Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସମ୍ବଲପୁର : ଦୁଇ ବାଇକ୍ ଉପରେ ଚଢିଗଲା ଟ୍ରକ୍, ୩ ମୃତ, ଜଣେ ଗୁରୁତର
  • ||
  • ସୋର : ୮ଲକ୍ଷ ଟଙ୍କା ପାଇଁ କିଡ୍‌ନାପ୍ ! ବନ୍ଧୁକ ମୁନରେ ହତ୍ୟା ଧମକର ଭିଡିଓ ଭାଇରାଲ୍
  • ||
  • ସୋନପୁର : ଭିଜିଲାନ୍ସ ଜାଲରେ ଶିକ୍ଷକ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ମାର୍ଚ୍ଚ ୫ରେ ‘ଓମେନ୍ ଆଚିଭର୍ସ ଅଫ୍ ଓଡ଼ିଶା’ ପୁରସ୍କାର ସମାରୋହ
  • ||
  • କରଞ୍ଜିଆ : କରଞ୍ଜିଆ ବନଖଣ୍ଡ ଅଞ୍ଚଳରେ ଜଳୁଛି ଜଙ୍ଗଲ, ଫେଲ୍ ମାରିଛି ବନ ବିଭାଗର ନିଆଁ ଲିଭା ଅଭିଯାନ
  • ||
  • ଚିନ୍ତା ବଢାଉଛି କରୋନାର ବ୍ରାଜିଲ ଭାରିଏଣ୍ଟ, ରହିଛି ପୁନଃ ସଂକ୍ରମଣ କ୍ଷମତା
  • ||

୮୦ଦିନ ହେବ ଗୋଟିଏ ସ୍ଥାନରେ ବସିରହିଛି କୁକୁର ; କାରଣ ଜାଣିଲେ ଆପଣ ମଧ୍ୟ ହୋଇଯିବେ ଆଶ୍ଚର୍ଯ୍ୟ

17/11/2018 at 4:38 PM

ଭୁବନେଶ୍ବର ୧୭|୧୧: ଯଦି କେହି ନିଜଲୋକଙ୍କର ମୃତ୍ୟୁ ହୋଇଯାଏ ତେବେ ଆମେ ବହୁତ ଭାଙ୍ଗି ପଡିଥାଉ । ତେବେ ଆମେ ସେହି ସ୍ଥାନକୁ ଯାଇ ତାଙ୍କୁ ଅନୁଭବ କରିବାକୁ ଚେଷ୍ଟା କରିଥାଉ ଯେଉଁଠାରେ ତାଙ୍କୁ ପ୍ରଥମେ ଭେଟିଥାଉ । ମାତ୍ର ଏହା କେବଳ ମନୁଷ୍ୟମାନଙ୍କଠାରେ ସୀମିତ ହୋଇ ରହିନାହିଁ । ପଶୁମାନେ ମଧ୍ୟ ନିଜଲୋକଙ୍କୁ ବହୁତ ମନେପକାଇଥାନ୍ତି । କୁକୁର ନିଜ ମାଲିକଙ୍କ ପ୍ରତି ବହୁତ ବିଶ୍ବସ୍ତ ହୋଇଥାଏ । ଏବେ ଏଭଳି ଗୋଟିଏ କୁକୁରର ଫଟୋ, ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଯେଉଁଥିରେ ଗୋଟିଏ କୁକୁର ରାସ୍ତା ପାର୍ଶ୍ବରେ ବସିରହିଛି । ଏହା ଦିନେ ଦୁଇ ଦିନର କଥା ନୁହେଁ । କୁକୁରଟି ପ୍ରାୟ ୮୦ଦିନ ହେବ ଏଭଳି ରାସ୍ତା ପାର୍ଶ୍ବରେ ସେହି ଗୋଟିଏ ସ୍ଥାନରେ ହିଁ ବସିଛି । ଯେଉଁଠାରେ ତା ମାଲିକଙ୍କର ମୃତ୍ୟୁ ହୋଇଥିଲା ।

ସୂଚନା ଅନୁସାରେ ଏହି ଘଟଣା ଚୀନର । ଯେଉଁଠାରେ ହୋହହୋଟରେ ରାସ୍ତା ପାର୍ଶ୍ବରେ ଏକ କଳା ଧଳା ରଙ୍ଗର କୁକୁର ପ୍ରାୟ ୮୦ଦିନ ହେବ ଗୋଟିଏ ସ୍ଥାନରେ ବସିଛି । ଯଦିଓ କୁକୁରଟିକୁ ଲୋକମାନେ କେତେଥର ଘଉଡାଇଦେଲେଣି ମାତ୍ର ସେ ପୁଣି ଆସି ସେହି ସ୍ଥାନରେ ବସିରହୁଛି । ଫଳରେ ବାଧ୍ୟ ହୋଇ ସ୍ଥାନୀୟଲୋକମାନେ ସେହିଠାରେ ହିଁ କୁକୁରଟିର ଖାଦ୍ୟ ପାନୀୟର ବ୍ୟବସ୍ଥା କରିଦେଇଛନ୍ତି ।

ସୂଚନାଯୋଗ୍ୟ ଯେ, ସେହିଠାରେ ହିଁ କୁକୁରଟିର ମାଲିକଙ୍କର ଏକ ଦୁର୍ଘଟଣାରେ ମୃତ୍ୟୁ ହୋଇଥିଲା । ଏହାପରେ କୁକୁରଟି ସେହି ସ୍ଥାନରେ ବସିରହିଛି । ସେହିବାଟ ଦେଇ ଯାଉଥିବା ଲୋକମାନେ କୁକୁରଟିର ଭିଡିଓ କରି ସୋସିଆଲ ମିଡିଆରେ ଅପଲୋଡ୍ କରିଛନ୍ତି । ଯାହାକୁ ୧.୪ ମିଲିୟନ ୟୁଜର୍ସ ହିଟ୍ କରିସାରିଲେଣି । କୁହାଯାଉଛି ଯେ କୁକୁରଟି ପ୍ରାୟ ୮୦ଦିନ ହେବ ସେହିଠାରେ ହିଁ ନିଜ ମାଲିକର ଅପେକ୍ଷା କରିଛି । କେତେକ ଲୋକ କହୁଛନ୍ତି ଯେ କୁକୁରଟିକୁ ତାର ନୂଆ ମାଲିକ ପାଖକୁ ଚାଲିଯିବା କଥା ଫଳରେ ତାର ନୂଆ ଜୀବନ ଆରମ୍ଭ ହୋଇପାରିବ । ସେହିପରି  କେତେକ ଲୋକ ଏହି କୁକୁରଟିର ତୁଳନା ଜାପାନର ଏକ କୁକୁର ସହ କରୁଛନ୍ତି । ଯିଏକି ନିଜ ମାଲିକକୁ ଅପେକ୍ଷା କରି ପ୍ରାୟ ୯ବର୍ଷ ପର୍ଯ୍ୟନ୍ତ ଷ୍ଟେସନ ବାହାରେ ବସିରହିଥିଲା ।

   Related Posts