ଭୁବନେଶ୍ବର୮/୧: ବେନାମୀ ଚିଠିରେ ମୁଖ୍ୟମନ୍ତ୍ରୀଙ୍କୁ ହତ୍ୟା ଧମକ। ଏ ନେଇ ନବୀନ ନିବାସରେ ସୁରକ୍ଷା ବ୍ୟବସ୍ଥା କଡ଼ାକଡି କରାଯାଇଛି । ଅପରାଧୀମାନେ ଏକେ-୪୭  ଓ ସେମି ଅଟୋମେଟିକ୍ ପିସ୍ତଲ ରଖିଥିବା ଚିଠିରେ ଉଲ୍ଲେଖ ରହିଛି।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ହତ୍ୟା ଷଡ଼ଯନ୍ତ୍ର ନେଇ ବେନାମୀ ଚିଠି ମିଳିଛି। ମୁଖ୍ୟମନ୍ତ୍ରୀଙ୍କ ବାସଭବନ ନବୀନ ନିବାସ ଠିକଣାରେ ଏଭଳି ଏକ ଚିଠି ପହଞ୍ଚିବା ପରେ ହଇଚଇ ସୃଷ୍ଟି ହୋଇଛି। କିଛି ପେଶାଦାର ଅପରାଧୀ ନବୀନଙ୍କୁ ହତ୍ୟା ଲାଗି ଷଡ଼ଯନ୍ତ୍ର କରୁଥିବା ଏହି ଚିଠିରେ ଦର୍ଶାଯାଇଛି। ଏପରି କି ବେନାମୀ ଚିଠିରେ ୧୭ଟି କାର ନମ୍ବର ଉଲ୍ଲେଖ ରହିଛି। ତେଣୁ ସତର୍କ ରହିବା ପାଇଁ ଚିଠିରେ ପରାମର୍ଶ ଦିଆଯାଇଛି। ଏହି ଚିଠି ମିଳିବା ପରେ ଗୃହ ବିଭାଗ ପକ୍ଷରୁ ନବୀନଙ୍କ ସୁରକ୍ଷା ବ୍ୟବସ୍ଥା କଡ଼ାକଡି କରାଯାଇଛି।