ଗାଜିଆବାଦ ୨୫/୧୦ : ଚୋରି କରୁଥିଲା, ସେହି ଟଙ୍କାରେ ଅଏସ୍ କରୁଥିଲା । ପତ୍ନୀଙ୍କୁ ନିର୍ବାଚନରେ ଜିତାଇବାକୁ ମୋଟା ଅଙ୍କର ଟଙ୍କା ଖର୍ଚ୍ଚ କରୁଥିଲା ସେପଟେ ଚାରି ଚାରି ଜଣ ପ୍ରେମିକାଙ୍କ ପଛରେ ଖର୍ଚ୍ଚ କରୁଥିଲା ବିଡା ବିଡା ଟଙ୍କା । ସମାଜସେବା କି କରୁଥିଲା । ଗରିବଙ୍କୁ ସାହାଯ୍ୟ କରୁଥିଲା । ଗାଁ ଗହଳିରେ ରାସ୍ତା ତିଆରି କରି ଲୋକଙ୍କ ପାଇଁ ଭଗବାନ ପାଲଟିଯାଇଥିଲା । ଆଜ୍କା ରବିନ୍ ହୁଡ୍ ଇରଫାନ ପୋଲିସକୁ ଚକ୍ମା ଦେଇ ଉଠାଉଥିଲା କୋଟି କୋଟି ଟଙ୍କା । ଦୀର୍ଘଦିନ ହେଲା ବିଭିନ୍ନ ସ୍ଥାନରୁ ଲୁଟ୍ କରୁଥିବା ହାଇ ପ୍ରୋଫାଇଲ ଚୋର ଶେଷରେ ପୋଲିସ କବ୍ଜାରେ ପଡିଛି । ୧୨ ରାଜ୍ୟର ପୋଲିସ ତାକୁ ଧରିବା ପାଇଁ ନାକେଦମ ହୋଇଯାଇଥିଲେ । ଅଭିଯୁକ୍ତ ଇରଫାନ୍ ଧରା ପଡିବା ପରେ ପୋଲିସ ବି ତାଜୁବ ହୋଇଯାଇଛି ।
ଗତ ମାସରେ ଗାଜିଆବାଦର କବି ନଗରରେ ରହୁଥିବା ବ୍ୟବସାୟୀ କପିଲ ଗର୍ଗଙ୍କ ଘରୁ ପ୍ରାୟ ଦେଢ କୋଟି ଟଙ୍କା ଚୋରି କରିନେଇଥିଲା ଇରଫାନ । କୋଟି କୋଟି ଟଙ୍କା ଲୁଟ୍କରି ଦାମୀ କାର ଚଳାଇବାରେ ସୌକ୍ ରଖୁଥିଲା ଇରଫାନ । ଦେଶର ବିଭିନ୍ନ ସ୍ଥାନରୁ ଚୋରି କରି ଆଲିସାନ୍ ବଙ୍ଗଳା, ଦାମୀ କାର ଚଢୁଥିଲା । ବିହାରର ସୀତାମଢୀରେ ରହୁଥିବା ହାଇ ପୋଫ୍ରାଇଲ ଚୋର ଇରଫାନକୁ ଧରିବା ପାଇଁ ୧୨ ରାଜ୍ୟର ପୋଲିସ ବିଭିନ୍ନ ସ୍ଥାନରେ ଚଢାଉ ଜାରିରଖିଥିଲେ । ନାକେଦମ ହେବାପରେ ଶେଷରେ ଧରା ପଡିଛି ଇରଫାନ ।
{"width":720,"height":405}
ପୋଲିସ ପକ୍ଷରୁ ମିଳିଥିବା ସୂଚନା ଅନୁସାରେ, ଇରଫାନର ପତ୍ନୀ ଗୁଲଶନ ପରଓ୍ବୀନ୍ ଜିଲ୍ଲା ପଞ୍ଚାୟତ ନିର୍ବାଚନ ଲଢୁଛନ୍ତି । ପତ୍ନୀଙ୍କୁ ବିଜୟୀ କରାଇବା ପାଇଁ ମୋଟା ଅଙ୍କର ଟଙ୍କା ଖର୍ଚ୍ଚ କରିଛି ଇରଫାନ । ଏପରିକି ୭ଟି ଗାଁରେ ରାସ୍ତା ନିର୍ମାଣ ପାଇଁ ସାତ କୋଟି ଟଙ୍କା ଖର୍ଚ୍ଚ କରିଦେଇଛି ସେ । କେବଳ ସେତିକି ନୁହେଁ ପଡୋଶୀରେ ରହୁଥିବା ଜଣେ ଦରିଦ୍ର ଝିଅର କ୍ୟାନସର ଅପରେସନ ପାଇଁ ୨୦ ଲକ୍ଷ ଟଙ୍କା ଖର୍ଚ୍ଚ ବି କରିଛି ।
