Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଗୁରୁବାର ସୁସ୍ଥହେଲେ ରେକର୍ଡ ୮୪୭୧ଜଣ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୨୪୯ ଡିସଚାର୍ଜ
  • ||
  • ଚାଲିଗଲେ ଆଉ ଜଣେ କଳାକାର, ଅଭିନେତା ପ୍ରିୟ ସୁନ୍ଦର ମିଶ୍ରଙ୍କ ପରଲୋକ
  • ||
  • କୁକୁଡାକୁ ଖାଇଗଲେ ବୁଲା କୁକୁର, ରାଗି ଯାଇ ଗୁଳି କରିଦେଲା ମାଲିକ : ଥାନାରେ ମାମଲା
  • ||
  • ଗୋଆରେ ଏନସିପି-ଶିବସେନାର ହାତ ଛାଡିଦେଲା କଂଗ୍ରେସ, କହିଲା-‘ଆମର ଏକାକି ଜିତିବା କ୍ଷମତା ଅଛି’
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୧୭ ହଜାରରୁ ଅଧିକ କରୋନା ପଜିଟିଭ୍, ୪୯୧ ମୃତ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୦୧କୁ ବୃଦ୍ଧି
  • ||
  • ରାଜ୍ୟରେ ପୁଣି ୧୦ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୦୩୬୮ କୋଭିଡ୍ ପଜିଟିଭ୍, ୧୧୭୭୪୬୨ରେ ପହଞ୍ଚିଲା ସଂଖ୍ୟା
  • ||
  • କ୍ୟାପ୍ଟେନ୍ ନୁହେଁ କିନ୍ତୁ ଜୋଶ୍ ଏବେବି ଅଛି : ଦକ୍ଷିଣ ଆଫ୍ରିକା ଅଧିନାୟକଙ୍କ ସହ ମୁହାଁମୁହିଁ ହେଲେ କୋହଲି
  • ||
  • ପ୍ରଚାର ବେଳେ ବିଜେପି ପ୍ରାର୍ଥୀ ହଟହଟା, ତଡିଦେଲେ ଗାଁ ଲୋକେ
  • ||
  • ଚୌଦ୍ୱାର ସୁନା ବ୍ୟବସାୟୀଙ୍କୁ ଗୁଳିମାଡ ଓ ଲୁଟ୍ ଘଟଣା : ଉଚ୍ଚସ୍ତରୀୟ ତଦନ୍ତ ନିର୍ଦ୍ଦେଶ ଦେଲେ ଡିସିପି
  • ||

କଳାହାଣ୍ଡିରେ ତ୍ରିମୁଖୀ ଲଢେଇ : ବିଜେଡିରୁ ପୁଷ୍ପେନ୍ଦ୍ର, ବିଜେପିରୁ ବସନ୍ତ ଓ କଂଗ୍ରେସରୁ ଭକ୍ତ ପ୍ରାର୍ଥୀ

23/03/2019 at 11:52 AM

କଳାହାଣ୍ଡି ୨୩।୩: କଳାହାଣ୍ଡିରେ ହେବ ତ୍ରିମୁଖୀ ଲଢେଇ । କଳାହାଣ୍ଡି ଲୋକସଭା ଆସନରେ ବିଜେଡିରୁ ପୁଷ୍ପେନ୍ଦ୍ର ସିଂଦେଓ, ବିଜେପିରୁ ବସନ୍ତ ପଣ୍ଡା ଏବଂ କଂଗ୍ରେସରୁ ଭକ୍ତ ଚରଣ ଦାସଙ୍କ ମଧ୍ୟରେ ହେବ ଲଢେଇ । ଏଥର କଳାହାଣ୍ଡି ଆସନରେ ଜୋରଦାର ଟକ୍କର ହେବ ।

