Sunday, September 15, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଧ୍ୟାନ ଦିଅନ୍ତୁ ! ଅଚାନକ ସ୍ଥିର ହୋଇଯାଉଛି କି ଆପଣଙ୍କ ହାତ, ହୋଇପାରେ କାର୍ପୋଲ ଟନଲ ସିଣ୍ଡ୍ରୋମ

କୋଲକାତା : ଆଜିକାଲି ଅନେକ ଲୋକ ଅଚାନକ ହାତ ବଧିରା ହୋଇଯାଉଥିବାର ଅଭିଯୋଗ କରୁଛନ୍ତି। ବିଶେଷ କରି ଯେଉଁମାନେ କମ୍ପ୍ୟୁଟରରେ ଅଧିକ ସମୟ ଧରି କାମ କରୁଛନ୍ତି ସେମାନେ ଏହି ସମସ୍ୟାର ଅଧିକ ସମ୍ମୁଖୀନ ହେଉଥିବା ଦେଖାଯାଉଛି। ରାତିରେ ହାତରେ ଯନ୍ତ୍ରଣା ହେବା ସହ ଲୋକେ ବଧିରା ଅନୁଭବ କରୁଥିବା ଅଭିଯୋଗ କରୁଛନ୍ତି। ତେବେ ଏଥିଲାଗି ବ୍ୟସ୍ତ ହେବାର କିଛି ନାହିଁ। ଏହା କାର୍ପୋଲ ଟନଲ ସିଣ୍ଡ୍ରୋମର ଲକ୍ଷଣ। ସାମାନ୍ୟ ଚିକିତ୍ସା ଏବଂ ଔଷଧ ସେବନରେ ଯନ୍ତ୍ରଣା ଉପଶମ ହୋଇଯିବ।

ଏଭଳି ଅଭିଯୋଗ ବେଶି ମହିଳାଙ୍କଠାରୁ ମିଳୁଛି। ଗୋଟିଏ ହାତରେ ଦୀର୍ଘ ସମୟ ଧରି କାମ କରିବା ଯୋଗୁ ଆମ ମିଡିଅନ ନର୍ଭକୁ ସୁରକ୍ଷା ଦେଉଥିବା ଏକ ସରୁ ନଳି ହେଉଛି କାର୍ପଲ ଟନଲ। ଏଥିରେ ଚାପ ସୃଷ୍ଟି ହେଲେ ଏଭଳି ଯନ୍ତ୍ରଣାଦାୟକ ପରିସ୍ଥିତି ସୃଷ୍ଟି କରିଥାଏ। ଏହି ଚାପ ଯୋଗୁ ହାତ ବଧିରା ହେବା ଭଳି ଲାଗେ ଓ ଯନ୍ତ୍ରଣା ହୋଇଥାଏ। ଯେଉଁମାନେ କାମ କରିବା ବେଳେ ହାତର କଲେଇ ଉପରେ ଅଧିକ ନିର୍ଭର କରନ୍ତି ସେହିମାନଙ୍କଠାରେ ଏହି ସମସ୍ୟା ଉପୁଜୁଥିବା ଏବେ ଦେଖାଯାଉଛି। ଏଥିପାଇଁ ତୁରନ୍ତ ଡାକ୍ତରଙ୍କୁ ଭେଟିବା ଜରୁରି।

ଡାକ୍ତର କିଛି ଛୋଟମୋଟ ପରୀକ୍ଷା ନିରୀକ୍ଷା କରିବାକୁ କହିପାରନ୍ତି। ଏହି ପ୍ରକ୍ରିୟାରେ ଡାକ୍ତର ଏନସିବି ଟେଷ୍ଟ ପାଇଁ ପରାମର୍ଶ ଦେଇପାରନ୍ତି। ଯଦି କୌଣସିପ୍ରକାର ଡାକ୍ତରୀ ଚିକିତ୍ସା ଯୋଗୁ ଏହି ସମସ୍ୟା ଉପୁଜିଥାଏ ତେବେ ଡାକ୍ତର ପ୍ରଥମେ ତାର ଚିକିତ୍ସା କରିଥାନ୍ତି। ଏଥିରେ ଡାକ୍ତର ରୋଗୀଙ୍କୁ ତାଙ୍କ ହାତକୁ କିପରି ବ୍ୟବହାର କରିବେ ସେ ସମ୍ପର୍କରେ କିଛି ପରାମର୍ଶ ବି ଦେଇଥାନ୍ତି। ତେବେ ଏହି ରୋଗର ଚିକିତ୍ସାରେ ସର୍ବଶେଷ ପଦ୍ଧତୀ ହେଉଛି ଅସ୍ତ୍ରୋପଚାର। ଯେଉଁଥିରେ ଡାକ୍ତର ଲିଗାମେଣ୍ଟର ଅପରେସନ କରିଥାନ୍ତି।  

125 Views

   ସମ୍ବନ୍ଧିତ ଖବର