Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୬କୁ ବୃଦ୍ଧି
  • ||
  • ଭୁବନେଶ୍ବର : ୪ ଦିନିଆ ରିମାଣ୍ଡରେ ଯିବେ ୨ କଣ୍ଟ୍ରାକ୍ଟ କିଲର, ଏସଡିଜେଏମ୍ କୋର୍ଟ ଦେଲେ ଅନୁମତି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୧୯୫ ମୃତ
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୫୫ କରୋନା ସଂକ୍ରମିତ, ୧୦୫୦୭୬୦ରେ ପହଞ୍ଚିଲା ସଂଖ୍ୟା
  • ||
  • ସୁନ୍ଦରଗଡ : ସ୍ୱାମୀ ସାଜିଲା ସୈତାନ୍, କୁରାଢି ଚୋଟରେ ନେଇଗଲା ସ୍ତ୍ରୀର ଜୀବନ
  • ||
  • ୬ ଦିନିଆ ରିମାଣ୍ଡରେ ଆସିବ ଠକ ପ୍ରଜ୍ଞା, ଅନୁମତି ଦେଲେ ଭୁବନେଶ୍ୱର ଏସ୍‌ଡିଜେଏମ୍‌ କୋର୍ଟ
  • ||
  • ଘୋଷଣା ହେଲା ଜ୍ଞାନପୀଠ ପୁରସ୍କାର : ୨୦୨୧ ପାଇଁ ନୀଳମଣି ଫୁକନ, ୨୦୨୨ ପାଇଁ କୌଙ୍କଣୀ ସାହିତ୍ୟିକ ଦାମୋଦେର ମୌଜଙ୍କୁ ସମ୍ମାନ
  • ||

ସାମ୍ନାକୁ ଆସିଲା କୋଭାକ୍ସିନର ତୃତୀୟ ପର୍ଯ୍ୟାୟ ଟ୍ରାଏଲର ପରିଣାମ, ୮୧ ପ୍ରତିଶତ ଫଳପ୍ରଦ

3/03/2021 at 8:44 PM

ନୂଆଦିଲ୍ଲୀ ୦୩।୦୩: ଭାରତ ବାୟୋଟେକ୍  ବୁଧବାର ସ୍ଵଦେଶୀ ଭ୍ୟାକସିନ କୋଭାକ୍ସିନର ତୃତୀୟ ପର୍ଯ୍ୟାୟର କ୍ଲିନିକଲ ଟ୍ରାଏଲର ପରିଣାମ ଜାରି କରିଛି। କମ୍ପାନୀ ଅନୁଯାୟୀ, ପରୀକ୍ଷଣରେ କୋଭାକ୍ସିନ ୮୧ ପ୍ରତିଶତ ପ୍ରଭାବଶାଳୀ ରହିଛି। ଦେଶରେ କୋଭାକ୍ସିନକୁ ଟିକାକରଣ ଅଭିଯାନରେ ବ୍ୟବହାର କରାଯାଉଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ  ମାର୍ଚ୍ଚ ୧ରେ ଏହି ଭ୍ୟାକସିନର ପ୍ରଥମ ଡୋଜ୍ ନେଇଛନ୍ତି।

ଜଣେ ବ୍ୟକ୍ତି ଦୁଇଟି ଡୋଜ୍‌ ନେବା ପରେ କରୋନାକୁ ବେଶ ଆରାମରେ ହରାଇ ପାରିବେ। ତୃତୀୟ ପର୍ଯ୍ୟାୟ ଟ୍ରାଏଲରେ ୨୫ଟି ସହରରୁ ମୋଟ ୨୫,୮୦୦ ଲୋକ ସାମିଲ ହୋଇଥିଲେ। ଏମାନଙ୍କୁ ଦୁଇଟି ଗ୍ରୁପ୍‌ରେ ବିଭକ୍ତ କରାଯାଇଥିଲା । ଗୋଟିଏ ଗ୍ରୁପ୍‌କୁ ଟିକା ଓ ଅନ୍ୟ ଗ୍ରୁପ୍‌କୁ ପ୍ଲାସବୋ ଦିଆଯାଇଥିଲା । ପ୍ରଥମ ୪୩ଟି କେସ୍‌ର ତଥ୍ୟକୁ ଆଧାର କରି ରିପୋର୍ଟ ପ୍ରକାଶ କରାଯାଇଛି।

ପ୍ଲାସବୋ ନେଇଥିବା ୩୬ ଜଣ ଓ କୋଭାକ୍ସିନ ଗ୍ରୁପ୍‌ରେ ଥିବା ୭ ଜଣ କରୋନାରେ ସଂକ୍ରମିତ ହୋଇଛନ୍ତି। ଏଥିରୁ ସ୍ପଷ୍ଟ ହୋଇଛି ଯେ କୋଭାକ୍ସିନ କରୋନା ବିରୋଧରେ ୮୦.୬% ଫଳପ୍ରଦ। ସେହିପରି ଟିକା ନେଇଥିବା ଲୋକଙ୍କ ଶରୀରରେ କରୋନାର କୌଣସି ସାଂଘାତିକ ଲକ୍ଷଣ ଦେଖାଯାଉ ନାହିଁ ।

ଭାରତ ବାୟୋଟେକ୍‌ର ଚେୟାରମ୍ୟାନ ଡ. କୃଷ୍ଣା ଇଲା କହିଛନ୍ତି, ଏହି ଭ୍ୟାକସିନ ପୁରୁଣା ଏବଂ ନୂତନ କରୋନା ଷ୍ଟ୍ରେନ୍ ପାଇଁ ମଧ୍ୟ ପ୍ରଭାବଶାଳୀ ଅଟେ। କୋଭାକ୍ସିନକୁ ୨ରୁ ୮ ଡିଗ୍ରୀ ମଧ୍ୟରେ ରଖା ଯାଇ ପାରିବ। ଭାରତ ବାୟୋଟକ କହିଛି, ସାରା ବିଶ୍ଵର ୪୦ ଦେଶ କୋଭାକ୍ସିନ ପ୍ରତି ରୁଚି ଦେଖାଇଛନ୍ତି।

ସୂଚନାଯୋଗ୍ୟ, ସଂପ୍ରତି ଦେଶରେ ଦୁଇଟି କମ୍ପାନୀର ଭ୍ୟାକସିନ ଲୋକଙ୍କ ପାଇଁ ଉପଲବ୍ଧ ହେଉଛି। ଗୋଟିଏ ହେଉଛି ଭାରତ ବାୟୋଟେକ୍ର କୋଭାକ୍ସିନ ଏବଂ ଅକ୍ସଫୋର୍ଡ-ଆଷ୍ଟ୍ରେଜେନେକାର କୋଭିସିଲ୍ଡ। ଅକ୍ସଫୋର୍ଡ-ଆଷ୍ଟ୍ରାଜେନେକାର ଭ୍ୟାକସିନର ଉତ୍ପାଦନ ସିରମ ଇନଷ୍ଟିଚ୍ୟୁଟ୍ ଅଫ ଇଣ୍ଡିଆ ଦ୍ଵାରା ହେଉଛି।

   Related Posts