Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ସୁନାଇଟା ଦେବା ନାଁରେ ୭ଲକ୍ଷ ଟଙ୍କା ଠକେଇ ଅଭିଯୋଗରେ ୩ ଜଣ ଗିରଫ

6/09/2018 at 5:12 PM

ଗଜପତି ୬|୯: ସୁନା ଇଟା ଦେବା ନାଁରେ ୭ଲକ୍ଷ ଟଙ୍କା ଠକେଇ ଘଟଣାରେ ୩ ଜଣକୁ ଗିରଫ କରିଛି ଆର.ଉଦୟଗିରି ଥାନା ପୋଲିସ । ସେମାନଙ୍କଠାରୁ ୨ ଲକ୍ଷ ଟଙ୍କା , ନକଲି ସୁନାଇଟା , ମୋବାଇଲ ଓ ବାଇକ୍ ଜବତ କରାଯାଇଛି । ଗତ ୪ ତାରିଖ ଦିନ ପୋଡାମାରି ଗାଁର ପ୍ରଫୁଲ ବୈଠାରୁ ଠକେଇ ସଂପର୍କରେ ଥାନାରେ ଅଭିଯୋଗ କରିଥିଲେ । ପ୍ରଫୁଲଙ୍କ ଅଭିଯୋଗ ମୁତାବକ ଟିକାମାଳ ଗାଁର ପ୍ରବୋଧ ନାୟକ ଓ ଅନ୍ୟ ୨ ଜଣ ତାଙ୍କୁ ଏକ ସୁନାଇଟା ଦେଖାଇବା ସହ ତାହା କିଣିବାକୁ କହିଥିଲେ । ଏହାର ଦାମ ୭ ଲକ୍ଷ ଟଙ୍କା ବୋଲି ପ୍ରବୋଧ ପ୍ରଫୁଲଙ୍କୁ କହିଥିଲେ । କମ୍ ଦାମ୍ ରେ ସୁନାଇଟା ପାଇବା ଆଶାରେ ପ୍ରଫୁଲ ୭ ଲକ୍ଷ ଦେଇ ସୁନାଇଟା ନେଇଥିଲେ । ତେବେ ପ୍ରଫୁଲ ପରେ ଜାଣିବାକୁ ପାଇଲେ ଯେ ତାହା ନକଲି । ଏ ସଂପର୍କରେ ପ୍ରଫୁଲ ଆର.ଉଦୟଗିରି ଥାନାରେ ଗତ ୪ ତାରିଖରେ ଏତଲା ଦେଇଥିଲେ । ଏତଲା ଆଧାରରେ ପୋଲିସ ୩ଜଣଙ୍କୁ ଗିରଫ କରିଛି । ଗିରଫ ବ୍ୟକ୍ତିମାନେ ହେଲେ ଟିକାମାଳ ଗାଁର ପ୍ରବୋଧ ନାୟକ, ଲୁବୁରୁସିଂ ଗାଁର ରବି ରଇତ ଓ ତାବରତା ଗାଁର ଲୋହିତ ସିଂହ ।

   Related Posts