Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗାଙ୍ଗୁଲିଙ୍କୁ ହରାଇଲେ ଶାହ : ୧ ରନରେ ପରାସ୍ତ ହେଲା ଦାଦାଙ୍କ ଟିମ୍
  • ||
  • ବାତ୍ୟା ପାଇଁ ଟ୍ରେନ ବାତିଲ, ଯାତ୍ରୀଙ୍କୁ ଟ୍ରେନର ଷ୍ଟକ୍ ରଖିବାକୁ ଅନୁରୋଧ
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୩ କରୋନା ସଂକ୍ରମିତ, ୧୦୫୦୦୬୦ରେ ପହଞ୍ଚିଲା ସଂଖ୍ୟା
  • ||
  • ଚିଲିକାରେ ବଢୁଛି ବର୍ଷା ଓ ପବନ, ରାସ୍ତାଘାଟ ଖାଁ ଖାଁ
  • ||
  • ଅନୁଗୁଳ : ଟ୍ରକ-ଇନୋଭା ମୁହାଁମୁହିଁ ଧକ୍କା, ୨ ମୃତ
  • ||
  • ନୟାଗଡ : ଭିଜିଲାନ୍ସ ପଞ୍ଝାରେ ଅତିରିକ୍ତ ଯୋଗାଣ ଅଧିକାରୀ, ଏକାସାଙ୍ଗେ ୬ଟି ସ୍ଥାନରେ ରେଡ୍
  • ||
  • ପୃଥିବୀକୁ ବଡ ବିପଦ ! ମାଡି ଆସୁଛି ଗ୍ରହାଣୁ, ମାଡ ହେଲେ ପରମାଣୁ ବୋମାଠୁ ଭୟଙ୍କର ବିସ୍ଫୋରଣ
  • ||
  • ଯବାନଙ୍କ ଆତ୍ମହତ୍ୟା, ସର୍ଭିସ ରାଇଫଲରୁ ଗୁଳି ଚଳାଇ ହାରିଲେ ଜୀବନ
  • ||
  • ଜଗତସିଂହପୁରରେ ଲାଗି ରହିଛି ବର୍ଷା, ବାତ୍ୟା ମୁକାବିଲା ପାଇଁ ସଜାଗ ପ୍ରଶାସନ
  • ||
  • ଜଓ୍ୱାଦ ପ୍ରଭାବ : ମାଡି ଆସିବ ସମୁଦ୍ର, ଉଠିବ ବଡ ଜୁଆର
  • ||

କାୟା ମେଲାଉଛି କରୋନା : ଆକ୍ରାନ୍ତଙ୍କ ସଂଖ୍ୟା ୧ହଜାର ପାର୍ ହୋଇଥିବା ବେଳେ ମୃତ୍ୟୁ ସଂଖ୍ୟା ୨୭, ମହାରାଷ୍ଟ୍ର ଓ କେରଳରେ ସ୍ଥିତି ଗୁରୁତର

30/03/2020 at 8:33 AM

ନୂଆଦିଲ୍ଲୀ ୩୦।୦୩ : ଭାରତରେ ବଢୁଛି କରୋନା ଭୂତାଣୁ ସଂକ୍ରମିତଙ୍କ ସଂଖ୍ୟା । ବର୍ତ୍ତମାନ ସୁଦ୍ଧା ଦେଶରେ ୨୭ ଜଣଙ୍କ କରୋନା ଭାଇରସରେ ମୃତ୍ୟୁ ହୋଇଛି । ଗତ ୨୪ ଘଣ୍ଟା ମଧ୍ୟରେ ଶହେରୁ ଅଧିକ ନୂଆ ପଜିଟିଭ ବାହାରିଛି । ଫଳରେ ଭାରତରେ  COVID-19 ଆକ୍ରାନ୍ତଙ୍କ ସଂଖ୍ୟା ୧୦୨୪ରେ ପହଞ୍ଚିଛି । ଆକ୍ରାନ୍ତ ମାନଙ୍କ ବିଭିନ୍ନ ମେଡିକାଲରେ ଚିକିତ୍ସା ଚାଲିଛି । ୧୦୨୪ ଆକ୍ରାନ୍ତଙ୍କ ମଧ୍ୟରୁ ୯୨୮ ଭାରତୀୟ । ଏବଂ ୯୬ଜଣ ବିଦେଶୀ ନାଗରିକ ଅଛନ୍ତି ।

