ବର୍ଦ୍ଧମାନ ୦୭/୦୯: ମୋବାଇଲ୍ ଫୋନ ଯାହାକି ଏବେ ଦୈନନ୍ଦିନ ଜୀବନରେ ଅତ୍ୟନ୍ତ ଜରୁରୀ ହୋଇପଡ଼ିଛି। ମୋବାଇଲ୍ ଫୋନ ମାଧ୍ୟମରେ ଆମର କାର୍ଯ୍ୟ ସବୁ ସହଜରେ ହୋଇପାରୁଛି । କିନ୍ତୁ ଯେତେବେଳେ ସେହି ଫୋନଟି ଚୋରି ହୋଇଯାଏ ୟୁଜର ବିଭିନ୍ନ ଅସୁବିଧାର ସମ୍ମୁଖୀନ ହୋଇଥାଏ । ପ୍ରାୟତଃ ଚୋରି ଫୋନ୍ ମିଳିବା ମୁସ୍କିଲ୍। ଏପରିକି ଥାନାରେ ଅଭିଯୋଗ କଲେ ମଧ୍ୟ ଚୋରି ଫୋନ ମିଳିବା କଷ୍ଟ ।
କିନ୍ତୁ ଥରେ ଚିନ୍ତା କଲେ ଯେତେବେଳେ ଚୋର ନିଜେ ଫୋନ ଫେରାଇବା ପାଇଁ କହିବ ତେବେ କଣ ହେବ ? ସେମିତି ଏକ ଘଟଣା ପଶ୍ଚିମବଙ୍ଗର ବର୍ଦ୍ଧମାନରେ ଘଟିଛି । ଜଣେ ବ୍ୟକ୍ତି ନିଜର ୪୫ ହଜାର ଟଙ୍କାର ଏକ ଫୋନ୍ ମିଠା ଦୋକାନରେ ଛାଡ଼ିଆସିଥିଲେ । ପରେ ଖୋଜିବା ପରେ ଫୋନ ମିଳିନଥିଲା । ଫୋନ୍ଟି ଚୋରି ହୋଇଯାଇଥିଲା ।
ପରେ ଅନ୍ୟ ଏକ ଫୋନରୁ ସେହି ମୋବାଇଲ୍କୁ କଲ କରିବାରୁ ତାହା ସ୍ବିଚ୍ଅଫ୍ ଦେଖାଇଥିଲା । କିନ୍ତୁ କିଛି ଦିନ ପରେ ଫୋନ କରିବାରୁ ଫୋନ ରିଙ୍ଗ ହେବା ସହ ଚୋରି କରିଥିବା ଯୁବକ ଫୋନ ଫେରାଇବ ବୋଲି କହିଥିଲା । କାରଣ ହେଉଛି ଯେ, ସେ ଦାମୀ ଫୋନ ଚଳାଇବାରେ ବିଫଳ ହେଉଛି । ଫୋନ ନଚଳାଇବାରୁ ଫୋନଟି ଫେରାଇଥିଲା ଚୋର ।
ଫୋନ ଫେରିପାଇବା ପରେ ଚୋର ନାଁରେ କୌଣସି ମାମଲା କରିବାକୁ ମନାକରିଥିଲେ ଫୋନ ୟୁଜର। ଏନେଇ ଜଣେ ବରିଷ୍ଠ ପୋଲିସ ଅଧିକାରୀ ସୂଚନା ଦେଇଛନ୍ତି।
