ବ୍ରହ୍ମପୁର ୧୭|୫: ବ୍ରହ୍ମପୁର କାଞ୍ଜିବାରି ଛକରେ ଯୁବକଙ୍କୁ ମରଣାନ୍ତକ ଆକ୍ରମଣ ଘଟଣାରେ ୩ ଜଣଙ୍କୁ ଗିରଫ କରିଛି ବଡବଜାର ପୋଲିସ । ଘଟଣାସ୍ଥଳରୁ ଦୁଇଟି ଖଣ୍ଡା, ଗୋଟିଏ ବାଇକ୍ ଜବତ କରାଯାଇଛି । ଗିରଫ ୩ ଜଣଙ୍କ ମଧ୍ୟରୁ ଜଣେ ନାବାଳକ ଥିବା ଜଣାପଡିଛି ।
ଅନ୍ୟ ଦୁଇ ଜଣ ଗିରଫ ହେଲେ ବାୟା ହାତୀ ଓରଫ୍ ଜଗା ଏବଂ ଅମୂଲ୍ୟ ଘଡେଇ । ଗିରଫ ସମସ୍ତେ ପୁରୁଣା ବ୍ରହ୍ମପୁର ସୀତା ଢିମିରା ସାହିର ବୋଲି ବଡବଜାର ପୋଲିସ୍ ସୂଚନା ଦେଇଛନ୍ତି ।
ଗତକାଲି ଦୁର୍ବୃତ୍ତଙ୍କ ଆକ୍ରମଣରେ ଗୁରୁତର ଟୁଟୁ ହାତୀ ଗୁରୁତର ହୋଇଥିଲେ । ତାଙ୍କୁ ବ୍ରହ୍ମପୁର ବଡ ମେଡିକାଲରୁ ବିଶାଖାପାଟଣା ସ୍ଥାନାନ୍ତରିତ କରାଯାଇଛି ।
