Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟିକା ପାଇଁ ଗ୍ଲୋବାଲ୍‌ ଟେଣ୍ଡର: ୧୯ ସଦସ୍ୟଙ୍କୁ ନେଇ ଗଠନ ହେଲା କମିଟି
  • ||
  • ଭୁବନେଶ୍ବରରେ ବଢୁଛି ସଂକ୍ରମଣ, ୨୪ ଘଣ୍ଟାରେ ୯୬୨ ଆକ୍ରାନ୍ତ ଚିହ୍ନଟ
  • ||
  • ନୂଆଦିଲ୍ଲୀ : କରୋନାର ସାମାନ୍ୟ ଲକ୍ଷଣ ଥିବା ରୋଗୀଙ୍କ ପାଇଁ ଉପଯୋଗୀ ଆୟୁଷ-୬୪, ଏହି କେନ୍ଦ୍ରରେ ମିଳୁଛି ମାଗଣାରେ
  • ||
  • ଶାମଲୀ : ଲଜ୍ଜାଜନକ ଦୃଶ୍ୟ, ଅଳିଆ ବୁହା ଗାଡିରେ ଶ୍ମଶାନଘାଟ ଗଲା ମହିଳାଙ୍କ ମୃତଦେହ
  • ||
  • ଟିକା ପାଇଁ ହେବ ଗ୍ଲୋବାଲ୍‌ ଟେଣ୍ଡର, ରାଜ୍ୟ କ୍ୟାବିନେଟ୍ ବୈଠକରେ ନିଷ୍ପତ୍ତି
  • ||
  • ନୂଆଦିଲ୍ଲୀ : ରାହୁଲ ଭୋରାଙ୍କ ମୃତ୍ୟୁ ପରେ ପତ୍ନୀ ସେୟାର କଲେ ଯନ୍ତ୍ରଣାଦାୟକ ଭିଡିଓ… କେମିତି ଅକ୍ସିଜେନ୍ ଟିକିଏ ପାଇଁ ହେଉଥିଲେ ଛଟପଟ
  • ||
  • ମଥୁରା : କରୋନାରେ ହେମାମାଳିନୀଙ୍କ ବ୍ୟକ୍ତିଗତ ସଚିବଙ୍କ ମୃତ୍ୟୁ, ଟ୍ବିଟ୍ କରି ଅଭିନେତ୍ରୀ ଦେଲେ ଶ୍ରଦ୍ଧାଞ୍ଜଳି
  • ||
  • ଭୁବନ : ଦୀର୍ଘ ୭ଘଣ୍ଟା ବନ୍ଦ ଘରେ ପଡିରହିଲା ମୃତଦେହ, କରୋନା ସଂକ୍ରମଣ ଆଶଙ୍କାରେ ପାଖ ମାଡିଲେନି ପରିବାର
  • ||
  • ବଲାଙ୍ଗୀର : ରୋଗୀଙ୍କୁ ଲାଞ୍ଚ ମାଗିବା ପଡିଲା ମହଙ୍ଗା, SDMOଙ୍କୁ ସୋ-କଜ୍ ନୋଟିସ୍ ପରେ ପଠାଗଲା ଡେପୁଟେସନରେ, ସ୍ବାସ୍ଥ୍ୟକର୍ମୀ ସସ୍‌ପେଣ୍ଡ
  • ||
  • ହାଇଦ୍ରାବାଦ : ଅକ୍ସିଜେନ୍ ଟ୍ୟାଙ୍କର ଡ୍ରାଇଭର ଭୁଲିଗଲା ହସ୍ପିଟାଲ ରାସ୍ତା, ଅକ୍ସିଜେନ୍ ଅଭାବରୁ ଚାଲିଗଲା ୭ କରୋନା ରୋଗୀଙ୍କ ଜୀବନ
  • ||

‘ଅନୁପ ସାଏଙ୍କୁ ବ୍ରଜରାଜନଗରରୁ ଦିଆ ନଯାଉ ଟିକେଟ’ , ଜୋର ଧରିଲା ଝାରସୁଗୁଡାରେ ବିଜେଡି ରାଜନୀତି

23/02/2019 at 1:28 PM

ଭୁବନେଶ୍ବର୨୩|୨: ବ୍ରଜରାଜନଗରରୁ ଅନୁପ ସାଏଙ୍କୁ ବିଜେଡି ଟିକେଟ ନଦେବା ପାଇଁ ଦାବୀ ହୋଇଛି । ବିଜେଡି ଝାରସୁଗୁଡା ଜିଲ୍ଲା ସମ୍ପାଦକ କୂଳମଣି ଦାସ ଏବଂ ସରପଞ୍ଚ ପାର୍ବତୀବେହେରାଙ୍କ ନେତୃତ୍ବରେ ୧୦୦୦ରୁ ଅଧିକ କର୍ମୀ ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିକଟରେ ଏହି ଦାବି କରିବା ପାଇଁ ଆଜି ନବୀନ ନିବାସରେ ପହଞ୍ଚିଥିଲେ । ତେବେ ନବୀନଙ୍କ ସହ ଦେଖା ପାଇନଥିଲେ । ଫଳରେ ନବୀନ ନିବାସ କାର୍ଯ୍ୟାଳୟରେ ଲିଖିତ ଦାବି ଦାଖଲ କରିଛନ୍ତି ।

