Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ଭାରସାମ୍ୟ ହରାଇ ୩୦ ଫୁଟ ଖାଇକୁ ଖସିଲା ବସ୍, ୫ ଜଣଙ୍କ ମୃତ୍ୟୁ, ୩୫ ଆହତ
  • ||
  • କାର୍ଯ୍ୟରେ ଅବହେଳା ପାଇଁ ନିଲମ୍ବିତ ହେଲେ ଗୁଣୁପୁର ତହସିଲଦାର
  • ||
  • ଚେନ୍ନାଇ ସୁପରକିଙ୍ଗ୍ସକୁ ବଡ ଝଟକା, ଆହତ କାରଣରୁ ଆଇପିଏଲ୍‌ର ବାକି ମ୍ୟାଚ୍‌ରୁ ବାଦ୍ ପଡିଲେ ଡ୍ଵେନ ବ୍ରାଭୋ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୯୩୧ କରୋନା ସଂକ୍ରମିତ ଚିହ୍ନଟ
  • ||
  • ୧୨କୋଟି ଟଙ୍କାର ଜିଏସ୍‌ଟି ଠକେଇ ଅଭିଯୋଗ, ବିଭାଗ ପକ୍ଷରୁ ଛାନ୍‌ଭିନ୍‌ ଆରମ୍ଭ
  • ||
  • ବିଜାପୁରରେ ଏନ୍‌କାଉଣ୍ଟର : ଜଣେ ନକ୍ସଲ ନିହତ, ୨ ଯବାନ ଆହତ
  • ||
  • ମାଓବାଦୀଙ୍କ ବର୍ବର କାଣ୍ଡ , ପୋଲିସ ଇନଫର୍ମର ସନ୍ଦେହରେ ଘରୁ ଡାକି ନେଇ ହତ୍ୟା
  • ||

ଭାରତର ଏହି କମ୍ପାନୀ ପ୍ରସ୍ତୁତ କରିବ କରୋନା ଭାକସିନ୍, ଅନୁମତି ଦେଲେ ସରକାର

12/04/2020 at 12:48 PM

ପୁଣେ, ୧୨|୦୪:  ସାରା ବିଶ୍ୱରେ କରୋନା ସଂକ୍ରମିତଙ୍କ ସଂଖ୍ୟା ୧୮ ଲକ୍ଷ ଟପିଲାଣି । ଭାରତରେ ଲକଡାନ ସତ୍ୱେ ନୂଆ ମାମଲା ସାମ୍ନାକୁ ଆସୁଛି । ଏହା ମଧ୍ୟରେ ଭାକସିନ୍ ଉପରେ କାମ କରିବା ପାଇଁ ସରକାର ଔପଚାରିକ ଭାବେ ସିଗୁଲ୍ ବାୟୋସଲ୍ୟୁସନକୁ ଦାୟିତ୍ୱ ଦେଇଛନ୍ତି । ଏଥିପାଇଁ ଆର୍ଥିକ ସହାୟତା ମଧ୍ୟ କରିଛନ୍ତି । ଏଭଳି ଭାବେ ଏହି କମ୍ପାନୀ ଦେଶର ପ୍ରଥମ କମ୍ପାନୀ ହୋଇଛି, ଯାହାକୁ କୋଭିଡ-୧୯ର ଟୀକା ବାହାର କରିବା ପାଇଁ ଅନୁମତି ମିଳିଛି ।

