ଭୁବନେଶ୍ବର ୧୧।୭: ପୋଲିସ ଚାକିରୀ କରାଇଦେବାକୁ କହି ଠକିଥିବା ଠକକୁ ଅପହରଣ । ଅପହରଣକାରୀଙ୍କ କବଳରୁ ଉଦ୍ଧାର କରି ଠକ ସଦାନନ୍ଦ ବେହେରାକୁ ବାନ୍ଧିଲା ଚନ୍ଦକା ଥାନା ପୋଲିସ । ଏଭଳି ଘଟଣାର ପର୍ଦ୍ଦାଫାଶ କରିଛି ଚନ୍ଦକା ଥାନା ପୋଲିସ ।
ସଦାନନ୍ଦ ବେହେରାଙ୍କ ସ୍ତ୍ରୀଙ୍କ ଅନୁସାରେ, ସ୍ବାମୀଙ୍କ ଅପହରଣ ନେଇ ଅଭିଯୋଗ ପରେ ପୋଲିସ ତଦନ୍ତ ଆରମ୍ଭ କରିଥିଲା । ତଦନ୍ତ ବେଳେ ପୋଲିସ ଜାଣିବାକୁ ପାଇଥିଲା ଯେ, ଦୁଇ ଅପହରଣକାରୀଙ୍କୁ ପୋଲିସ ଚାକିରୀ କରାଇଦେବାକୁ କହି ତିନି ଲକ୍ଷ ଟଙ୍କା ଠକି ନେଇଥିଲେ ଅଭିଯୁକ୍ତ । ତେବେ ସଂପୃକ୍ତ ବ୍ୟକ୍ତିଙ୍କୁ ଖୋର୍ଦ୍ଧାରୁ ଅପହରଣକାରୀଙ୍କ କବଳରୁ ଉଦ୍ଧାର କରିଛି ପୋଲିସ । ଅପହରଣ କରିଥିବା ଦୁଇ ଜଣ ଓ ଅପହରଣ ହୋଇଥିବା ସଦାନନ୍ଦ ବେହେରାଙ୍କୁ ପୋଲିସ ଗିରଫ କରିଛି ।
ଗତ ତିନି ଦିନ ପୂର୍ବରୁ ସଦାନନ୍ଦ ବେହେରାଙ୍କୁ ଦୁଇ ଜଣ ଅପହରଣକାରୀ ଚନ୍ଦକା ଅଞ୍ଚଳରୁ କାରରେ ଉଠାଇ ନେଇଥିବା ନେଇ ତାଙ୍କ ସ୍ତ୍ରୀ ଚନ୍ଦକା ଥାନାରେ ଅଭିଯୋଗ କରିଥିଲେ । ଏହାପରେ ପୋଲିସ ତଦନ୍ତ ଆରମ୍ଭ କରିଥିଲା । ୨ ଅପହରଣକାରୀ ପ୍ରମୋଦ ମହାନ୍ତି ଓ ସନ୍ତୋଷ ପଟ୍ଟନାୟକ ସମେତ ଠକ ସଦାନନ୍ଦ ବେହେରାକୁ ଗିରଫ କରିଛି ପୋଲିସ ।