୨୦୧୪ ମସିହାରେ ଅନୁପସାଏ କଂଗ୍ରେସ ଛାଡି ବିଜେଡିରେ ଯୋଗ ଦେଇଥିଲେ । ବ୍ରଜରାଜ ନଗରରୁ ପ୍ରାର୍ଥୀ ମଧ୍ୟ ହୋଇଥିଲେ । କିନ୍ତୁ ବିଜେପିର ରାଧାରାଣୀ ପଣ୍ଡାଙ୍କ ଠାରୁ ପରାସ୍ତ ହୋଇଥିଲେ । ତାପରଠୁ ନିର୍ବାଚନମଣ୍ଡଳିର ବିଜେଡିର ପୁରୁଣା କର୍ମୀଙ୍କୁ ସେ ଅଣଦେଖା କରୁଛନ୍ତି । କେବଳ ନିର୍ଦ୍ଦିଷ୍ଟ ଗୋଷ୍ଠୀ ସହ ସମ୍ପର୍କ ରଖିଛନ୍ତି । ତାଙ୍କ ଉପରେ ଝାରସୁଗୁଡା ଜିଲ୍ଲାର ବିଜେଡି କର୍ମୀମାନେ ଭରସା କରିପାରୁ ନାହାଁନ୍ତି ।

୨୦୧୯ ନିର୍ବାଚନରେ ଅନ୍ୟ କେହି ସ୍ଥାନୀୟ ଲୋକଙ୍କୁ ଟିକେଟ ଦେବା ପାଇଁ ଦାବିରେ ଉଲ୍ଲେଖ ରହିଛି । ଏ ସମ୍ପର୍କରେ ଝାରସୁଗୁଡାର ପୁରୁଖା ନେତା ତଥା ପଶ୍ଚିମ ଓଡିଶା ବିକାସ ପରିଷଦର ଅଧ୍ୟକ୍ଷ କିଶୋର ମହାନ୍ତି କହିଛନ୍ତି ଯେ, ନିର୍ବାଚନ ଆଗକୁ ଥିବାରୁ ଯିଏ ଯାହାର ସୁବିଧା ଅସୁବିଧା ଜଣାଉଛନ୍ତି । ଅନୁପ ସାଏ ବ୍ରଜରାଜନଗର ନିର୍ବାଚନମଣ୍ଡଳି କୌଣସି ବିଜେଡି କର୍ମୀଙ୍କ ସହ ଭଲ ସମ୍ପର୍କ ରଖିନାହାଁନ୍ତି ବୋଲି ଅଭିଯୋଗ କରିବାକୁ କିଛି କର୍ମୀ ଓ କର୍ମକର୍ତ୍ତା ନବୀନ ନିବାସ ଯାଇଥିଲେ ବୋଲି କିଶୋର ସ୍ବୀକାର କରିଛନ୍ତି ।

 

ସୂଚନାଯୋଗ୍ୟ ଯେ, ନବଦାସ ଗତ ଜାନୁଆରୀ ମାସରେ ବିଜେଡିରେ ଯୋଗ ଦେବାପରେ ଜିଲ୍ଲା ବିଜେଡିରେ ହଲଚଲ ସୃଷ୍ଟ ହୋଇଛି ।  ପୂର୍ବତନ ବାଚସ୍ପତି ତଥା ପଶ୍ଚମ ଓଡିଶା ବିକାଶ ପରିଷଦର ଅଧ୍ୟକ୍ଷ କିଶୋର ମହାନ୍ତି କହିଛନ୍ତି ଯେ, ଜୀର୍ଘଦିନ ହେଲା  ବ୍ରଜରାଜ ନଗରର କେହି ଆଂଚଳିକ ବ୍ୟକ୍ତିଙ୍କୁ ପ୍ରର୍ଥୀ  କରାଯାଇ ନାହିଁ  । ତେଣୁ ଲୋକଙ୍କ ଭିତରେ ଉତ୍ତେଜନା ଦେଖାଯାଉଛି . ।

ତେବେ ଅସଲରେ କିଶୋର ହିଁ ବ୍ରଜରାଜନଗର ଆସନ ଉପରେ ଆଖି ପକାଇଥିବା ଆଲୋଚନା ହେଉଛି । କାରଣ ନବ ଦାସ ବିଜେଡିରେ ଯୋଗ ଦେବାପରେ କିଶୋର ମହାନ୍ତିଙ୍କୁ ଝାରସୁଗୁଡା ଆସନ ପାଇଁ ଟିକେଟ ମିଳିବା ନେଇ ସନ୍ଦେହ ସୃଷ୍ଟି ହୋଇଛି । ତେଣୁ କିଶୋର ମହାନ୍ତି ବ୍ରଜରାଜ ନଗର ପାଇଁ ଯୋଜନା କରୁଥିବା କୁହାଯାଉଛି ।

   Related Posts