Friday, August 23, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ବିରାଟ କୋହଲିଙ୍କୁ ଭୁରି ଭୁରି ପ୍ରଶଂସା କଲେ ଏହି ଟିମର ଅଧିନାୟକ…

ନୂଆଦିଲ୍ଲୀ୧୦|୮: ଇଂଲଣ୍ଡ ଟିମର ପୂର୍ବତନ ଅଧିନାୟକ ମାଇକ ଗେଟିଙ୍ଗ ଭାରତୀୟ ଟିମ ଅଧିନାୟକ ବିରାଟ କୋହଲିଙ୍କୁ ଭୁରି ଭୁରି ପ୍ରଶଂସା କରିଛନ୍ତି। ବିରାଟ କୋହଲିଙ୍କ ଜଣେ ମହାନ ଖେଳାଳି ​‌ବୋଲି ମାଇଟ ଗେଟିଙ୍ଗ କହିଛନ୍ତି। ବିରାଟ କୋହଲି ତିନୋଟି ଫର୍ମାଟରେ ଭଲ ଖେଳ ପ୍ରଦର୍ଶନ କରନ୍ତି। ଏକଦିବସୀୟ , ଟେଷ୍ଟ ଓ ଟି-୨୦ ମ୍ୟାଚରେ ବିରାଟ ଜବରଦସ୍ତ ଖେଳ ପ୍ରଦର୍ଶନ କରିଥାନ୍ତି। ବିରାଟ କୋହଲି ପ୍ରଶଂସା ପାଇବା ପାଇଁ ହକ୍‌ଦାର ବୋଲି ମାଇକ ଗେଟିଂ କହିଛନ୍ତି।

ସୂଚନାଯୋଗ୍ୟ ଯେ, ଅଗଷ୍ଟ ୮ ତାରିଖରେ ମୁମ୍ବାଇରେ ମାଇକ ଗେଟିଂ ଏକ ବହି ପର୍ଯ୍ୟବେକ୍ଷଣ କରିବା ସମୟରେ ବିରାଟ​‌ କୋହଲିଙ୍କୁ ପ୍ରଶଂସା କରିଥିଲେ। ମାଇକ ଗେଟିଂ କହିଛନ୍ତି, ବିରାଟ କୋହଲିଙ୍କ ଭଳି ବହୁତ କମ୍ ଖେଳାଳି ଅଛନ୍ତି।ଗେଟିଂ କହିଛନ୍ତି, ୨୦୧୮ରେ ଖେଳାଯାଇଥିବା ଏକଦିବସୀୟ ଓ ଟେଷ୍ଟ ମ୍ୟାଚରେ ରେଟିଂର ପ୍ରଥମ ସ୍ଥାନରେ ବିରାଟ ଥିଲେ। ଏହି ମ୍ୟାଚଗୁଡିକରେ ସେ ୫୭.୩୦ ଆଭରେଜ ରନ କରିଥିଲେ।

ମୁମ୍ବାଇରେ ବିରାଟଙ୍କୁ ପ୍ରଶଂସା କରି ମାଇକ ଗେଟିଂ ଆହୁରି ମଧ୍ୟ କହିଛନ୍ତି, ଷ୍ଟିଭ ସ୍ମିଥ ଓ କେନ ଓ୍ବିଲୟମସନଙ୍କ ତୁଳନାରେ ବିରାଟ କୋହଲି ବହୁତ ଭଲ ଖେଳାଳି। ୩ଟି ଫର୍ମାଟରେ ଦମଦାର ଖେଳ ପ୍ରଦର୍ଶନ କରୁଥିବା ବିରାଟଙ୍କୁ ‘ଗ୍ରେଟ’ ଟ୍ୟାଗ ମିଳିବା ଉଚିତ୍ ବୋଲି ଶେଷରେ ମାଇକ ଗେଟିଂ କହିଥିଲେ।

346 Views

   ସମ୍ବନ୍ଧିତ ଖବର