ଭଦ୍ରକ, ୧୨|୦୯: ଚୋରି କରିବା ପଡିଲା ମହଙ୍ଗା । ଖସି ଆସୁଥିବା ବେଳେ ଧରିନେଲେ ଗାଁ ଲୋକେ । ଅନ୍ୟ ଜିଲ୍ଲାରୁ ଚୋରି କରି ବାଇକରେ ଫେରୁଥିଲେ । ଗାଁ ଲୋକେ ଖବର ପାଇ ରାସ୍ତା ଉପରେ ଟ୍ରାକ୍ଟର ରଖି ଦୁଇଜଣଙ୍କୁ ଧରିନେଲେ । ଏମିତି ଘଟଣା ଘଟିଛି ଭଦ୍ରକ ଜିଲ୍ଲା ଭଣ୍ଡାରିପୋଖରୀ ଥାନା ନାଆମୀ ପଞ୍ଚାୟତ ସୋଲପୁରା ଗାଁ ନିକଟରେ ।
ସୂଚନା ଅନୁଯାୟୀ, ଦୁଇ ଜଣ ଯୁବକ କେଉଁଝର ଜିଲ୍ଲା ଛେନାପଦୀ ଅଞ୍ଚଳରୁ ଲୁଟ କରି ଫେରିବା ବେଳେ ସ୍ଥାନୀୟ ଲୋକେ ଖବର ପାଇଥିଲେ । ଲୁଟେରା ମାନେ ବାଇକରେ ଦ୍ରୁତ ଗତିରେ ଆସୁଥିବା ଖବର ମିଳିଥିଲା । ସ୍ଥାନୀୟ ଲୋକେ ଏକ ଟ୍ରାକ୍ଟରକୁ ରାସ୍ତା ମଝିରେ ରଖିଦେଇଥିଲେ । ତେବେ ଲୁଟେରା ମାନେ ଟ୍ରାକ୍ଟରକୁ ପାର କରୁଥିବା ବେଳେ ଗାଁ ଲୋକେ ଧରିଥିଲେ ।
ଏହି ଖବର ପୋଲିସ ପାଖରେ ପହଁଚିଥିଲା । ଖବର ପାଇବା ପରେ ଭଣ୍ଡାରିପୋଖରୀ ପୋଲିସ ଦୁଇ ଲୁଟେରାଙ୍କୁ ଉଦ୍ଧାର କରିଛି । ତେବେ ଲୁଟେରା ଦୁଇ ଜଣଙ୍କ ସହ ବାଇକ ମିଳିଥିବା ବେଳେ ସେମାନେ ଲୁଟ କରିଥିବା ଟଙ୍କା କୁଆଡେ ଗଲା ସେ ନେଇ ନନ୍ଦିପଦା ପୋଲିସ ଗାଁରେ ଖୋଲତାଡ଼ କରୁଛି ।