପୁନର୍ବାର କାମ କରିବା ଆରମ୍ଭ କରିବୁ।”

ଜିଜେଶ କହିଛନ୍ତି ଯେ, ସେ ଏହି ଟଙ୍କା ତାଙ୍କ ଝିଅର ପାଠପଢାରେ ଖର୍ଚ୍ଚ କରିବେ । ଏହା ବ୍ୟତୀତ, ଅବଶିଷ୍ଟ ଟଙ୍କା ସେମାନଙ୍କର ଲିମୋଜିନ୍ ସର୍ଭିସ୍ ବ୍ୟବସାୟ ବଢାଇବା ପାଇଁ ବିନିଯୋଗ କରିବେ । ଏହି ଲଟେରୀ ଆମ ପାଇଁ ଏକ ଲାଇଫ୍ ଲାଇନ୍ ପରି । କିଛି ଦିନ ପୂର୍ବରୁ ତିନି ଜଣ ଏକାଠି କାମ ଆରମ୍ଭ କରିଥିଲୁ । ଏହାପୂର୍ବରୁ ସେ ଅନ୍ୟମାନଙ୍କ ଗାଡି ଚଳାଉଥିଲେ ।

ଏହି ଲଟେରୀ ଯୋଗୁଁ ୨୦୧୯ରେ ଭାରତୀୟ ବ୍ୟବସାୟୀ ପ୍ରବୀନ ଥୋମାସଙ୍କ ଭାଗ୍ୟ ମଧ୍ୟ ବଦଳି ଯାଇଥିଲା । ଥୋମାସ୍ ଦୁବାଇରେ ୬ କୋଟି ଟଙ୍କା ଲଟେରୀ ଜିତିଥିଲେ । ପ୍ରବୀଣ ମଧ୍ୟ କେରଳର । ଏହା ବ୍ୟତୀତ କେରଳର ଜନ୍ ବର୍ଗିଜ ମଧ୍ୟ ଲଟେରୀରେ ୨୧ କୋଟି ଟଙ୍କା ଜିତିଥିଲେ । ସେ ଦୁବାଇର ଏକ ଘରୋଇ କମ୍ପାନୀରେ ଡ୍ରାଇଭର ଭାବରେ କାମ କରୁଥିଲେ ।

   Related Posts