କଳାହାଣ୍ଡି ଆସନ ପାଇଁ ବିଜେଡିରୁ ପୁଷ୍ପେନ୍ଦ୍ର ସିଂଦେଓଙ୍କୁ ମିଳିଛି ଟିକେଟ୍ । ବିଜେଡିର ବର୍ତ୍ତମାନର ସାଂସଦ ଅର୍କ କେଶରୀ ଦେଓଙ୍କୁ ବାଦ୍ ଦେଇ ପୁଷ୍ପେନ୍ଦ୍ର ସିଂଦେଓଙ୍କୁ ଟିକେଟ୍ ବିଜେଡି ସୁପ୍ରିମୋ ନବୀନ ପଟ୍ଟନାୟକ । ଫଳରେ ଅର୍କ କେଶରୀ ଦଳରୁ ଇସ୍ତଫା ଦେଇଛନ୍ତି । ପୁଷ୍ପେନ୍ଦ୍ର ବିଜେଡିର ଜିଲ୍ଳା ସଭାପତି ଥିବା ସହ ଜଣେ ଭଲ ସଂଗଠକ ଭାବେ ବେଶ୍ ଜଣାଶୁଣା । ଦେଖାଯାଉ ଚଳିତ ନିର୍ବାଚନରେ କଳାହାଣ୍ଡିବାସୀ ପୁଷ୍ପେନ୍ଦ୍ରଙ୍କୁ କେତେ ଗ୍ରହଣ କରିପାରୁଛନ୍ତି ।

ସେହିପରି ବିଜେପିରୁ ପ୍ରାର୍ଥୀ ହୋଇଛନ୍ତି ଖୋଦ୍ ବିଜେପି ରାଜ୍ୟ ସଭାପତି ବସନ୍ତ ପଣ୍ଡା । କଳାହାଣ୍ଡି ଆସନ ପାଇଁ ଅନେକ ଦ୍ବନ୍ଦ୍ବ ଭିତରେ ଶେଷର ବସନ୍ତ ପଣ୍ଡାଙ୍କୁ ପ୍ରାର୍ଥୀ କରିଛି ଦଳ । କଳାହାଣ୍ଡି ଲୋକସଭା ଆସନ ପାଇଁ ଚଳିତଥର ବିଜେପିରୁ ପ୍ରଦୀପ କୁମାର ନାୟକ, ରାଜ୍ୟ ବିଜେପି ସଭାପତି ବସନ୍ତ ପଣ୍ଡା ଏବଂ ରାଜ ପରିବାର ମହାରାଣୀ ପଦ୍ମଜା ଦେଓ ଟିକେଟ୍ ଦୌଡରେ ଥିଲେ । ଚଳିତଥର ସାଧାରଣ ନିର୍ବାଚନରେ ବିଜେପି ଭଲ ପ୍ରଦର୍ଶନ କରିବ ବୋଲି ଆକଳନ କରୁଛି ଦଳ ।

ସେହିପରି କଂଗ୍ରେସର ବରିଷ୍ଠ ନେତା ଭକ୍ତଚରଣ ଦାସଙ୍କୁ କଳାହାଣ୍ଡିରୁ ପ୍ରାର୍ଥୀ କରିଛି କଂଗ୍ରେସ। ୨୦୦୯ରେ କଳାହାଣ୍ଡି ଲୋକସଭା ଆସନରୁ ନିର୍ବାଚନ ଲଢି ଆସନ ହାତେଇଥିଲେ ଭକ୍ତଚରଣ ଦାସ । ଭକ୍ତ ଚରଣ ଦାସଙ୍କ ଉପରେ ଭରସା କରି କଂଗ୍ରେସ ପୁଣି ଥରେ ତାଙ୍କୁ ଟିକେଟ ଦେଇଛି ।

ତେବେ ଆଗାମୀ ସମୟରେ ଦେଖାଯିବ କାହା ହାତକୁ ଯାଉଛି କଳାହାଣ୍ଡି ଲୋକସଭା ଆସନ । କେଉଁ ଉପଯୁକ୍ତ ପ୍ରାର୍ଥୀକୁ ବାଛୁଛନ୍ତି କଳାହାଣ୍ଡିବାସୀ ।

   Related Posts