ବଡ କଥା ହେଉଛି ହାଇ ପ୍ରୋଫାଇଲ ଲୁଟେରା ଝିଅମାନଙ୍କ ମେଳରେ ରହିବାକୁ ବେଶ ଭଲ ପାଉଥିଲା । ଜଣେ ପତ୍ନୀ ଗାଁରେ ନିର୍ବାଚନ ଲଢୁଥିବା ବେଳେ ଦେଶର ବିଭିନ୍ନ ରାଜ୍ୟରେ ଇରଫାନର ପ୍ରେମିକ ଥିଲେ । ଆଗ୍ରା, ଆଲୀଗଡ, ମାଧୋପୁର ଏବଂ ମୁମ୍ବାଇରେ ତାର ୪ ଜଣ ପ୍ରେମିକା ଥିଲେ । ଇରଫାନ ଯେତେବେଳେ ବି ଯାଉଥିଲା ତାଙ୍କ ପିଛା ମୋଟା ଅଙ୍କର ଟଙ୍କା ବି ଖର୍ଚ୍ଚ କରୁଥିଲା ।
{"width":813,"height":457}
ପଚରାଉଚରା ବେଳେ ପୋଲିସ ସାମ୍ନାରେ ସେ କହିଛି ଯେ, ନୋଟବନ୍ଦୀ ହେବା ପୂର୍ବରୁ ସେ ଦିଲ୍ଲୀର ଜଣେ ଓକିଲଙ୍କୁ ଘରୁ ୬୫ ଲକ୍ଷ ଟଙ୍କା ଚୋରି କରିନେଇଥିଲା । ଏହା ପରେ ଗୋଆର ରାଜ୍ୟପାଳ ଭବନ ନିକଟରେ ରହୁଥିବା ଜଣେ ବ୍ୟବସାୟୀଙ୍କ ଘରୁ ମୋଟା ଅଙ୍କର ଟଙ୍କା ଚୋରି କରି ଫେରାର ହୋଇଯାଇଥିଲା ।
୧୧ ବର୍ଷ ପୂର୍ବରୁ ଆରମ୍ଭ କରିଥିଲା ଚୋରି । ସେହି ଟଙ୍କାକୁ ସମାଜ ସେବାରେ ଖର୍ଚ୍ଚ କରି ରାଜନୀତି କରୁବାକୁ ଚାହୁଁଥିଲା ଇରଫାନ । ଗାଁ କିମ୍ବା ଆଖପାଖ ଅଞ୍ଚଳରେ ଯାହାର ଯେକୌଣସି ଅସୁବିଧା ହେଉଥିଲା, ସେମାନଙ୍କୁ ସଙ୍ଗେସଙ୍ଗେ ଟଙ୍କା ଦେଉଥିଲା । ଅର୍ଥାତ ଚୋରି କରିବା ପରେ ମୂଲ୍ୟବାନ ଜିନିଷଗୁଡିକୁ ବିକ୍ରି କରି ସେହି ଟଙ୍କାରେ ଗରିବ ଲୋକଙ୍କୁ ସାହାଯ୍ୟ କରୁଥିଲା ।
କ୍ରାଇମବ୍ରାଞ୍ଚ ଏସ୍ପି ସତବୀର ସିଂହ କହିଛନ୍ତି, ଗିରଫ ହୋଇଥିବା ହାଇଫାଇ ଚୋର ଇରଫାନ୍ ଚୋରି କରିବା ପୂର୍ବରୁ ସେ କୌଣସି ପୂର୍ବ ପ୍ରସ୍ତୁତି କରୁନଥିଲା । ଜାଗୁଆରରେ ବୁଲି ଯେଉଁଠୁ ଚାହୁଁଥିଲା ସେଠାରୁ ଚକ୍ମା ଦେଇ ଉଠାଉଥିଲା ମୋଟା ରକମର ଟଙ୍କା । ସେ ଯେଉଁ ଘରକୁ ଟାର୍ଗେଟ କରୁଥିଲା ସେଠାରୁ ଯେମିତି ହେଲେ ଟଙ୍କା ଚୋରି କରୁଥିଲା । ଯେଉଁ ଘରେ କଡା ସୁରକ୍ଷା ବ୍ୟବସ୍ଥା ଥିଲା ସେଠାରେ ମଧ୍ୟ ଚକ୍ମା ଦେଖାଇ ପସୁଥିଲା ଏବଂ ଟଙ୍କ, ସୁନା ଗହଣା ଲୁଟୁଥିଲା ।
