Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ଗତ ଦୁଇ ବର୍ଷରେ ମାପ ଓ ଓଜନ ନିୟମ ଉଲଂଘନକାରୀଙ୍କଠୁ ଆଦାୟ ହୋଇଛି ୨ କୋଟି ୮୩ ଲକ୍ଷ ଟଙ୍କା : ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁ
  • ||
  • ଭୁବନେଶ୍ବର : ଡିସେମ୍ବର ୯ରେ ବିଧାନସଭା ଘେରାଉ କରିବ ବିଜେପି ଯୁବମୋର୍ଚ୍ଚା : ଇରାଶିଷ୍ ଆଚାର୍ଯ୍ୟ
  • ||
  • ଭୁବନେଶ୍ବର : ଡ୍ରଗ୍ସ ମାଫିଆ ଶେଖ୍ ଆଜବାହାର ବାଲେଶ୍ଵର କୋର୍ଟରେ ହାଜର, ରାଜ୍ୟ ବାହାରେ ସମ୍ପତ୍ତି ଥିବା ନେଇ ମିଳିଛି ପ୍ରମାଣ
  • ||
  • ଅନୁଗୋଳ : ଆଖୁ ଖାଇବାକୁ ଆସି କୂଅରେ ଖସିପଡିଲା ଭାଲୁ, ବନ ବିଭାଗ କଲା ଉଦ୍ଧାର
  • ||
  • ଭୁବନେଶ୍ବର : କ୍ରାଇମବ୍ରାଞ୍ଚ ଏସଟିଏଫ୍‌ ଟାର୍ଗେଟ୍‌ରେ ବନ୍ୟପ୍ରାଣୀ ମାଫିଆ, ପ୍ରସ୍ତୁତ ହେଲା ମୋଷ୍ଟ ୱାଣ୍ଟେଡ ତାଲିକା
  • ||
  • ଭୁବନେଶ୍ବର : କୃଷି ଋଣ ଛାଡ ସହ ଫସଲ କ୍ଷୟକ୍ଷତି ଲାଗି ସ୍ବତନ୍ତ୍ର ପ୍ୟାକେଜ ଦାବି କଲା କଂଗ୍ରେସ
  • ||
  • ଭାରତୀୟ ବାୟୁସେନାର ବଢିବ ଶକ୍ତି, ଚାନ୍ଦୀପୁର ଘାଟିରୁ ‘ବ୍ରହ୍ମୋସ’ର ସଫଳ ପରୀକ୍ଷଣ
  • ||
  • କଟକ : ଟ୍ରେନିଂ ପାଇଁ ଦିଲ୍ଲୀରୁ ଆସି କଟକ ଷ୍ଟେସନରେ ଯବାନ ନିଖୋଜ, ସ୍ବିଚ୍ ଅଫ୍ ଆସୁଛି ମୋବାଇଲ୍
  • ||
  • ଝାରସୁଗୁଡା : ଝାରସୁଗୁଡା କୋଲାବିରା ଅଞ୍ଚଳରେ ହାତୀ ଉପଦ୍ରବ, ଭାଙ୍ଗିଲେ ଘର ପାଚେରୀ
  • ||
  • ଜୟପୁର : ବୋର୍ଡର ଏକ ତରଫା ନିଷ୍ପତ୍ତିକୁ ବିରୋଧ, ୨୦ଦଫା ଦାବି ନେଇ ଧାରଣାକୁ ଓହ୍ଲାଇଲେ ଶିକ୍ଷକ
  • ||

ବ୍ଲାକମେଲିଂ କରି ନାବାଳିକାଙ୍କୁ ଦୁଷ୍କର୍ମ, ଭିଡିଓ ଭାଇରାଲ୍ ପରେ ୩ ଗିରଫ

21/11/2019 at 9:31 AM

ଭଞ୍ଜନଗର ୨୧।୧୧: ନାବାଳିକାଙ୍କୁ ଦୁଷ୍କର୍ମ କରିବା ସହ ଆପତ୍ତିଜନକ ଭିଡିଓ ଉତ୍ତୋଳନ ୩ଜଣଙ୍କୁ ଗିରଫ କରିଛି ପୋଲିସ । ଭିଡିଓ ଭାଇରାଲ୍‌ ନେଇ ଜଗନ୍ନାଥପ୍ରସାଦ ଥାନାରେ ଅଭିଯୋଗ ହୋଇଥିଲା । ଅଭିଯୋଗକୁ ଭିତ୍ତିକରି ପୋଲିସ ଦୁଇ ନାବାଳକଙ୍କ ସହ ୩ ଜଣଙ୍କୁ ଗିରଫ କରି କୋର୍ଟଚାଲାଣ କରିଛି ।

