Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମା’ ମାଣିକେଶ୍ଵରୀଙ୍କ ପ୍ରସିଦ୍ଧ ଛତର ଯାତ୍ରା ପାଇଁ ୧୪୪ ଧାରା ଜାରି
  • ||
  • ପ୍ରକାଶ ପାଇଲା ମାଟ୍ରିକ୍ ସପ୍ଲିମେଣ୍ଟାରୀ ପରୀକ୍ଷା ଫଳ
  • ||
  • ରାୟଗଡାରେ ବୋଲେରୋ-ବାଇକ୍ ମୁହାଁମୁହିଁ ଧକ୍କା, ୨ ଗୁରୁତର
  • ||
  • ବିନା ଅନୁମତିରେ ଦାଢ଼ି ରଖି ନିଲମ୍ବିତ ହେଲେ ପୋଲିସ ବାବୁ
  • ||
  • ପାଲଘର ମାମଲାରେ ଆଉ ୨୪ ଅଭିଯୁକ୍ତ ଗିରଫ
  • ||
  • ରାଜ୍ୟରେ ଆଉ ୧୫ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ବିହାର ନିର୍ବାଚନ ପାଇଁ ବିଜେପି ଜାରି କଲା ସଂକଳ୍ପ ପତ୍ର
  • ||
  • ରାଜ୍ୟରେ ୧୯୧୩ କରୋନା ସଂକ୍ରମିତ ଚିହ୍ନଟ
  • ||
  • ଭୀଷଣ ଅବପାତର ରୂପ ନେବ ଲଘୁଚାପ ! ଆଜି ଓ ଆସନ୍ତାକାଲି ପ୍ରବଳ ବର୍ଷା
  • ||
  • ଟ୍ରେଲର ପଛରେ ପିଟିହେଲା ସିମେଣ୍ଟ ବୋଝେଇ ଟ୍ରକ୍, ଡ୍ରାଇଭର ମୃତ
  • ||

ନାବାଳିକାଙ୍କୁ ଅପହରଣ କରି ବିକ୍ରି ଉଦ୍ୟମ : ବିରୋଧ କରିବାରୁ ଭାଇକୁ ମରଣାନ୍ତ୍ରକ ଆକ୍ରମଣ, ମାରଣାସ୍ତ୍ର ଜବତ ସହ ୩ ଗିରଫ

7/09/2020 at 11:46 AM

ଗଞ୍ଜାମ ୦୭।୦୯: ନାବାଳିକାଙ୍କୁ ଅପହରଣ କରି ବିକ୍ରି ଉଦ୍ୟମ । ପ୍ରଥମେ ୩୦ ହଜାର ଟଙ୍କାରେ ବିକ୍ରି କରିଦେବା ପାଇଁ ଭାଇକୁ ପ୍ରବର୍ତ୍ତାଇବା ସହ ଧମକ ଦେଇଥିଲେ । ହେଲେ ସେମାନେ ନମାନିବାରୁ ଗାଁକୁ ଆସି ବଳପୂର୍ବକ ନାବାଳିକାଙ୍କୁ ଅପହରଣ କରିବାକୁ ଉଦ୍ୟମ କରିଥିଲେ । ବିରୋଧ କରିବାକୁ ଭାଇଙ୍କୁ ହତ୍ୟା ଉଦ୍ୟମ ମଧ୍ୟ କରିଥିଲେ ।

ଆସିକା ଥାନା ଚଷାପିତଳ ଗ୍ରାମରୁ ରବିବାର ଏଭଳି ଅଭିଯୋଗ ଆସିଥିବା ବେଳେ ପୁଲିସ ଏହି ମାମଲାରେ ୩ ଜଣଙ୍କୁ ଗିରଫ କରିଛି । ସେମାନେ ଚଷାପିତଳ ଗ୍ରାମର ଚିତ୍ରସେନ ତରାଇ (୪୦), ପଞ୍ଚାନନ ଗୌଡ (୫୮) ଏବଂ ହିଞ୍ଜିଳିକାଟୁ ଥାନା ରାମଚନ୍ଦ୍ରପୁର ଗ୍ରାମର ଲମ୍ବୋଦର ସ୍ୱାଇଁ (୩୬) ବୋଲି ଆସିକା ଥାନା ଆଇଆଇସି ପ୍ରଶାନ୍ତ କୁମାର ସାହୁ କହିଛନ୍ତି । ପୁଲିସ ସେମାନଙ୍କ ଠାରୁ ୨ଟି ଖଣ୍ଡା ସହ ଏକ ବାଇକ୍‌ (ଓଡି୧୯ଡି-୫୫୩୪) ଜବତ କରିଛି । ଆସିକା ଥାନାରେ ଏ ନେଇ କେସ୍‌ ନମ୍ବର ୪୪୬/୨୦୨୦ ରୁଜୁ ହୋଇଛି ।