ପୁଣେର ଏହି କମ୍ପାନୀ ବାୟୋଲୋଜିକାଲ ଟେକନିକ୍ ଉପରେ କାମ କରୁଛି । ଏଠାରେ ବିଭିନ୍ନ ପାଥୋଜେନ୍ ସହ ଲଢିବା ପାଇଁ ଔଷଧ ତିଆରି କରାଯାଏ । ଏହି ପ୍ଲାଟଫର୍ମରେ କରୋନା ଭାଇରସକୁ ନାଶ କରିବା ପାଇଁ ଟୀକା ମଧ୍ୟ ବାହାର କରିବ ବୋଲି ଆଶା କରାଯାଉଛି । ଏହାସହ ଏଲିସା କିଟ୍ ମଧ୍ୟ ପ୍ରସ୍ତୁତ କରାଯାଇ ପାରିବ । ଏହି କିଟ୍ ଶରୀରରେ ଆଣ୍ଟିବଡି ବା ପାଥୋଜେନର ଯାଂଚ କରିଥାଏ । କମ୍ପାନୀକୁ ଏହି ଏଭି ପ୍ଲାଟଫର୍ମ ଆଧାରରେ ସରକାର କୋଭିଡ-୧୯ ଭାକସିନ୍ ପ୍ରସ୍ତୁତ କରିବାକୁ କହିଛନ୍ତି ।

ଟାଇମ୍ସ ଅଫ ଇଣ୍ଡିଆର ରିପୋର୍ଟରେ କମ୍ପାନୀର ଏମଡି ବିଶ୍ୱାସ ଡି କହିଛନ୍ତି ଯେ, ଏହା ଏକ ଟେକନିକ୍ । ଏଥିରେ ସାର୍ସ-କୋଭ୍-୨ର ଟେକନିକ୍ ବ୍ୟବହାର କରାଯାଉଛି । କମ୍ପାନୀ ଏବେ ୨ ପ୍ରକାରର ଏଭି ଏଜେଣ୍ଟ ପ୍ରସ୍ତୁତ କରିଛି । ଗୋଟିଏ କୋଭିଡ-୧୯ ପାଇଁ ଏସ ପ୍ରୋଟିନ ଓ ଅନ୍ୟ ଭାଇରସର ପ୍ରୋଟିନ୍ । ଜଙ୍ଗଲୀ ମୂଷାଙ୍କ ଉପରେ ୫ଏମଜିର ପ୍ରୋଟିନ୍ ବ୍ୟବହାର କରାଯାଇ ପରୀକ୍ଷଣ କରାଯାଉଛି । ଯାଂଚର ଫଳଫଳ ପଜିଟିଭ୍ ଆସିଲେ ଅନ୍ୟ ମୂଷାଙ୍କ ଉପରେ ଏହା ପ୍ରୟୋଗ କରାଯିବ । ସଫଳତା ମିଳିଲେ ୧ ଲକ୍ଷ ଭାକସିନ୍ ପ୍ରସ୍ତୁତ କରାଯିବ ।

ଏହି ପରୀକ୍ଷଣ ସରିବା ପାଇଁ ଆହୁରି ୮୦ ଦିନ ଲାଗିବ । ଏହାପରେ ଫ୍ରିରେ କ୍ଲିନିକାଲ ଟ୍ରାଏଲ କରାଯିବ । ହ୍ୟୁମାନ୍ କ୍ଲିନିକାଲ ଟ୍ରାଏଲ ଯାଏଁ ୧୮ରୁ ୨୦ ମାସ ଲାଗିପାରେ । କମ୍ପାନୀ ଏସ ପ୍ରୋଟିନ୍ ବିଶିଷ୍ଟ ଏଲଏଫଏ ଟେଷ୍ଟ୍ କିଟ୍ ମଧ୍ୟ ତିଆରି କରୁଛି । ଲୋକମାନେ ନିଜେ ନିଜର ଟେଷ୍ଟ କରିପାରିବେ । ଏବେ ଦେଶରେ ଯେଉଁ କିଟ୍ ରହିଛି ତାହା ପଲିମେରାସ୍ ଚେନ୍ ରିଆକ୍ସନ କିଟ୍ । ଏହା ଶୀଘ୍ର ରିପୋର୍ଟ ଦେଲେ ମଧ୍ୟ ବିନା ଲକ୍ଷଣ ଥିବା ସଂକ୍ରମିତଙ୍କୁ ନେଇ ଦ୍ୱନ୍ଦ୍ୱ ରହୁଛି । କାରଣ ଅନେକଙ୍କଠାରେ କରୋନା ଲକ୍ଷଣ ଦେଖିବାକୁ ମିଳେ ନାହିଁ ।

   Related Posts