Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗତ ୨୪ ଘଣ୍ଟାରେ କରୋନାରୁ ଆରୋଗ୍ୟ ହେଲେ ୨୦୧୦ ସଂକ୍ରମିତ
  • ||
  • ମୋଦୀ ସରକାରଙ୍କ ବଡ ନିଷ୍ପତ୍ତି: ଜାମ୍ମୁ-କାଶ୍ମୀରରେ ଯେ କେହି ବି ଜାଗା କିଣି ପାରିବେ, ବିଜ୍ଞପ୍ତି ଜାରି କଲା ଗୃହ ମନ୍ତ୍ରଣାଳୟ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ, ୧୨୭୨ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୧୨୪୭ କରୋନା ସଂକ୍ରମିତ, ୨୮୩୯୪୨ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଢେଙ୍କାନାଳ : କେନାଲରୁ ମୃତଦେହ ଉଦ୍ଧାର, ଶୌଚ ହେବାକୁ ଯାଇ ବୁଡିଯାଇଥିବା ସନ୍ଦେହ
  • ||
  • ଢେଙ୍କାନାଳ : ସ୍ତ୍ରୀର ଚରିତ୍ରକୁ ସନ୍ଦେହ କରି ଠେଙ୍ଗାରେ ପିଟି ପିଟି ମାରିଦେଲା, ଅଭିଯୁକ୍ତ ସ୍ବାମୀ ଫେରାର
  • ||
  • ଅନୁଗୋଳ : ଶ୍ରମିକଙ୍କ ସନ୍ଦେହଜନକ ମୃତ୍ୟୁ, ବିଷାକ୍ତ ମଦ ପିଇ ମୃତ୍ୟୁ ଅଭିଯୋଗ
  • ||
  • କଳାହାଣ୍ଡି : ଯୁବକଙ୍କ କ୍ଷତ ବିକ୍ଷତ ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର ଲୋକ
  • ||
  • ଜଲାପୁଟ ଜଳ ଭଣ୍ଡାରରେ ମାଛଧରା ଡଙ୍ଗା ବୁଡି ୩ ନିଖୋଜ, ଉଦ୍ଧାର କାର୍ଯ୍ୟ ଜାରି
  • ||
  • ପାକିସ୍ତାନ : ପେଶାଓ୍ୱାରରେ ବୋମା ବିସ୍ଫୋରଣରେ ୭ ମୃତ, ୫୫ ଆହତ
  • ||

କାରରେ ଉତ୍ତରପ୍ରଦେଶ ସରକାର ଲେଖି ଆରାମରେ ଚୋରି କରି ପୋଲିସକୁ ଭଣ୍ଡାଉଥିଲେ ଦୁଇ ଚୋର

7/01/2019 at 4:03 PM

ପ୍ରୟାଗରାଜ ୭/୧ : ଉତ୍ତରପ୍ରଦେଶ ପ୍ରୟାଗରାଜ ଜିଲ୍ଲାରେ ଘୁରପୁର ପୋଲିସ ରବିବାର ଇରାଦତଗଞ୍ଜ ଛକରେ ଏକ କାରକୁ ଅଟକାଇଥିଲା |  କାରରେ ବସିଥିଲେ ମୋବାଇଲ ଚୋର ଗ୍ୟାଙ୍ଗର ଦୁଇଜଣ ସଦସ୍ୟ | ପୋଲିସ କାର ଅଟକାଇ ଦୁଇଜଣଙ୍କୁ ପଚରାଉଚୁରା କରିବାପରେ ଗିରଫ କରିଥିଲା | ତାଙ୍କ ପାଖରୁ ପୋଲିସ ଦାମୀ ମୋବାଇଲ, ଟାବଲେଟ ଆଉ ୨ଟି ଲାପଟପ ଜବତ କରିଥିଲା | ସବୁଠାରୁ ଚାଞ୍ଚଲ୍ୟ ଘଟଣା ହେଲା ଏହି ଚୋରମାନେ କାରରେ ଉତ୍ତର ପ୍ରଦେଶ ସରକାର ଲେଖି ଲୋକଙ୍କ ଭଣ୍ଡାଉଥିଲେ | ପୋଲିସ ଉଭୟଙ୍କୁ ଗିରଫ କରି ଜେଲକୁ ପଠାଇ ଦେଇଛି |

ଘୁରପୁର ଥାନା ପ୍ରଭାରୀ କହିଥିଲେ ଯେ, ଏକ ଚୋର ଗ୍ୟାଙ୍ଗ ସେହି ରାସ୍ତା ଦେଇ ଯାଉଥିବା ତାଙ୍କ ପାଖକୁ ଖବର ଆସିଥିଲା | ଖବରପାଇ ପୋଲିସ ଟିମ ଇରାଦତଗଞ୍ଜ ଛକରେ ପହଞ୍ଚିଥିଲା | ପୋଲିସ ଛକରେ ପହଂଚି ଚୋର ଗ୍ୟାଙ୍ଗକୁ ସେଠାରେ ଅପେକ୍ଷା କରିଥିଲା | ପୋଲିସ ଯେମିତି କାର ଛକ ଆଡକୁ ଆସୁଥିବା ଦେଖିଲା ତାଙ୍କୁ ଅଟକାଇ ପଚରାଉଚୁରା କରିଥିଲା | ତେବେ ମୋବାଇଲ ଚୋରି କରିଥିବା ଘଟଣା ଦୁଇଜଣ ସ୍ୱୀକାର କରିଥିଲେ | ସେମାନେ କହିଥିଲେ ଯେ, ଚୋରି ମୋବାଇଲ, ପାଲଟପ ସେମାନେ ନେଇ ସହରରେ ବିକ୍ରି କରିଦେଇଥାନ୍ତି | ପୋଲିସ କାର ଭିତରୁ ୧୭ଟି ଦାମୀ ମୋବାଇଲ, ଗୋଟିଏ ଟାବଲେଟ ଓ ଦୁଇଟି ଲାପଟପ ଜବତ କରିଥିଲା |

ଦୁଇ ଚୋର ହେଲେ ସହବାନ ସିଦ୍ଦିକି ଏବଂ ରାଜୁ ନାମଦେବ | ସେମାନେ ଯେଉଁ କାରରେ ବୁଲି ଚୋରି କରୁଥିଲେ ସେଥିରେ ଉତ୍ତରପ୍ରଦେଶ ସରକାର ଲେଖା ହୋଇଥିଲା | ଏହି କାରଣରୁ ସେମାନେ ଚୋରି କରି ପଳାୟନ କରିବାରେ ସଫଳ ହେଉଥିଲେ | ଯେହେତୁ ସରକାରୀ ଗାଡି ବୋଲି କେହି ଯାଞ୍ଚ କରୁନଥିଲେ ଏବଂ ସେମାନେ ସହଜରେ ଲୋକଙ୍କୁ ଏବଂ ପୋଲିସକୁ ଚକମା ଦେଇ ଚୋରି କରି ଫେରାର ହେଇଯାଉଥିଲେ |   

   Related Posts