Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୯ ହଜାରରୁ ଅଧିକ କରୋନା ପଜିଟିଭ୍, ୧୫୯ ମୃତ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୮କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୫ କରୋନା ସଂକ୍ରମିତ, ୧୦୫୦୯୫୫ରେ ପହଞ୍ଚିଲା ସଂଖ୍ୟା
  • ||
  • ବାୟୁସେନା ହେଲିକପ୍ଟର କ୍ରାସ୍‌ରେ ଓଡିଆ ଯବାନ ମୃତ, ତାଳଚେରରେ ରାଣା ପ୍ରତାପ ଦାସଙ୍କ ଘର
  • ||
  • ମାତିଲେ ମାଓବାଦୀ : ଜାଳିଲେ ଗାଡ଼ି, ସୁପରଭାଇଜରଙ୍କୁ କଲେ ଅପହରଣ
  • ||
  • ମୁହାଁମୁହିଁ ହେବେ ଶାସକ-ବିରୋଧି : ମମିତା ମେହେର ପ୍ରସଙ୍ଗରେ ବିଧାନସଭା ଘେରିବ ବିଜେପି
  • ||

ବାଇକ୍ ହେଲମେଟ୍ ପିନ୍ଧି ପଡିଆକୁ ଓହ୍ଲାଇଥିଲେ ଇଂଲଣ୍ଡର ଏହି ମହାନ ବ୍ୟାଟ୍ସମ୍ୟାନ୍, ତାଙ୍କ ନାମରେ ରହିଛି ଅନେକ ରେକର୍ଡ

7/04/2020 at 10:35 AM

ଲଣ୍ଡନ, ୦୭|୦୪: କ୍ରିକେଟ ଜଗତର ଅନେକ ଭଲ ବ୍ୟାଟ୍ସମ୍ୟାନ ଦ୍ରୁତ ବୋଲିଂର ସାମ୍ନା କରିବାକୁ ପଛଘୁଞ୍ଚା ଦେଇଥାନ୍ତି । ଏପରିକି ଘଣ୍ଟା ପ୍ରତି ୧୪୦, ୧୫୦ କିମି ବେଗରେ ଆସୁଥିବା ବଲକୁ ଡିଫେନ୍ସ କରିବାକୁ ପ୍ରୟାସ କରିଥାନ୍ତି । ଏହି ଦ୍ରୁତ ବୋଲର ଜବାବ ଦେବା ମାମଲାରେ ଇଂଲଣ୍ଡର ପୂର୍ବତନ ବ୍ୟାଟସମ୍ୟାନ ଡେନିସ୍ ଏମିସଙ୍କ ନାମ ସବୁଠାରୁ ଉପରେ ରହିଛି । ୪୩ ବର୍ଷ ପୂର୍ବରୁ ଏମିସ କ୍ରିକେଟରେ ହେଲମେଟ୍ ପରିଧାନ କରିଥିଲେ । ଆଜି ଅର୍ଥାତ ଏପ୍ରିଲ ୭ ତାରିଖ ହେଉଛି ତାଙ୍କର ଜନ୍ମଦିନ । ସେ ଏବେ ୭୭ ବର୍ଷରେ ପାଦ ଦେଇଛନ୍ତି ।

ଇଂଲଣ୍ଡର ବ୍ୟାଟସମ୍ୟାନ ଏମିସ ଦିନିକିଆ ମ୍ୟାଚରେ ପ୍ରଥମ ଶତକ ଲଗାଇଥିଲେ । ସେ ଦିନିକିଆର ପଦାର୍ପଣ ମ୍ୟାଚରେ ହିଁ ଶତକ ଲଗାଇଥିଲେ । ଏହି ରେକର୍ଡ ତାଙ୍କ ନାମରେ ରହିଛି । ସେ ଅଗଷ୍ଟ ୨୪, ୧୯୭୨ରେ ଅଷ୍ଟ୍ରେଲିଆ ବିପକ୍ଷରେ ମାଞ୍ଚେଷ୍ଟରରେ ଏହି ଉପଲବ୍ଧି ହାସଲ କରିଥିଲେ । ବିଶ୍ୱର ଏହା ଦ୍ୱିତୀୟ ଦିନିକିଆ ମ୍ୟାଚ ଥିଲା । ଯାହା ଇଂଲଣ୍ଡ ଓ ଅଷ୍ଟ୍ରେଲିଆ ମଧ୍ୟରେ ଖେଳାଯାଇଥିଲା । ଏହି ମ୍ୟାଚରେ ଏମିସ ୧୩୪ ବଲରୁ ୧୦୩ ରନ କରିଥିଲେ ।

ସେହିପରି ବିଶ୍ୱକପର ପ୍ରଥମ ଶତକ ମଧ୍ୟ ଏମିସଙ୍କ ନାମରେ ରହିଛି । ସେ ଜୁନ ୭, ୧୯୭୫ରେ ପ୍ରଥମ ବିଶ୍ୱକପରେ ଶତତକ ଅର୍ଜନ କରିଥିଲେ । ଡିସେମ୍ବର ୧୯୭୭ରେ ଅଷ୍ଟ୍ରେଲିଆ ବୋଲର ଡେଭିଡ୍ ହୁକ୍ ସାଙ୍ଘାତିକ ବାଉନସର୍ ବୋଲିଂ କରୁଥିଲେ । ଏହାର ସାମ୍ନା କରିବା ପାଇଁ ଏମିସ୍ ବାଇକ ହେଲେମେଟ୍ ପିନ୍ଧି ଖେଳିବାକୁ ଓହ୍ଲାଇଥିଲେ । ତେବେ ଏହି ହେଲମେଟ୍ ପିନ୍ଧି ବ୍ୟାଟିଂ କରିବା ସହଜ ନଥିଲା । ଟେଷ୍ଟ୍ ମ୍ୟାଚରେ ପ୍ରଥମ ଥର ପାଇଁ ୧୯୭୮ରେ ହେଲମେଟ୍ ବ୍ୟବହାର କରାଯାଇଥିଲା ।

   Related Posts