Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ସୁସ୍ଥ ହେଲେ ଆଉ ୧୩୦୩ କରୋନା ଆକ୍ରାନ୍ତ
  • ||
  • ମେ’ ୧୩ରେ ପିପିଲି ଉପନିର୍ବାଚନ
  • ||
  • ଆଜି ରାତି ୮ରେ ପିଏମ୍‌ ମୋଦୀଙ୍କ ଗୁରୁତ୍ବପୂର୍ଣ୍ଣ ବୈଠକ
  • ||
  • ଉଦଳା : ଦିବ୍ୟାଙ୍ଗ ଯୁବତୀଙ୍କୁ ଘରୁ ଉଠାଇ ନେଇ ଦୁଷ୍କର୍ମ ! ଥାନାରେ ମାମଲା, ଅଭିଯୁକ୍ତ ଫେରାର
  • ||
  • ଲମତାପୁଟ : ୩ଦିନ ପରେ ଯୁବକଙ୍କ ମୃତଦେହ ଉଦ୍ଧାର, ପାତାଳୀ ନଦୀକୁ ମାଛ ଧରିବାକୁ ଯାଇ ନିଖୋଜ ଥିଲେ
  • ||
  • ଉଦଳା : ବାଇକ୍‌କୁ ପିଟିଲା ଟ୍ରାକ୍ଟର, ଅଧ୍ୟାପକଙ୍କ ମୃତ୍ୟୁ, ଟ୍ରାକ୍ଟର ନେଇ ଡ୍ରାଇଭର ଫେରାର
  • ||
  • ଭୁବନେଶ୍ବର : ଏସଟିଏଫ ପଞ୍ଝାରେ ବଜ୍ରକାପ୍ତା ଚାଲାଣକାରୀ, ୧୨ କିଲୋ ଓଜନର ଜୀବନ୍ତ ବଜ୍ରକାପ୍ତା ସହ ବ୍ୟବସାୟୀ ଗିରଫ
  • ||
  • ଯାଜପୁର ରୋଡ୍ : ରେଳ ଧାରଣାରୁ କିନ୍ନରଙ୍କ ମୃତଦେହ ଉଦ୍ଧାର, ଯୁବକଙ୍କ ସହ ଥିଲା ପ୍ରେମ ସମ୍ପର୍କ
  • ||
  • ବ୍ରହ୍ମପୁର : ଭାରସାମ୍ୟ ହରାଇ ଓଲଟିଲା ‘ଶିବଶମ୍ଭୁ’, ୧୦ ଯାତ୍ରୀ ଆହତ
  • ||
  • ନବରଙ୍ଗପୁର : ନାଇଟ୍ କର୍ଫ୍ୟୁ ବେଳେ ବୁଲାଇଲେ କଳାକନା, ରୂପା ଗହଣା ଲୁଟ୍, ସୁନା ଅଳଙ୍କାର ଚୋରି ବେଳେ ବାଜିଲା ସାଇରନ୍
  • ||

ଏଥର ବି ହେବନି ଦୁନିଆର ସବୁଠାରୁ ବଡ ଧାର୍ମିକ ମାନସରୋବର ଯାତ୍ରା: ଆଦି କୈଳାସ ଯାତ୍ରା ପାଇଁ ଚାଲିଛି ଯୋଜନା

1/03/2021 at 1:27 PM

ପିଥୌରାଗଡ ୦୧/୦୩ : କରୋନା ଯୋଗୁଁ ଏଥର ବି ବିଶ୍ୱ ପ୍ରସିଦ୍ଧ ମାନସରୋବର ଯାତ୍ରା ନ ହୋଇପାରେ। କୁମାଉଁ ମନଦଳ ବିକାଶ ନିଗମ ଆଉ ଏକ ଯୋଜନା ପ୍ରସ୍ତୁତ କରୁଛି। ଏହି ଯୋଜନା ଅନୁଯାୟୀ କୈଳାସ ନମୁନାରେ ଆଦି କୈଳାସ ଯାତ୍ରା ଆରମ୍ଭ କରାଯିବ ଯେପରି ଧାର୍ମିକ ଯାତ୍ରା ପାଇଁ ଭାରତକୁ ଚୀନ ଉପରେ ନିର୍ଭର କରିବାକୁ ପଡ଼ିବନି।

