ଜବଲପୁର ୨୧।୦୧: ମଧ୍ୟପ୍ରଦେଶର ଜବଲପୁରରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ରାସ୍ତା କଡରେ ଛିଡ଼ା ହୋଇଥିବା ଟ୍ରକକୁ ଧକ୍କା ଦେଲା ବସ୍ । ଦୁର୍ଘଟଣାରେ ବସ୍ରେ ଥିବା ୩ଜଣଙ୍କ ମୃତ୍ୟୁ ହୋଇଥିବା ବେଳେ ୮ରୁ ଅଧିକ ଲୋକ ଆହତ ହୋଇଛନ୍ତି । ସମସ୍ତ ଆହତଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ଘଟଣାସ୍ଥଳରେ ପୋଲିସ ପହଞ୍ଚି ଛାନ୍ଭିନ ଜାରି ରଖିଛି ।
ସୂଚନାଯୋଗ୍ୟ , ଜବଲପୁରରୁ ବସ୍ଟି ସିବାନୀ ଗସ୍ତ କରୁଥିଲା । ବରଗୀ ଥାନା ଅନ୍ତର୍ଗତ ମଗେଳା ଗାଁ ନିକଟ ଦେଇ ଯାଇଥିବା ଜାତୀୟ ରାଜପଥର ରାସ୍ତା କଡରେ ଛିଡା ହୋଇଥିବା ଟ୍ରକକୁ ଯାତ୍ରୀବାହୀ ଧକ୍କା ଦେଇଥିଲା । ତେବେ କୁହୁଡି ଯୋଗୁଁ ରାସ୍ତାକଡରେ ଟ୍ରକ ଛିଡା ହୋଇଥିବାର ଦୃଶ୍ୟମାନ ହୋଇନଥିଲା ବୋଲି ସୂଚନା ରହିଛି । ନିକଟସ୍ଥ ସ୍ଥାନୀୟଲୋକ ପହଞ୍ଚି ଦୁର୍ଘଟଣାଗ୍ରସ୍ତ ଗାଡିରୁ ଯାତ୍ରୀଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଛନ୍ତି ।
