Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଢ଼େଙ୍କାନାଳ: ବନ ବିଭାଗର ଅତର୍କିତ ଚଢ଼ାଉ, ବିଭିନ୍ନ ବନ୍ୟଜନ୍ତୁଙ୍କ ଜାଲ ଜବତ, ୪ ଶିକାରୀ ଗିରଫ
  • ||
  • ବଲାଙ୍ଗୀର : ଟାଇଲ କାମ ବେଳେ ଅଘଟଣ, ଚାପି ହୋଇ ଜଣେ ଶ୍ରମିକ ମୃତ, ୨ ଗୁରୁତର
  • ||
  • ଢେଙ୍କାନାଳ : ଟ୍ରକ୍ ପଛରେ ଧକ୍କା ହେଲା ବାଇକ୍, ବାପା ମୃତ, ଝିଅ ଗୁରୁତର
  • ||
  • ଅନୁଗୋଳ : ଗଛ ତଳୁ ନବଜାତ ଶିଶୁ ପୁତ୍ର ଉଦ୍ଧାର
  • ||
  • ଭୁବନେଶ୍ବର : ବିଜେଡିରେ ମିଶିଲେ କରଞ୍ଜିଆ ଏନଏସିର ଶତାଧିକ ବିଜେପି ଓ କଂଗ୍ରେସ କର୍ମୀ
  • ||
  • ସମ୍ବଲପୁର : ସଞ୍ଜୀବ ମିତ୍ତଲ ସମ୍ବଲପୁର ବିଶ୍ୱବିଦ୍ୟାଳୟର ନୂତନ କୁଳପତି
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୫୭ କୋଭିଡ୍ ସଂକ୍ରମିତ, ୩୩୩୭୨୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ପରଲୋକରେ ବରିଷ୍ଠ ଅଭିନେତା ରବି ମିଶ୍ର
  • ||
  • ସାଲେପୁର : ସାଲେପୁରରେ ନାବାଳିକାଙ୍କୁ ଦୁଷ୍କର୍ମ ଅଭିଯୋଗ
  • ||
  • ଝାରସୁଗୁଡା : ପ୍ରେମୀଯୁଗଳଙ୍କ ଆତ୍ମହତ୍ୟା ଘଟଣା , ଚିକିତ୍ସାଧିନ ଅବସ୍ଥାରେ ପ୍ରେମିକାଙ୍କ ମୃତ୍ୟୁ, ପୂର୍ବରୁ ଜୀବନ ହାରିଥିଲେ ପ୍ରେମିକ
  • ||

ଦେଖନ୍ତୁ ଅମାନବିକତାର ଏହି ତିନୋଟି ଘୃଣ୍ୟ ଦୃଶ୍ୟ : ଥରାଇଦେବ ଆପଣଙ୍କ ଛାତି…

4/08/2019 at 5:43 PM

ଭୁବନେଶ୍ବର ୪|୮: ଗୋଟିଏ ପଟେ ଆଜି ଫ୍ରେଣ୍ଡସିପ୍ ଡେ ସେଲିବ୍ରେଟ୍ କରି ସମ୍ପର୍କରେ ମହକ ଭରିବା ପାଇଁ ଚାଲିଛି ପ୍ରୟାସ । ଅନ୍ୟପଟେ ନିର୍ଦ୍ଦୟତାର ଲକ୍ଷ୍ମଣରେଖା ଟପିଥିବା ଦୁଇଟି ଚିତ୍ର । କ୍ରୋଧଚଣ୍ଡାଳର ମାୟାରେ ପଡ଼ି ମଣିଷ କେମିତି ସମ୍ପର୍କକୁ କବର ଦିଏ ତାର ଜୀବନ୍ତ ନମୁନା । ଗୋଟିଏ ଅନୁଗୋଳରେ ଓ ଅନ୍ୟଟି ବାଲେଶ୍ବର ଭୋଗରାଇରେ । ଅନୁଗୋଳରେ ଭିଲେନ ଜେଜେମା ତ, ଭୋଗରାଇରେ ବାପା ସାଜିଛି ଖଳନାୟକ ।

ଲାଳୟେତ ପଞ୍ଚ ବର୍ଷାଣି, ଦଶ ବର୍ଷାଣି ତାଡ଼ୟେତ । ପ୍ରାପ୍ତେଷୁ ଷୋଡଶ ବର୍ଷଂ ପୁତ୍ର ମିତ୍ର ବଦାଚରେତ୍ । ପିଲାଙ୍କୁ ଲାଳନ ପାଳନ କରିବା ପାଇଁ ଆଚାର୍ଯ୍ୟ ଚାଣକ୍ୟଙ୍କ ଏହି କାଳଜୟୀ ସୂତ୍ର ଲାଗୁଛି ଏବେ ଯେମିତି ପ୍ରାସଙ୍ଗିକତା ହରାଇ ଜରାଜୀର୍ଣ୍ଣ । ଯେଉଁ ବୟସରେ ପିଲାଙ୍କୁ ଲାଳନପାଳନ କରିବା କଥା, ଛାତିରେ ଲଗାଇ ରଖିବା କଥା, ନାନାବାୟା ଗୀତ ଗାଇ ଶୋଇବା କଥା, ସେହି ବୟସରେ ହିଁ ସେମାନଙ୍କ ଉପରେ ହେଉଛି ଅକଥନୀୟ ନିର୍ଯାତନା ।