୧୯୮୧ ମସିହାରୁ କୈଳାସ-ମାନସରୋବର ଯାତ୍ରା ଜାରି ରହଛି। କିନ୍ତୁ କରୋନା ସଙ୍କଟ ଦୁନିଆର ସବୁଠାରୁ ବଡ ଧାର୍ମିକ ଯାତ୍ରାକୁ ବନ୍ଦ କରିଦେଇଛି। ଗତ ବର୍ଷ ଭଳି ଏଥର ବି କୈଳାସ ଯାତ୍ରା ସମ୍ଭବ ହେଲା ଭଳି ଜଣାପଡ଼ୁନାହିଁ। ବିଶେଷକରି ଏହି ସମୟରେ ଯାତ୍ରା ପାଇଁ ପ୍ରସ୍ତୁତି ଆରମ୍ଭ ହୋଇଥାଏ। କିନ୍ତୁ ଏଥର ବିଦେଶ ମନ୍ତ୍ରାଳୟ ସ୍ଥରରୁ କିମ୍ବା କୁମାଉଁ ମଣ୍ଡଳ ବିକାଶ ନିଗମ ଯାତ୍ରା ପାଇଁ କିଛି ପ୍ରସ୍ତୁତି କରିନାହାନ୍ତି। ସେଥିପାଇଁ ଏଥର ବି ମାନସରୋବର ଯାତ୍ରା ହେବନାହିଁ ବୋଲି ଆଶଙ୍କା କରାଯାଉଛି। ପ୍ରଥମଥର ଲଗାତାର ଦୁଇ ବର୍ଷ ହେଲା ମାନସରୋବର ଯାତ୍ରା ହେବନାହିଁ।

କୁମାଉଁ ମଣ୍ଡଳ ବିକାଶ ନିଗମ ଅଧ୍ୟକ୍ଷ କେଦାର ଯୋଶୀ କହିଛନ୍ତି ଯେ ଏଥର କୈଳାସ ଯାତ୍ରା ବାଣିଜ୍ୟ ସ୍ଥରରେ ଆୟୋଜିତ କରାଯିବାକୁ ସେ ପୁରା ଚେଷ୍ଟା କରୁଛନ୍ତି। ଏହି ଯାତ୍ରା ଆରମ୍ଭ ହେଲେ ବିଶ୍ୱ ପ୍ରସିଦ୍ଧ ଧାର୍ମିକ ପର୍ଯ୍ୟଟନ ସ୍ଥଳୀର ବିକାଶ ହେବା ସହ ଚୀନ ଓ ନେପାଳ ସଂଲଗ୍ନ ଅଞ୍ଚଳଗୁଡିକ ମଧ୍ୟ ମାନ୍ୟତା ପାଇବ।

କୈଳାସ ପର୍ବତ ଓ ମାନସରୋବର ହ୍ରଦ ତିବ୍ବତରେ ଥିବାରୁ ଯାତ୍ରା ପାଇଁ ଭାରତକୁ ଚୀନ ଉପରେ ନିର୍ଭର କରିବାକୁ ପଡିଥାଏ। ସେଥିପାଇଁ କୁମାଉଁ ମଣ୍ଡଳ ବିକାଶ ନିଗମ ଆଦି କୈଳାସ ଯାତ୍ରା ଆରମ୍ଭ କରିବାକୁ ଯୋଜନା କରୁଛନ୍ତି। ଆଦି କୈଳାସର ପୁରା ଅଞ୍ଚଳ ଭାରତୀୟ ସୀମାରେ ରହିଛି। ଆଦି କୈଳାସରେ କୈଳାସ ପର୍ବତ ସହ ପାର୍ବତୀ ହ୍ରଦ ମଧ୍ୟ ରହିଛି। ଓମ ପର୍ବତ ମଧ୍ୟ ଏଠାରେ ରହିଛି। ମାନସରୋବର ଯାତ୍ରାରେ ଯାତ୍ରୀ ସଂଖ୍ୟା ଫିକ୍ସ ଥାଏ କିନ୍ତୁ ଆଦି କୈଳାସ ଯାତ୍ରାରେ ଯେତିକି ଇଚ୍ଛା ତୀର୍ଥଯାତ୍ରୀ ଯାଇପାରନ୍ତି। ଚୀନ ସୀମାକୁ ଯୋଡ଼ୁଥିବା ଲିପୁଲେଖ ସଡକ ହେବାପରେ ଏହି ରାସ୍ତା ସହଜ ହୋଇଯାଇଛି।

କୁମାଉଁ ମଣ୍ଡଳ ବିକାଶ ନିଗମ ଯଦି କୈଳାସ ଯାତ୍ରା ଆରମ୍ଭ କରନ୍ତି ତାହେଲେ ଚୀନ ଓ ନେପାଳ ସଂଲଗ୍ନ ଅଞ୍ଚଳରେ ଧାର୍ମିକ ପର୍ଯ୍ୟଟନ ବଢିବା ସହ ଵାଣିଜ୍ୟ ସ୍ଥରରେ ମଧ୍ୟ ଲାଭ ହେବ। ଏହାଦ୍ୱାରା ସୀମାବର୍ତ୍ତୀ ଲୋକଙ୍କୁ ରୋଜଗାର ମଧ୍ୟ ମିଳିବ।

   Related Posts