ମହାରାଷ୍ଟ୍ର ଓ କେରଳରେ ସ୍ଥିତି ଗୁରୁତର ରହିଛି । ମହାରାଷ୍ଟ୍ରରେ ସର୍ବାଧିକ ୨୦୩ ଜଣ ସଂକ୍ରମିତ ହୋଇଥିବାବେଳେ ୬ ଜଣଙ୍କ ମୃତ୍ୟୁ ଘଟିଛି। କେରଳରେ ୨୦୨ ଜଣ ସଂକ୍ରମିତ ହୋଇଛନ୍ତି । ଗୁଜରାଟରେ ୫, କର୍ଣ୍ଣାଟକରେ ୩ ଓ ମଧ୍ୟପ୍ରଦେଶରେ ୨ଜଣଙ୍କ ମୃତ୍ୟୁ ହୋଇଛି । ଦିଲ୍ଲୀରେ ୨ ଓ ଜାମ୍ମୁକଶ୍ମୀରରେ ୨ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି । ବିହାର ହିମାଚଳ ପ୍ରଦେଶ, କେରଳ,  ପଞ୍ଜାବରେ ଜଣେ ଲେଖାଏଁ କରୋନାରେ ମୃତ୍ୟୁ ବରଣ କରିଛନ୍ତି । ତାମିଲନାଡୁ, ତେଲେଙ୍ଗାନା, ପଶ୍ଚିମବଙ୍ଗରେ ଜଣେ ଲେଖଏଁ ପ୍ରାଣ ହରାଇଛନ୍ତି ।

ତେବେ ଦିଲ୍ଲୀରେ କେବଳ ରବିବାର ଆଉ ୨୩ ଜଣ ନୂଆ କରୋନା ସଂକ୍ରମିତ ହୋଇଥିବାବେଳେ ମୋଟ ସଂକ୍ରମିତଙ୍କ ସଂଖ୍ୟା ୭୨ରେ ପହଞ୍ଚିଛି । କରୋନା ଭୂତାଣୁର ଗୋଷ୍ଠୀ ସଂକ୍ରମଣ ରୋକିବା ଲାଗି କେନ୍ଦ୍ର ସରକାରଙ୍କ ସମେତ ରାଜ୍ୟ ସରକାରମାନେ ଲକ୍  ଡାଉନ୍ କରିଥିବାବେଳେ ଅନେକ ସ୍ଥଳରେ କେତେକଙ୍କ ବେଫିକର ଯୋଗୁଁ ସଂକ୍ରମଣ ବୃଦ୍ଧି ପାଇବା ଆଶଙ୍କା ବଢିବାରେ ଲାଗିଛି । ବଡ଼ ବଡ଼ ସହରରୁ ପ୍ରବାସୀ ଶ୍ରମିକଙ୍କ ଗାଁକୁ ସମୂହ ପଳାୟନ ଏବେ ଉଭୟ କେନ୍ଦ୍ର ଓ ପ୍ରାନ୍ତୀୟ ସରକାରଙ୍କ ଚିନ୍ତା ବଢାଇଛି । ତୁରନ୍ତ ଏହାକୁ ରୋକିବା ଲାଗି ପୁଣିଥରେ କେନ୍ଦ୍ର ସରକାର କଠୋର ନିର୍ଦେଶନାମା ଜାରି କରିଛନ୍ତି । ତାଲାବନ୍ଦ ଉଲ୍ଲଙ୍ଘନକାରୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଚେତାବନୀ ଦେଇଛନ୍ତି । କେନ୍ଦ୍ର ସ୍ବାସ୍ଥ୍ୟ ସଚିବ ଲବ୍ ଅଗ୍ରୱାଲଙ୍କ ସୂଚନା ଅନସାରେ, ମାର୍ଚ୍ଚ ୨ ତାରିଖ ସୁଦ୍ଧା କରୋନା ସଂକ୍ରମିତଙ୍କ ସଂଖ୍ୟା ମାତ୍ର ୫ ଥିଲା; ମାତ୍ର ୨୭ ଦିନ ମଧ୍ୟରେ ଏହା ଏକ ହଜାରରୁ ଅଧିକ ଟପିଲାଣି। ଯଦି ଏବେଠୁ ଏହାକୁ ରୋକା ନ ଯାଏ, ତେବେ ସ୍ଥିତି ଅଣାୟତ୍ତ ହେବା ଆଶଙ୍କା ରହିଛି। 

   Related Posts