ସୂଚନାଯୋଗ୍ୟ ଯେ, ଅଗଷ୍ଟ ମାସ ୧୨ ତାରିଖରେ ଜଣେ ଦଶମ ଶ୍ରେଣୀ ଛାତ୍ରୀ ପୋଖରୀକୁ ଗାଧୋଇବାକୁ ଯାଇଥିବା ବେଳେ ଦୁଇ ଜଣ ନାବାଳକ ସଂପୃକ୍ତ ନାବାଳିକାଙ୍କୁ ଜବରଦସ୍ତ ଏକ ବୁଦା ମୂଳକୁ ଘୋଷାଡ଼ି ନେଇଥିଲେ । ଜଣେ ନାବାଳକ ଦୁଷ୍କର୍ମ କରିଥିବାବେଳେ ଅନ୍ୟଜଣେ ଭିଡିଓ ରେକର୍ଡିଂ କରିଥିଲେ । ଏହାର ଦୁଇ ଦିନ ପରେ ଉକ୍ତ ଭିଡିଓ ଦେଖାଇ ଭାଇରାଲ୍ କରିଦେବାର ଧମକ ଦେଇ ପୁଣିଥରେ ଶାରୀରିକ ସମ୍ପର୍କ ରଖିଥିଲେ । ପରେ ସେହି ଭିଡିଓକୁ ନିଜ ଗ୍ରାମର ଯୁବକଙ୍କୁ ଦେଖାଇଥିଲେ । ଭିଡିଓ ଦେଖିବା ପରେ ସଂପୃକ୍ତ ନାବାଳିକାଙ୍କୁ ଭିଡିଓ ଭାଇରାଲ୍ କରିବାର ଧମକ ଦେଇ ଶାରୀରିକ ସମ୍ପର୍କ ରଖିଥିଲା । ଏହାକୁ ନେଇ ସମ୍ପୃକ୍ତ ନାବାଳିକା ଆପତ୍ତି କରିବାରୁ ଯୁବକ ଜଣଙ୍କ ଭିଡିଓଟିକୁ ଭାଇରାଲ୍ କରିଥିଲା । ଉକ୍ତ ଭିଡିଓ ଭାଇରାଲ୍‌ ହେବାର ପୀଡ଼ିତାଙ୍କ ଭିଣୋଇ ଜାଣିବାକୁ ପାଇଥିଲେ । ଏ ନେଇ ଶ୍ୱଶୁର ଓ ଶାଳିଙ୍କ ସହ ଘଟଣା ସମ୍ପର୍କରେ ଆଲୋଚନା କରିଥିଲେ । ପରେ ଅଗଷ୍ଟ ୧୭ ତାରିଖରେ ନାବାଳିକା ପୀଡ଼ିତା ଜଗନ୍ନାଥପ୍ରସାଦ ଥାନାରେ ଲିଖିତ ଅଭିଯୋଗ କରିଥିଲେ । ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା ।

ବିଭିନ୍ନ ସ୍ଥାନରେ ଚଢଉ କରି ଉକ୍ତ ୩ଜଣଙ୍କୁ ଗିରଫ କରିଛି ପୋଲିସ । ପୀଡ଼ିତାଙ୍କ ସହ ସମସ୍ତ ଅଭିଯୁକ୍ତଙ୍କ ଡାକ୍ତରୀ ପରୀକ୍ଷା କରାଯାଇଥିଲା । ସମ୍ପୃକ୍ତ ନାବାଳିକାଙ୍କୁ ମାଜିଷ୍ଟ୍ରେଟଙ୍କ ନିକଟରେ ହାଜର କରାଯାଇ ତାର ବୟାନ ରେକର୍ଡ କରାଯାଇଛି । ଦୁଇ ନାବାଳକଙ୍କୁ ବ୍ରହ୍ମପୁର ସୁଧାର ଗୃହକୁ ପଠାଇ ଯାଇଥିବା ବେଳେ ଯୁବକକୁ କୋର୍ଟଚାଲଣ କରାଯାଇଛି ।

   Related Posts