ଓ୍ବାଶିଂଟନ୍ ୨୬/୦୯: ହୁଏତ ଆମକୁ ଜାଣିବା ଅସମ୍ଭବ ଯେ ପୃଥିବୀରେ କେତେ ସମୟ ଅଛି ଓ ଆଉ କେତେ ସମୟ ବାକି ଅଛି! ତା’ ସହ ଆଗକୁ ପରିସ୍ଥିତି କିପରି ରହିବ। ଏ ସବୁ ବିଷୟରେ ଜାଣିବା ପାଇଁ ଏକ ନିଆରା ଘଣ୍ଟା ସାମ୍ନାକୁ ଆସିଛି। ଏଇ ଘଣ୍ଟା ଲାଗିଛି ଆମେରିକାର ନ୍ୟୁୟର୍କ ସିଟିର ମ୍ୟାନହଟନରେ। ଏହାକୁ କୁହାଯାଏ ‘ଆଷ୍ଟ୍ରନମିକାଲ ଡିଜିଟାଲ କ୍ଲକ’। ପାଣିପାଗ ବଦଳୁଛି। ମାତ୍ର ଅନେକ ଏ କଥା ମାନିବାକୁ ପ୍ରସ୍ତୁତ ନୁହନ୍ତି। ମାନୁଛନ୍ତି ତେବେ ଏହି ଘଣ୍ଟା ହିଁ କହିବ ଦୁନିଆ ପାଖରେ କେତେ ସମୟ ଆଉ ବାକି ଅଛି।
ଦୁଇଜଣ ଆଟିଷ୍ଟ ଗେନ୍ ଗୋଲନ ଏବଂ ଆଣ୍ଡଡ୍ରିୟୁ ବ୍ରଏଡ୍ ଏ ଘଣ୍ଟା ତିଆରି କରିଛନ୍ତି। ସେମାନେ ଏହି ଘଣ୍ଟା ମାଧ୍ୟମରେ କହିଛନ୍ତି ଯେ ଆମ ପାଖରେ ସାତ ବର୍ଷ ୧୦୧ ଦିନ, ୧୭ ଘଣ୍ଟା, ୨୯ ମିନିଟ୍ ଓ ୨୨ ସେକେଣ୍ଡ ବଞ୍ଚିଛି। ଏହି ଡାଟାରୁ ଅନୁମାନ କରାଯାଉଛି ଯେ ଏତେ ବର୍ଷରେ କାର୍ବନ ବହୁ ମାତ୍ରାରେ ବଢ଼ିଯିବ। ଏହାର ପରିଣାମ ଏତେ ହେବ ଯେ ଏହାକୁ ନିୟନ୍ତ୍ରଣ କରିବା କଷ୍ଟକର ହେବ।
{"id":334707,"sizeSlug":"large"}ଓ୍ବାଶିଂଟନ୍ ପୋଷ୍ଟ ଅନୁସାରେ ଦୁନିଆର ବଡ଼ ଇଲାକାରେ ବନ୍ୟା ଆସିବ, ଜଙ୍ଗଲରେ ନିଆଁ ଲାଗିବ ଓ ଲୋକମାନେ ସ୍ଥାନାନ୍ତରିତ ହେବେ । ଏହା ସହ ତାପମାତ୍ରା ୧.୫ ଡିଗ୍ରୀ ସେଲସିୟସ ବଢ଼ିଯିବ। ସେତିକି ନୁହେଁ ଖୁବ୍ ଗରମ ଅନୁଭୂତ ହେବ । ୨୦୧୯ରେ ନାସା ତା ରିପୋର୍ଟରେ କ୍ଲାଇମେଟ୍ ଚେଞ୍ଜ ବାବଦରେ କହିଥିଲା।
ତେବେ ଏ ଦୁହେଁ ଏହି ପ୍ରୋଜେକ୍ଟର ନାଁ ‘କ୍ଲାଇମେଟ୍ କ୍ଲକ୍’ ଦେଇଛନ୍ତି। ସେପ୍ଟେମ୍ବର ୨୭ ପର୍ଯ୍ୟନ୍ତ ଏହି ଘଣ୍ଟା ସେମିତି ସେହି ସ୍ଥାନରେ ରହିବ।