ଆଇଆଇସିଙ୍କ ସୂଚନା ମୁତାବକ ଆସିକା ଥାନା ଚଷାପିତଳ ଗ୍ରାମର ସ୍ୱରାଜ୍ୟ ଗୌଡ (୨୩) ଥାନାରେ ଆସି ଲିଖିତ ଅଭିଯୋଗ କରିଥିଲେ ଯେ- ଉପରୋକ୍ତ ତିନି ଅଭିଯୁକ୍ତଙ୍କ ସମେତ ତାଙ୍କର ଜଣେ ୧୨ ବର୍ଷୀୟା ନାବାଳିକା ଭଉଣୀଙ୍କୁ ବିକ୍ରି କରିଦେବାକୁ ପ୍ରବର୍ତ୍ତାଉଥିଲେ । ତାଙ୍କ ମାଆଙ୍କ ବିୟୋଗ ହୋଇ ସାରିଥିବା ବେଳେ ୨ ଭଉଣୀଙ୍କ ବିବାହ ସରିଛି । ସେ ବାପା ଓ ଅନ୍ୟ ୩ ଭଉଣୀଙ୍କ ସହ ରହୁଛନ୍ତି । ତେବେ ତାଙ୍କ ନାବାଳିକା ଭଉଣୀ ପାଠପଢା ଛାଡି ଘରେ ରହୁଛନ୍ତି । ଚିତ୍ରସେନ, ପଞ୍ଚୁ, ସାଧୁ ଓ ସେମାନଙ୍କ ୫ ସହଯୋଗୀ ଭଉଣୀକୁ ୩୦ ହଜାର ଟଙ୍କାରେ ସେମାନଙ୍କୁ ବିକ୍ରି କରିଦେବାକୁ ବାରମ୍ବାର ପ୍ରବର୍ତ୍ତାଉଥିଲେ । ମନା କରିବା ପରେ ଭାଇକୁ ଧମକଚମକ ମଧ୍ୟ ଦେଉଥିଲେ ।

ଏପରିକି ତାଙ୍କ ଭଉଣୀଙ୍କୁ ଅସଦାଚରଣ ମଧ୍ୟ କରି ଆସୁଥିଲେ ଅଭିଯୁକ୍ତ । ଶନିବାର ଅଭିଯୁକ୍ତମାନେ ବାଇକ୍‌ରେ ଖଣ୍ଡା ଓ କାତି ଧରି ଗାଁକୁ ଆସି ସ୍ୱରାଜ୍ୟଙ୍କ ଭଉଣୀକୁ ବଳପୂର୍ବକ ଅପହରଣ ଉଦ୍ୟମ କରିଥିଲେ । ବିରୋଧ କରିବାକୁ ଭାଇକୁ ମରଣାନ୍ତକ ଆକ୍ରମଣ ମଧ୍ୟ କରିଥିଲେ । ତେବେ ଗାଁ ଲୋକ ଏକାଠି ହୋଇଯିବାରୁ ସେମାନେ ବୋମା ଫିଙ୍ଗି ଗାଁ ଲୋକଙ୍କୁ ଭୟଭୀତ କରି ଘଟଣାସ୍ଥଳକୁ ଚମ୍ପଟ ମାରିଥିଲେ । ଏ ନେଇ ଥାନାରେ ଅଭିଯୋଗ କରିବା ପରେ ପୁଲିସ ଅଭିଯୁକ୍ତମାନଙ୍କୁ ଗିରଫ କରିଛି।

   Related Posts