Tuesday, October 15, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ହ୍ବାଟସଅପ୍ ଗ୍ରୁପରେ ଅଶ୍ଳୀଳ ଭିଡିଓ ପୋଷ୍ଟ କରିବା ଅଭିଯୋଗରେ ଗ୍ରୁପ ଆଡମିନ୍ ସମେତ ୩ ଗିରଫ…

ବାରାନ୧୦|୧୦: ସୋସିଆଲ ମିଡିଆରେ ଅଶ୍ଳୀଳ ଭିଡିଓ ପୋଷ୍ଟ କରିବା ଅଭିଯୋଗରେ ହ୍ବାଟସଅପ୍‌ ଗ୍ରୁପର ଆଡିମିନ୍‌ ସମେତ ୩ ଜଣଙ୍କୁ ପୋଲିସ ଗିରଫ କରିଛି। ବିହାରର ନାଲନ୍ଦା ଜିଲ୍ଲାର ରାଜଗୀର ଅଞ୍ଚଳରେ ସାତ ଜଣ ଯୁବକ ଏହି ଅଶ୍ଳୀଳ ଭିଡିଓକୁ ପ୍ରଥମେ ପୋଷ୍ଟ କରିଥିବା କଥା ଥାନା ଅଧିକାରୀ ସୂଚନା ଦେଇଛନ୍ତି। ଗିରଫମାନେ ରାଜସ୍ଥାନର ବାରାନ ଜିଲ୍ଲାର ମଙ୍ଗରୋଲ ଅଞ୍ଚଳର ବୋଲି ଜଣାପଡିଛି ।

ତେବେ ଯୁବତୀଙ୍କ ସହ ଦୁଷ୍କର୍ମ କରିବା ବେଳର ଭିଡିଓକୁ ସୋସିଆଲ ମିଡିଆରେ ଭାଇରାଲ କରିବା ଘଟଣାରେ ପୂର୍ବରୁ ୭ ଜଣ ଅଭିଯୁକ୍ତଙ୍କୁ ପୋଲିସ ଗିରଫ କରିଥିଲା। ଏମିତିକି ଅଭିଯୁକ୍ତଙ୍କ ଗିରଫ ଦାବିରେ ବିହାରର ରାଜଗୀର ଅଞ୍ଚଳର ଲୋକମାନେ ଟାୟାର ଜାଳି ରାସ୍ତା ରୋକ କରିଥିଲେ । ଏହି ମାମଲାରେ ପୁଣି ୩ ଜଣଙ୍କୁ ପୋଲିସ ଗିରଫ କରିଛି।

ସୂଚାନଯୋଗ୍ୟ ଯେ, କିଛିଦିନ ତଳେ ବିହାରର ନାଲନ୍ଦା ଜିଲ୍ଲାର ରାଜଗୀର ଅଞ୍ଚଳରେ ଜଣେ ଯୁବତୀଙ୍କ ସହ ସାତ ଦୁର୍ବୃତ୍ତ ଜୋର ଜବରଦସ୍ତ ଦୁଷ୍କର୍ମ କରିଥିଲେ। ଦୁଷ୍କର୍ମ ସମୟର ଭିଡିଓ ମଧ୍ୟ ସୋସିଆଲ ମିଡିଆରେ ଭାଇରାଲ ହୋଇଥିଲା। କେଉଁ ଗ୍ରୁପରୁ ଏହି ଭିଡିଓଟି ଅଧିକ ମାତ୍ରାରେ ଶେୟାର ହୋଇଛି ଏନେଇ ପୋଲିସ ତଦନ୍ତ ଆରମ୍ଭ କରିଥିଲା।  ଡିଏସପି ରବିଙ୍କ କହିବା ଅନୁସାରେ ଭୈରପୁରା ଅଞ୍ଚଳର ଉଧମ ସିଂହ ମିଣା ଯେଉଁ ହ୍ବାଟସଅପ୍‌ ଗ୍ରୁପର ଆଡିମିନ୍‌ ଥିଲେ ସେହି ଗ୍ରୁପରୁ ଅଧିକା ମାତ୍ରାରେ ଏହି ଭିଡିଓ ଶେୟାର ହୋଇଥିଲା। ଉଧମ ସିଂହ ମିଣା ସମେତ ନାହରଗଢ଼ର ଗଜୋଡ ଗୁର୍ଜର ଓ ମହୋଦରୀ ଅଞ୍ଚଳର ପ୍ରତାପ ଗୁର୍ଜରଙ୍କୁ ପୋଲିସ ଗିରଫ କରାଯାଇଛି।

871 Views

   ସମ୍ବନ୍ଧିତ ଖବର