ଯାହାର ଜ୍ବଳନ୍ତ ଉଦାହରଣ ଦେଖିବାକୁ ମିଳିଛି ଅନୁଗୋଳ ଜିଲ୍ଲା ବନ୍ତଳା ଥାନା ଗଡତରାସ ଗାଁରେ । ଦେଖନ୍ତୁ ଏଇ ଦୃଶ୍ୟ । କାନ ଫାଟି ଯାଇଛି। କହୁଣୀ ମଧ୍ୟ ଫାଟି ଯାଇଛି। ଦେହ ସାରା ମାଡ଼ର ଦାଗ । ଦୁଷ୍ଟାମୀ କରୁଥିବାରୁ ୩ ବର୍ଷର ନାତୁଣୀ ବିଦୁସ୍ମିତା ରାଉତକୁ ଏମିତି ସଜା ଦେଇଛି ଜେଜମା କୁମୁଦିନୀ ରାଉତ । ବର୍ଷେ ତଳୁ ବିଦୁସ୍ମିତାଙ୍କ ମାଆ ମରିଯାଇଥିବା ବେଳେ, ବାପା ଅସିତ ରାଉତ ଶ୍ରମିକ ଭାବେ କମ୍ପାନୀରେ କାମ କରନ୍ତି । ତେବେ ଝିଅଟି ଜେଜେମା ପାଖରେ ରହୁଥିବା ବେଳେ ଜେଜେମା ନିର୍ଦ୍ଦୟତାର ସବୁ ସୀମା ଟପି ଯାଇଛି । ଖବର ପାଇ ବନ୍ତଳା ପୋଲିସ ନାତୁଣୀକୁ ଉଦ୍ଧାର କରିଛି, ଜେଜେମାଙ୍କୁ ଅଟକ ରଖିଛି ।

ସେପଟେ ଭୋଗରାଇରେ ନିଶାସକ୍ତ ହୋଇ ଖୋଦ୍ ଜନ୍ମକଲା ବାପା କେମିତି ବଇରୀ ସାଜିଛି ସେନେଇ ଅଭିଯୋଗ ।  ଭୋଗରାଇ ଜୟରାମପୁର ଗାଁରେ ଟଙ୍କା ଚୋରୀ ସନ୍ଦେହ କରି ଦୁଇ ପୁଅଙ୍କୁ ନିର୍ଦ୍ଧୁମ ମାଡ଼ ମାରିଛନ୍ତି  ବାପା ବିଶ୍ବନାଥ ଦଳେଇ । ଗ୍ରାମବାସୀଙ୍କ ଦ୍ବାରା ପିଲା ଦୁଇଟି ଉଦ୍ଧାର ହୋଇଥିବା ବେଳେ ନିଶାସକ୍ତ ବାପାଙ୍କୁ ଅଟକ ରଖିଛି ପୋଲିସ ।

ଗତକାଲି ମଧ୍ୟ ବାଲେଶ୍ବର ବସ୍ତା ଗଙ୍ଗାଧରପୁର ଗାଁରେ କୋମଳମତି ନାତିକୁ ଜେଜେମା ଗୋଇଠା ପରେ ଗୋଇଠା ଲଦିଯାଉଥିବାର ଦୃଶ୍ୟ ସମସ୍ତଙ୍କ ମନକୁ ଆଘାତ ଦେଇଥିଲା । ସେଠାରେ ମଧ୍ୟ ବାପାମାଙ୍କଠାରୁ ବହୁ ଦୂରରେ ରହୁଥିବା ଏହି କୁନି ପିଲାଟିକୁ ଅକଥନୀୟ ଅତ୍ୟାଚାର ଦେଉଥିଲା ଜେଜେମା। ନ୍ୟୁଜ୍ ସେଭେନରେ ଖବର ପ୍ରସାରଣ ପରେ ଜେଜେମାକୁ ପୋଲିସ ଅଟକ ରଖିଥିଲା। ଆଉ ଏହି ଘଟଣାକୁ ୨୪ ଘଣ୍ଟା ନ ପୁରୁଣୁ ପୁଣି ସାମ୍ନାକୁ ଆସିଛି ଆଉ ଦୁଇଟି ଚିତ୍ର। 

   Related Posts